Recent Articles

Postinor 01 කියන්නේ මොනවද?


කාන්තාවෝ පමණක් නෙවෙයි පිරිමි අය පවා මේ Postinor 01 කියන නම හොඳට අහලා ඇති. ඒත් මේ ලිපිය වැදගත් වෙන්නේ මේ ගැන අහලා තියන සහ මේ ගැන හරියට නොදන්නා අයට. මොකද නොදන්න දේ දැනගැනීම වගේම ජීවිතේට කවදාහරි අවශ්‍යවන දෙයක් දැනගන්න එක ඉතාම වැදගත් නිසා.

මුලින්ම කිව යුතු දේ තමයි Postinor 01 කියන්නේ උපත් පාලන පෙති වර්ගයක්. මෙයට Morning Pill කියන නමත් මෙය භාවිතා කරන අය අතරේ ප්‍රසිද්ද නමක්. ඇත්තටම උපත් පාලන ගිලින පෙති (Oral Contraceptives) වර්ග දෙකක් ලෝකයේ තිබෙනවා. එකක් තමයි සාමාන්‍ය උපත් පාලන පෙති වර්ග. ඒ කියන්නේ හරියටම අපි කලින් ලිපියක කතාකරපු ‘මිතුරි’ වගේ ඒවා.

අනිත් වර්ගය තමයි හදිසි උපත් පාලන පෙති (Emergency Contraceptive Pills) කියන වර්ගය. හැබැයි මේ වර්ගය නිතර ගැනීම සුදුසු වන්නේ නෑ. ඒ වගේම මේ පෙති වර්ග දෙකම භාවිතා කල යුත්තේ කාන්තාවන් විසින්. Postinor 01 කියන්නෙත් හදිසි උපත් පාලන පෙති වර්ගයක්.

කාටද?

Postinor 01 පෙති වර්ගය වැදගත් වෙන්නේ ගර්භනී තත්වයක් අපේක්ෂා නොකර (ඒ කියන්නේ දරු උපතක් තාවකාලිකව පමාකරන හෝ දරු උපත් වලින් පසු නැවත දරු උපතක් අපේක්ෂා නොකරන) කාන්තාවන්ටයි. අනාරක්ෂිත ලිංගික එක්වීමකින් පසු (කොන්ඩම් පැළඳීමකින් තොරව අභ්‍යන්තරව ලිංගිකව එක්වීම) Postinor 01 පෙත්තක් ගැනීම සිදුකල යුතුයි.

ඒ වගේම ඔබ දැනට සාමාන්‍ය උපත් පාලන පෙති වර්ගයක් හෝ වෙනත් උපත් පාලන ක්‍රමවේදයක් (ලිංගිකව එක් නොවී සිටීම, උපත් පාලන එන්නත් ලබාගැනීම, Implant හෝ IUD පැළඳීම) භාවිතා නොකරනවනම් පමණක් මෙය භාවිතා කළ යුතුයි. මෙන්ම


  • උපත් පාලන කොපුව (කොන්ඩමය) ලිංගිකව එක්වීමේදී ඉරී ගිය අවස්ථාවක.
  • ආරක්ෂිත කාලය (දින ගණන) හරියාකාරව ගණනය කිරීමට නොහැකිවූ අවස්ථාවක.
  • සාමාන්‍ය උපත් පාලන පෙති දින ගණනාවක් තිස්සේ භාවිතා කිරීම අතපසුවී අනාරක්ෂිතව ලිංගිකව එක්වීමකදී.
  • වෙනත් උපත්පාලන ක්‍රමවේද හරියාකාරව ක්‍රියාත්මක වේදැයි ඔබට සැක සහිත අවස්ථාවක.
  • අභ්‍යන්තරිකව ලිංගික අතවරයකට හෝ දූෂණයට ලක්ව ඇති මොහොතක.

කාන්තා ඔබේ ආරක්ෂාවට Postinor 01 පෙත්තක් ගන්න එක වඩා හොඳයි.

භාවිතා කරන්නේ කොහොමද?

සාමාන්‍යයෙන් Postinor 01 පැකට්ටුවක අඩංගු වන්නේ එක පෙත්තක් පමණයි. නමුත් Postinor 02 පෙති පැකට්ටුවේ පෙති දෙකක් අඩංගු වෙනවා. ඉතින් ඔබ මිලට ගෙන තියෙන්නේ Postinor 01 පැකට්ටුවක් නම් එහි ඇති එකම පෙත්ත අනාරක්ෂිත ලිංගික එක්වීමකට පස්සේ පැය 72ක් ඇතුලත (හැකිතාක් ඉක්මණින් ගන්න පුළුවන්නම් වඩාත් හොඳයි) භාවිතා කලයුතුයි. ඒ මගින් අනවශ්‍ය ගැබ්ගැනීම් ඇතිවීම වැලැක්වීම සිදුවෙනවා.

විශේෂ ලක්ෂණ මොනවාද?

පෙති දෙකක් ගැනීමේදී එක පෙත්තක් භාවිතා කරලා නැවත දෙවැනි පෙත්ත ගන්න අමතකවීම නිසා සිදුවෙන අපහසුතාවයන් Postinor 01 වලදි මගහැරෙනවා. මොකද එක පෙත්තක් පමණක් ඇති නිසා එක්වරක් භාවිතා කිරීම ප්‍රමාණවත්.

මිලෙන් අඩුවීම. සාමාන්‍යයෙන් රුපියල්. 180 ක වගේ මිළකට ඕනෑම ෆාමසියකින් හෝ වෛද්‍ය මධ්‍යස්ථානයකින් මිළට ගන්න පුළුවන්. කාන්තා පිරිමි ඕනම කෙනෙක්ට මිළට ගන්න පුළුවන් වගේම වෛද්‍යවරයෙක්ගේ වට්ටෝරුවක් අවශ්‍යවන්නේත් නෑ.
99% ක් පමණ සාර්ථක ප්‍රතිඵල තිබෙනවා. ඒ කියන්නේ සමහරවිට මේ ක්‍රමය සාර්ථක නොවන අයත් ඉන්න පුළුවන්. හැබැයි අති බහුතරයකට මේක ආරක්ෂිත හදිසි උපත්පාලන ක්‍රමවේදයක්.
විශේෂයෙන්ම මෙය වඩාත් සුදුසු වන්නේ විවාහක කාන්තාවන්ටයි.

සෞඛ්‍යට අහිතකරයිද?

මේ වගේ මිත්‍යා මත බොහෝ කාන්තාවන්ගේ වගේම පිරිමින්ගේ හිත්වලත් පැලපදියම් වෙලා තියනවා. නමුත් Postinor 01 කියන්නේ Progesterone අඩංගු හෝමෝන පෙත්තක්. මෙය මගින් කාන්තා ශරීරයේ හෝමෝන තාවකාලිව අසමබර කරලා ගැබ්ගැනීමක් ඇතිවීම තාවකාලිකව වල්කවනවා. කිසිම ලෙසකින් මේ නිසා පසුකාලීනව ගබ්සාවීමක් හෝ දරුණු ගණයේ සංකූලතා ඇතිවෙන්නේ නෑ.

අතුරු ආබාධ එහෙම තිබෙනවද?

සමහර කාන්තාවන්ට Postinor 01 භාවිතා කලාට පස්සේ පැය දෙකක් වගේ ඇතුලත වමනය වගේ තත්වයක් ඇතිවෙන්න පුළුවන්. ඒක සාමාන්‍ය තත්වයක්. මේ තත්වය වලක්වන්න ඔබට Postinor 01 පෙත්ත කිරි වීදුරුවක් එක්ක හෝ ජූස් වීදුරුවක් එක්ක ගන්න පුළුවන්. හැබැයි දිගින් දිගටම වමනය සහ හිසරදය පවතිනවනම් ආසාත්මිකතාවයක් වෙන්න පුළුවන් නිසා ඉක්මණින් වෛද්‍යවරයෙක් හමුවිය යුතුයි.

මේ පෙත්ත ඔබේ ආර්තව චක්‍රයේ ඕනෑම කාලයකදී භාවිතයට සුදුසුයි. ඒත් මේ පෙත්ත නිතර හෝ දිනපතා ගැනීම ඉතාම අහිතකරයි. මොකද මෙහි අඩංගුවන ද්‍රව්‍ය දිනපතා ශරීරගතවීම සුදුසු නැති නිසා. ඒ වගේම මේ පෙත්ත කිරිදෙන මව්වරුන්ට පවා ගැටළුවකින් තොරව භාවිතා කළ හැකියි.

ඒත් මේ පෙත්ත ගැබිණි මව්වරුන් විසින් භාවිතා නොකළ යුතුයි වගේම මේ මගින් ලිංගාශ්‍රිතව පැතිරෙන රෝග වලින් ඔබව ආරක්ෂා කරන්නෙත් නෑ කියන එක මතක තබාගත යුතුයි.

Postinor 01 විශ්වාසවන්තයිද?

මෙය හංගේරියාවේ නිෂ්පාදිත උපත් පාලන පෙති වර්ගයක් වීම නිසා ඉතා උසස් තාක්ෂණයක් භාවිතා කරගෙන ගුණත්වයෙන් ඉහළ අමුද්‍රව්‍ය වලින් නිෂ්පාදනය වෙන පෙති වර්ගයක්. ලංකාවේ ගෙන්වා බෙදා හැරීම සිදුකරන්නේ ශ්‍රී ලංකා පවුල් සංවිධාන සංගමයේ අලෙවිකරණ අංශය විසින්. ඒ නිසා විශ්වාසය සම්බන්ධයෙන් ගැටළුවක් නෑ.

This is the one and only positive sex educational website in Sri Lanka and written in the Sinhala language

පිරිමි බය කරන බෙලහීනතාව.


පිරිමින්ගේ ඇතිවන ලිංගික අප්‍රාණිකත්වය හෙවත් ලිංගික කාර්යයේදී ශිෂ්ණය නිසි ලෙස ප්‍රාණවත් කර ගැනීමට ඇති නොහැකියාව හෝ ප්‍රාණවත් වූ ශිෂ්ණය ලිංගික කාර්ය අවසාන වන තෙක් පවත්වා ගැනීමට ඇති නොහැකිව ලිංගික බෙලහීනතාවය (Erectile Impotence) ලෙස පසුගිය සතියේ අපගේ ලිපියෙන් හඳුනා ගත්තෙමු. මෙයට බලපාන ශාරීරික හා මානසික හේතු පිළිබඳවත් යම්තාක් දුරට එම ලිපියෙන් විග්‍රහ කළෙමු. ලිංගික බෙලහීනතාවය වටා අපගේ ආකල්ප, විශ්වාස සහ පරිසරාත්මක සාධක බොහොමයක් ඇති බව දැනටමත් අවබෝධ වී ඇත. ලිංගික බෙලහීනතාවයට කෝකටත් තෛලයක් ලෙස ‘ව්‍යාඝ්‍රා’ (Sildenafil) පෙති ගිලීමේ මිත්‍යාවද පළමු ලිපියෙන් යම්තාක් දුරට විස්තර කළෙමු. අපි අද ලිපියෙන් තවදුරටත් ගැඹුරෙන් ලිංගික බෙලහීනතාවය පිළිබඳ කරුණු විමසා බලමු.

සාර්ථක ලිංගිකත්වයකට නිවැරදි ආකල්ප වර්ධනය කුඩා කල සිටම සිදුවිය යුතුය. සමහර වැරදි ආකල්ප අපගේ මනසට කුඩා අවදියේම ඇතුළුවීම ලිංගිකත්වයට බාධාවකි. නිවැරදි ආකල්ප දරුවා තුළ වර්ධනය කිරීම දෙමාපියන්ගේ රාජකාරියකි. ලිංගිකත්වය පිළිබඳ කරුණු දරුවාගේ මනසට කුඩා අවධියේ සිටම ක්‍රමක්‍රමයෙන් ඇතුළු වේ. ඒවා වැරදි ලෙස දැකීම දරුවාගේ ආකල්ප වර්ධනයට විශාල බාධාවකි. මෙය පහත කතාවලින් අවබෝධ කර ගනිමු.

පසන්ගේ කතාව

පසන්ගේ වයස අවුරුදු 20යි. ඔහු ගණකාධිකාරීවරයකු වීමට වැඩිදුර අධ්‍යාපනය ලබමින් සිටී. පසන් සමඟ නිමේෂා ප්‍රේමයෙන් බැඳී දැනට අවුරුදු 2කි. දෙදෙනා අතර ලිංගික සබඳතාවයක්ද පැවතුණි. නමුත් පසන්ට තිබූ ගැටලුව වූයේ නිමේෂා සමඟ ලිංගික සංසර්ගයට යාමේදී ශිෂ්ණය නිසි ලෙස ප්‍රාණවත් නොවීමයි. ඔහුගේ ගැටලුව මෙසේ ඔහු ඉදිරිපත් කළේය.

“මම නිමේෂාට ආදරෙයි. අපි දෙන්නා අතර වෙන කිසිම ගැටලුවක් නැහැ. නමුත් ඇය සමඟ ලිංගික සංසර්ගයේ යෙදෙන විට විනාඩි දෙකක්වත් යාමට පෙර ශිෂ්ණයේ ප්‍රාණවත් වීම නැති වෙනවා. මට මේක ලොකු ගැටලුවක්. මට එකපාරටම හිතෙනවා මෙහෙම නිමේෂාත් එක්ක එකතුවෙන එක වැරදියි කියලා. නිමේෂාගෙ නිරුවත දකින විට ක්ෂණිකව මම කලබල වෙනවා. දැඩි ආශාවක් සමඟ බයක් දැනෙනවා.” අපි තවදුරටත් පසන්ගේ ළමා කාලය පිළිබඳව විමසා බැලුවේය.

“එතකොට මගෙ වයස අවුරුදු 10ක් විතර ඇති. අම්මා නානකොට, ඇඳුම් මාරු කරනකොට ඇය දිහා බලන් ඉන්න මම හරි ආසයි. මම මෙහෙම බලන් ඉන්නවා කියලා මට ගහපු වාර ගණන අනන්තයි. ඉන් පස්සෙ මට කාන්තාවකගෙ ඇඳුම් නැති පින්තූරයක් දැක්කත් අමුතුම බයක් එනවා.”

පසන්ගේ භීතිය සහ ලිංගික අප්‍රාණිකත්වයට හේතුව අම්මා විසින් දරුවා තුළ ලිංගිකත්වය පිළිබඳ ඇතිකර තිබෙන භීතියයි. මනෝ විශේෂඥයන්ට අනුව කුඩා දරුවකුට ඔහුට හෝ ඇයට ඇතිවන කුතුහලය නිසා දෙමාපියන්ගේ නිරුවත දැකීමට යම් ආකාරයක ආශාවක් ඇතිවේ. එසේ දැකීම දරුවාගේ මනසට කිසිම හානියක් ඇති නොකරයි. මෙය කුතුලය අවම කර ලිංගිකත්වය පිළිබඳ නිවැරදි ආකල්ප ඇති කිරීමට ඉවහල් වේ.

රශ්මිගේ කතාව

රශ්මිගේ වයස අවුරුදු 25යි. රශ්මි විවාහ වී වසර දෙකකි. සුනිමල්ට තිබූ ගැටලුව නම් තම බිරිඳ සමඟ එකතු වීමේදී ලිංගික කාර්යයේ නිසි ලෙස යෙදීමට අවශ්‍ය තරම් ශිෂ්ණයේ ප්‍රාණවත් වීම නැති වීමයි. සුනිමල් ඔහුගේ කතාව මෙහෙම කීවේය.

“මම මගේ බිරිඳට හරිම ආදරෙයි. ඒත් මට ඇය සමඟ ලිංගිකව එකතුවන විට අමුතුම බයක් සහ ලජ්ජාවක් දැනෙනවා. ලිංගික සංසර්ගයේදී ඇය මාව හරිම ඕනකමකින් උත්තේජ කරනවා. ඒත් sex කරන්න තරම් අවශ්‍ය තරමට මගේ ශිෂ්ණය ශක්තිමත් වෙන්නෙ නැහැ. ශුක්‍රාණු පිට කරන්නෙත් හරිම අමාරුවෙන්.” අපි සුනිමල්ගෙන් ඔහුගේ ළමා කාලය පිළිබඳ තවදුරටත් කරුණු විමසුවෙමු. ඔහු මෙසේ කීවේය.

“එතකොට මගේ වයස අවුරුදු 12ක් විතර ඇති. උදේ නැගිටින විට මගේ ශිෂ්ණය ප්‍රාණවත් වෙලා තියෙනවා. ඉතින් සමහර දවසට මම අතින් පිරිමැද ස්වයං වින්දනය කරනවා. දවසක් මෙහෙම කරගෙන ඉන්න විට මගේ අම්මා කාමරේට ආවා. ඇය මේක දැකලා මට හොඳට බැන්නා. ඕවා කළාම ශරීරය සහ මනස දෙකම දුර්වල වෙනවා කියලා අම්මා කීවා. මට ලොකු බයක් වගේම ලජ්ජාවක් ඇතිවුණා. මම කරන්නෙ ලොකු වරදක් කියලා නිතරම මට හිතුණා. ඉතින් ඊට පස්සෙ මේ ගැන යාළුවන්ගෙනුත් ඇහැව්වා. හුඟක් යාළුවෝ කීවෙ ස්වයං වින්දනය කිරීමෙන් ධාතු පිටවීම නිසා ශරීරය දුර්වල වන බවයි. ඒ ඇතිවුණු බය මට තවම තිබෙනවා.”

පිරිමි දරුවකුගේ වයස අවුරුදු 10ක් 15ක් වගේ අතර ලිංගික ආශාවන් උද්දීපනය වෙනවා. මෙහිදී එම ආශාවන් සමඟ ප්‍රාණවත් වූ ශිෂ්ණය ඔවුන්ට අලුත් අත්දැකීමක් වන අතර එහිදී ස්වයං වින්දනයේ යෙදෙනවා. ද්විතීක ලිංගික ලක්ෂණ සමඟ හෝමෝනවල ඇතිවන වෙනස් වීමද සමඟ මෙම ආශාව සම්පූර්ණයෙන්ම ස්වාභාවික ආශාවක්. එය කිසිසේත්ම මනසට හෝ ශරීරයට හානිකර නෑ. ස්වයං වින්දනය පිළිබඳ වැරදි ආකල්ප සමාජය තුළ එමටයි. දෙමාපියන් මේ ගැන ප්‍රවේශමෙන් ක්‍රියා කළ යුතු වෙනවා.

අඹු සැමි සබඳතාවයකදී ඇතිවන සමහර මානසික ගැටලු පිරිමින්ගේ ලිංගික අප්‍රාණිකත්වයට තවත් ප්‍රබල හේතුවක්. ජීවත් වන පරිසරය සහ එහි වටා සිටින පුද්ගලයන් සාර්ථක ලිංගික ජීවිතයකට ඉවහල් වන සාධක බව බොහෝ දෙනා දන්නෙ නැහැ. මෙහි පහත එන මාධවගේ කතාව මීට කදිම නිදසුනකි.

මාධවගේ කතාව

මාධවගේ වයස අවුරුදු 35යි. ඉංජිනේරුවරයකු ලෙස සේවය කරන මාධව විවාහ වී දරුවන් දෙදෙනෙක් සිටිනවා. මාධව දිලිනි සමඟ අවුරුදු 5ක ආදර සම්බන්ධතාවයකින් පසු විවාහ වී තිබෙනවා. දැනට අවුරුදු 3ක් පමණ කාලයක් තුළදී බිරිඳ සමඟ එකතු වීමේදී ශිෂ්ණය නිසි ලෙස ප්‍රාණවත් කර ගැනීමට නොහැකි බව අපට පැවසුවා. මාධව අපට මෙසේ පැවසීය.

“දැන් අවුරුදු 5ක් වෙනවා මම ඉන්නෙ බිරිඳගෙ ගෙදර. ඉස්සර අපි හිටියෙ මාතර අපේ ගෙදර. දරුවො දෙන්නා පාසලකට දාන්න ඕන නිසා කොළඹට ආවා. බිරිඳගෙ මහගෙදර තියෙන්නෙ කොට්ටාවෙ. අපි දැන් ඉන්නෙ කොට්ටාවෙ. මේ ගෙදර මහ අපායක්. මගේ බිරිඳගෙ තාත්තත් බේබද්දෙක්. මාමයි නැන්දම්මයි අතර හැම තිස්සෙම රණ්ඩු. අපිට කිසිම වැඩක් නිදහසේ කරන්න බැහැ. නැන්දම්මා හරිම නපුරුයි. හරිම කුහකයි. අපි දෙන්නා තනියම කාමරේ කතා කර කර හිටියත් එතනටත් ඇවිත් එබෙනවා. මේක මගේ මනසට හරිම පීඩනයක්. මගේ බිරිඳ ගැන එච්චර ආශාවක් දැන් ඇතිවෙන්නෙ නැහැ. ඇයත් මේ නැන්දම්මගෙ දුව කියල තමයි මට නිතරම හිතෙන්නෙ. ලිංගිකව එකතු වෙන්න ගියත් මට ලොකු ආදරයක් ආශාවක් ඇය ගැන ඇතිවෙන්නෙ නැහැ. එකතුවෙලා විනාඩි තුනක් හෝ හතරක් යන්නත් ප්‍රථමව ප්‍රාණවත් වීම නැතිවී යනවා.”

පිරිමින්ගේ ලිංගික බෙලහීනතාවයට දෙදෙනා අතර ඇති සම්බන්ධතාවය සහ ජීවත් වන පරිසරය ඉතා වැදගත් සාධකයක් බව බොහෝ දෙනා නොදන්නා කරුණකි. ආදරය ප්‍රේමය සහ ආශාව තනිව බෙදාගත හැකි සුසංයෝගයක් නොවේ. එකිනෙකා අතර බෙදාගෙන රසවිඳිය හැකි සම්බන්ධතාවයකි. මිනිසාට ජීවිතය විඳීමට සාමූහිකත්වයේ ඇති වැදගත්කම මෙම කතාවෙන් පැහැදිලි වේ.

►කිරිබත්ගොඩ මූලික රෝහලේ මානසික වෛද්‍ය: නයනානන්ද කුමාරනායක

This is the one and only positive sex educational website in sri lanka and written in Sinhala language

සුරාන්තය ප්‍රමාද කරමු!


සුරාන්තය කියන්නේ ඉතින් සරලව කියනවනම් ලිංගික සංසර්ගයකදී (යෝනි, මුඛ හෝ ගුද) හෝ ස්වයං වින්දන ක්‍රියාවලියක් අවසානයේ පිරිමි කට්ටියගේ ශුක්‍රාණු පිට වීමේ ක්‍රියාවලියට.. ගැහැණු අයගෙත් සුරාන්තයේදී තරලයක් පිට වීමක් සිදු වෙනවා...

හරි ඉස්සෙල්ලාම අපි බලමු කොහොමද මේ සුරාන්තයට පත්වීම සිදුවන්නේ කියලා ඉතාමත් කෙටියෙන්. ඒ ක්‍රියාවලිය පාලනය කරන්නේ මධ්‍යය ස්නායු පද්ධතියේ මැදිහත්වීමෙන්.ඒ සඳහා අනුවේගී සහ ප්‍රත්‍යයානුවේගී කියන ස්වයං සාධක ස්නායු පද්දතිය බලපානවා....

අපේ ශිෂ්ණයේ ඉදිරියෙන්ම තියනවා ශිෂ්ණ මුණ්ඩය (Glans Penis) කියලා කොටසක්.. ඒක ආවරණයකින් එහෙමත් නැත්නම් පෙර සමකින් (Foreskin) කියලා එකකින් ආවරණය වෙලා තියෙන්නේ. 



ඒ ආවරණය ශිෂ්ණ මුණ්ඩය දක්වා විතරයි ලිංගිකව එකතු නොවුන කෙනෙක් ගේ පසු පසට ඇදෙන්නේ.. නමුත් රළු විදිහට ලිංගිකව එකතු උනහම මේ ආවරණය ශිෂ්ණ මුණ්ඩය ඉක්මවා පහලට යෑම සිදුවෙනවා.. ඒකට තමයි අපේ කට්ටිය ඔය නූල කැඩෙනවයි (Tearing of the frenulum) කියන්නේ.

ආයේ ට්‍රැක් එකට පනිමු.. ඔය ශිෂ්ණ මුණ්ඩයේ තියන සංවේදී ප්‍රතිග්‍රාහක උත්තේජනය වීමෙන් සංවෙදන මධ්‍යය ස්නායු පද්ධතියට ගොහින් ලැබෙන ප්‍රතිචාරයේ අවසන් ප්‍රතිපලය තමයි සුරාන්තය විදිහට ශුක්‍ර තරලය පිටවීමකින් අවසන් වෙන්නේ...

සුරාන්තය ප්‍රමාද කරන්න පුලුවන් ක්‍රම ගොඩාක් තියනවා.

1.ආරක්ෂිත කොපු පැලදීම.

ආරක්ශිත කොපු පැලදීමෙන් සුරාන්තය අනිවාර්‍යයෙන්ම දිගු වෙනවා... ඒකට අදාල හේතුව මම උඩ පැහදිලි කල බයිලාවෙන් අවබෝද කරගන්න පුලුවන්.. ශිෂ්ණ මුණ්ඩයේ තියන සංවේදී ප්‍රතිග්‍රාහක උත්තේජනය වීම තරමක් දුරට ආවරණයක් වීම සිදුවෙනවා කොන්ඩම් පැළදිම මගින්.. 

ඒ නිසා කොන්ඩම් නොදා ලිංගික එක්වීමකදී සුරාන්තයට පත්වීමට ගතවන කාලයට වඩා වැඩි කාලයක් කොන්ඩම් දැමීමෙන් අල්ලලා ඉන්න පුලුවන්.ඔය වැඩේ සාමාන්‍යය කොන්ඩමයක් පැලදීමෙනුත් කළ හැකියි.. ඒ වගේම කොන්ඩම් එකේ ඝනකම වැඩිවෙන තරමට අල්ලලා හිටින්න පුලුවන් කාලයත් වැඩියි...

ඒ වගේම තියනවා නිර්වේදනික ජෙල් ආවරණයක් සහිත කොන්ඩ්ම් විශේෂ.. ඒකෙනුත් කරන්නේ ශිෂ්ණ මුණ්ඩයේ තියන සංවේදී ප්‍රතිග්‍රාහක උත්තේජනය වීම ප්‍රමාද කිරීමයි.. 

හැබැයි රජෝ එතකොට ඔය දැනෙන හැගීම දැනෙන්නේ නැහැ.. මොකද ශිෂ්ණය හිරි වැටීමකට ලක්වෙලා තියන නිසා.. එමගින් තම සහකාරියට වැඩිවේලාවක් ලිංගික තෘප්තිය දෙන්න පුලුවන් උනාට පිරිමියට මෙලෝ ආතල් එකක් නැති වෙනවා... 

හැබැයි පු‍තෝ කොන්ඩම් එකේ හරි පැත්ත දාගන්න ඕනේ... ඒ කිව්වේ ජෙල් එක ශිෂ්ණය ඇතුලට දමන පැත්තට... 

නැත්නම් ප්‍රමාද වීම කෙසේ වෙතත් හයියෝ මූ පැයක් විතර දැඟලුවාට මටනම් දැනුනෙවත් නෑ කියලා තමුන්ගේ ප්‍රියම්බිකාවගෙන් ඇනුම් පද අහගන්න තමයි වෙන්නේ... ඇයි යකෝ ජෙල් එක ගෑවෙන තැනනේ හිරි වැටෙන්නේ. 

2.නිර්වින්දක ක්‍රීම්, ජෙල් ආලේපනය.

ලිංගික ක්‍රියාවලිය නිරත වෙන්න කලියෙන් නිර්වින්දක ක්‍රීම් හෝ ජෙල් ශිෂ්ණ මුණ්ඩයේ ආලේප කර මද වෙලාවක් සිටීමෙන් අනතුරුව ලිංගික ක්‍රියාවලියේ යෙදීමෙනුත් සුරාන්තය ප්‍රමාද කරගන්න පුලුවන්.

හැබැයි කලින් කිව්වා වගේ හැගීම් දැනීම් පිරිමියට අඩු වෙන්න පුලුවන් හිරි වැටීමකට ලක්වෙන නිසා.. ඒ වගේම ගැහැණු කෙනාටත් දීර්ඝ කාලයක් සංසර්ගයේ යෙදීම කරදරයක් වෙන්න පුලුවන්..ජෙල් එක හොදලා යැව්වාම ආයේ සාමාන්‍යය විදිහට දැනීම ඇති වෙනවා...

3.සෘජු පීඩනයක් යෙදීමේ ක්‍රමය.

මේකෙදි වෙන්නේ සුරාන්තයට පත්වෙන්න ආසන්නයි කියලා තමුන්ට දැනෙන කොටම සෘජුව පීඩනයක් එල්ල කිරීමෙන් ටිකක් ප්‍රමාද කරගන්න පුලුවන්... කොහෙටද දැන් ඔය පීඩනය යොදවන්නේ...???

3.1.වුෂණ කෝශයයි ගුද විවරයයි අතර මැදි ප්‍රදේශයට (Perineal region) පීඩනය එල්ල කරන්න පුලුවන්.වුෂණ කෝෂයේ නිපදවන ශුක්‍රණු සහිත ශුක්‍ර තරලය මුත්‍රා මාර්ගයට එකතු වෙන්නේ පුරස්ති ග්‍රන්තිය (Prostate) කියලා ග්‍රන්තියක් හරහා.

ඔය ග්‍රන්තිය තද කිරීමකට ලක්කරගන්න පුලුවන් පීඩනයක් ඔතනට එල්ල කිරීමෙන්..එමගින් සුරාන්තය ප්‍රමාද කරගන්න පුලුවන්... ඒ සදහා තමුන්ගේ බිරිදටම කියන්න පුලුවන් තමුන්ගේ ඇඟිලි වලින් එතන තද කරන්න කියලා.

3.2.සුරාන්තයට පත්වෙන්න ආසන්න වෙද්දී වුෂණ කෝෂ සහිත මල්ල (Scrotum) ශරීරය ආසන්නයට ඇවිත් තදවීමක් වෙනවා.. ස්වයං වින්දනය කරන අපේ සහෝදරයොත් ඒක දන්නවානේ.දන්නේ නැත්නම් අද රෑට බලා ගන්නකෝ..

සුරාන්තයට පත්වෙන්න ආසන්නයි කියන හැඟීම එන කොට ඒ මල්ලේ උඩ කොටසින් අල්ලලා පහලට ඇදීමක් කිරීමෙන් ශරීරයෙන් ඉවතට ඇදීමෙන් පීඩනයක් ඇති කරන්නත් පුලුවන්.. 

ලිංගික එකතු වීමකදී ශිෂ්ණය යෝනී මාර්ගය ඇතුලේ තියෙද්දිම කරන්න පුලුවන් ක්‍රමයක් වීමයි මේ ක්‍රම දෙකේ තිබෙන වාසිය.

4.නැවතීමේ හා යලි පටන් ගැනීමේ ක්‍රමය.

මේක නම් බොහොම සරල ක්‍රමයක්.. ලිංගික එකතු වීමකදී සුරාන්තයට පත්වීමට ආසන්න වන විටක තව දුරටත් මහන්සි වෙන්නේ නැතුව ශිෂ්ණය යෝනි මාර්ගයෙන් පිටතට අරගෙන තත්පර 30 ත් පමණ කාලයක් මොකුත් නොකර නැවතී සිටින්න පුලුවන්.. ඊට පසුව නැවත් සුපුරුදු පරිදි මහන්සි වෙන්න පුලුවන්.. ඔය ක්‍රමය මගින් තමුන්ට ඕන වෙලාව දක්වා දික් කරගන්න පුලුවන්.. 

5.අග මිරිකීමේ ක්‍රමය

මේකත් හරිම සරල ක්‍රමයක්... ලිංගිකව ලිංගික එකතු වීමකදී සුරාන්තයට පත්වීමට ආසන්න වන විටක කලින් වගේම තව දුරටත් මහන්සි වෙන්නේ නැතුව ශිෂ්ණය යෝනි මාර්ගයෙන් පිටතට අරගෙන ශිෂ්ණ මුණ්ඩයත් ශිෂ්ණ දඩු කොටසත් හමුවෙන තැන.. ඒ කිව්වේ ශිෂ්ණ ගෙල කොටස මහපට ඇගිල්ලත් දබර ඇගිල්ලත් උපයෝගී කරගෙන තත්පර 10 ක් පමණ තද කරගෙන සිටීම් කරන්න ඕනේ..

ඊට පස්සේ තවත් තත්පර 30 ක් පමණ පොඩ්ඩක් මහන්සි ඇරලා ආයෙත් වැඩ පටන් ගන්න තියෙන්නේ.

4 ක්‍රමයට වඩා මෙම ක්‍රමය සාර්ථකයි... 4,5 ක්‍රම දෙකෙම සාර්ථක පහසු ක්‍රම උනාට යෝනි මාර්ගයෙන් ශිෂ්ණය පිටතට ගැනීම සිදු කරන්න වෙන එක අවාසියක්.

6.සංසර්ග වේගය අඩු වැඩි කිරීම.

මේකදි තියෙන්න සංසර්ගය කරන වේගය අඩු වැඩි කිරීම.. ඔය සමහර ලිංගික එකතු වීම් තියෙනවා හරියට නිකන් ලී මෝලේ කොට ඉරන්නම් වගේ...ක්‍රියාකාරීත්වය උපරිමයි... ලිංගික එකතු වීමේ වේගය ඒ කිව්වේ යෝනී මාර්ගයට ශිෂ්ණය ඇතුලු කිරීමත් එලියට ගැනීමත් කියන දෙක සිදුකරන වේගයඉතාමත්ම වැඩියි...

එහෙම උනහම වෙන්නේ කොහොමත් ඉක්මනින් ශිෂ්ණ මුණ්ඩය උත්තේජනය වෙලා සුරාන්තයට පත්වීම ඉක්මන් වෙන එක... එහෙනම් මොකක්ද මේකට කරන්න ඕනේ...??? 

ලිංගිකව එකතු වීමේදී සමහර තැන් වලදී වේගය වැඩි කිරීමත් සමහර තැන් වලදී වේගය අඩු කිරීමත් ක්‍රමානුකූලව නියමිත පරතරයන් ඇතුව කිරීම මගින් සුරාන්තයට පත් වීම ප්‍රමාද කරගන්න පුලුවන්... 

7.හැඟීම් හා සිතිවිලි පාලනය.

මේ ක්‍රමය ඇත්තටම මානසිකව පාලනය කිරීමේ ක්‍රමයක්.. 

a.අපේ හිතේ පීඩනයක් තියනවනම් එහෙමත් නැත්නම් ඔය සමහරු සිංහලෙන් කියන Stress තත්වයකින් හිත අවුල් වෙලා නම්; සරලවම කියනවනම් හිතේ අනම් මනම් ප්‍රශ්ණ පුරවගෙන ලිංගික කාර්‍යයේ යෙදෙනවනම්  එහෙම කෙනෙක්ගේ සුරාන්තයට පත් වීම ඉක්මනින් සිදුවෙන්න පුලුවන්... දැන් මොනවද ඔය ප්‍රශ්ණ...???

කෙනෙක් හිතනවා තමුන්ගේ සුරාන්තයට පත්වීම ඉක්මන් වැඩී කියලා, තව කෙනෙක් හිතනවා තමුන්ට තමුන්ගේ ප්‍රියම්බිකාව තෘප්තිමත් කරන්න බැහැ කියලා, සමහරු හිතනවා තමුන්ගේ ශිෂ්ණය කුඩා සයිස් හා ඒක ප්‍රමාණවත් මදි කියලා.. ඔන්න ඔය වගේ ප්‍රශ්ණ ගැනයි මම කිව්වේ... 
අන්නඑහෙම ලිංගික ප්‍රශ්ණ ඔලුවේ පුරවගෙන ලිංගිකව එකතු වෙන්න ගියාම සුරාන්තයට පත් වීම කොහොමත් ඉක්මනින් වෙනවා.ඒ සදහා තමුන්ගේසහකාරියගෙන් දැනුවත්ව හෝ නොදැනුවත්ව එල්ල වන පීඩනයත් බලපානවා.. එහෙනම් මේකට අපි මොකක්ද කරන්න ඕනේ...??? 

ලිංගිකව එකතු වීමේඅවසානය සුරාන්තයකින්ම අවසන් වෙන්න ඕනේ කියන හැගීම යටපත් කරගන්න පුලුවන් ඒ කිව්වේ අනේ මට යන්න වගේ යන්න වගේ කිය කියා හිතන්නේ නැතුව කිරීම, ලිංගිකව එකතු වීම මේ ප්‍රියම්බිකාව පිට නොයා තියා ගන්න කරන්න ඕනේ දෙයක් කියලා හිතන්නේ නැතුව තමුන්ගේත් ප්‍රියම්බිකාවගේත් වින්දනය උදෙසා කරන්න ඕනේ දෙයක් කියලා හිතට කාවද්ද ගන්න ඕනේ, ලිංගික එකතු වීමේදී තමුන්ගේ සහකාරියට තමුන්ගෙන් අවශ්‍යය දේ අහලා බලලා ලබා දෙන්න ඕනේ... ඒ ගැන ලැජ්ජා නොවී එයා සමග කතා කරන්න ඕනේ එකතු වෙන ගමන් ඔය යාලු වෙලා ඉන්න කාලේ කියන චා‍ටු කතාවක් දෙකක් කියන්න ඕනේ...

එහෙම කරන කොට අර හිතේ තියන පීඩනය, නැත්නම් සහකාරියගෙන් දැනුවත්ව හෝ නොදැනුවත්ව එල්ල වෙන පීඩනය නැති වෙලා යනවා... 
එහෙමත් නැත්නම් ලිංගිකව එකතු වෙන්න පෙර භාවනා කිරීමෙන් එහෙමත් නැත්නම් ලස්සන හිත එක්කලාසයක් කරන සිංදුවක් වගේ එකකට ඇහුම්කන් දීලත් වැඩ අල්ලන්න පුලුවන්....

b.හැගීම හා සිතිවිලි පාලනය කරගන්න කරන්න පුලුවන් තවත් දෙයක් තමයි හිත වෙන දෙයක් වෙත යොමු කිරීම..ඒ කිව්වේ මචංලා තමුන්ගේ සහකාරිය එක්ක ලිංගිකව එකතු වෙද්දි රාණි මුකර්ජී ගැනවත් ඇන්ජලීනා ජොලී ගැනවත් හිතන එක නෙමෙයි.. ලිංගික නොවන දේවල් ගැන හිතීමයි...

උදාහරණයක් ගැන කියනවනම් ඔය පැට්ට්‍රල් රුපියල් 10 කින් වැඩි වෙලා, හෙට අනිද්දා පාන්, බනිස් වැඩි වෙනවා, ලසිත් මාලිංගගේ පන්දු යැවීම වගේ  හැගීම් ගැන සුරාන්තයට පත්වීමට ආසන්නයි කියලා තේරෙද්දී හිත යොදවන්න පුලුවන්නම් සුරාන්තයට පත්වීම ප්‍රමාද කර ගන්න පුලුවන්... 

හැබැයි ඉතින් මනෝ ගගහා විනාඩි ගනන් හිටියොත් නම් ශුවර් සහකාරිය හිතාවි තමුගේ මනුස්සයා ඇන්ජලීනා ජොලී ගැන තමයි හිතන්නේ කියලා.. ඒ නිසාතත්පර 10 - 15 ක් වගේ කාලයක් ඒ වගේ දෙයක් ගැන හිතන පුලුවන්... පස්සේ ආයේමත් තමුන්ගේ සුපුරුදු සිහියට ඇවිලා කරන වැඩේ සිහියෙන්කරගන්න පුලුවන්... එහෙම කරලත් සුරාන්තය ප්‍රමාද කරගන්න පුලුවන්...

දැන් සමහරු මගෙන් අහවී පලවෙනි පෝස්ට් එකේ කිව්ව විදිහට ශිෂ්ණ මුණ්ඩය උත්තේජනයකින් නම් සුරාන්තයකට පත් වෙන්නේ හැඟීම් වලින් ඇති වෙනබලපෑම මොකක්ද කියලා... ඕක මේක කියවන උඹලාට වැඩක් නැති වෙන්න පුලුවන්.. ඒත් මෙතන ඉන්න සමහරු; මම දන්නවාද බලන්න අහන්න පුලුවන්.. විශේෂයෙන් ඒ ගැන දන්න උන්ම තමයි අහන්නේ..ඒ නිසා හැමෝම සනසවන්න බැරි උනත් පුලුවන් උපරිම සනසවන්න ඕනේ නිසා ඒ දේ වෙන විදිහත් මම ඉතාමත් කෙටියෙන් කියන්නම්... 

අපේ ශරීරයේ ස්නායු ඔස්සේ මධ්‍යය ස්නායු පද්දතියට ආවේග ගෙන යද්දි ඒ ගෙනයන ආවේග කපා හැරීමකට ලක් කරන්න පුලුවන් සිතිවිලි මැදිහත් වීමකින්.කෙටියෙන් කියනවනම් ඒ ක්‍රියාවලිය Stress-induced Analgesia කියලා කියනවා...

උදාහරණයක් කියනවනම් යුද්දෙට යන හමුදා සෙබලෙක්ට වෙඩි වැදිලා තමුන්ගේ කකුලෙන් ලේ ගැලීමක් සිදු වෙන්න පුලුවන්.. ඒත් එම අවස්තාවේදී තමුන්ගේ හිතේ තියෙන්නේ වෙනත් අරමුණක් නිසා ඒ අරමුණ ඉ‍ටු වෙනකන් අර වෙඩි වැදිලා දැනෙන කැක්කුම දැනෙන්නේ නැහැ.. තවත් විදිහකට පැහැදිලි කරනවනම් හිතපල්ලා එකෙක් උඹට ගැහුවා අත දිග ඇරලා කම්බුලට ඒ වෙලාවේ උඹට මල පැනලා අරූට ගහනවා ගැහිල්ලක් දුවන්නම... ඔක්කොම ඉවර වෙලා බලද්දි මෙන්න බොලේ අරූ ගහපු කනේ පාරට තොලත් පැලිලා ලේ ගලනවා... එතකොටයි තුවාලේ කැක්කුම එන්නේ... 

අන්න ඔය උඩ කිව්ව සංසිද්දිය නිසා අපේ හිතේ හැඟීම් පාලනය කිරීමෙන් සුරාන්තය ප්‍රමාද කරන්න පුලුවන්... 

8.ලිංගික ඉරියව් වෙනස් කිරීම.

සමහර ලිංගික ඉරියව් තියනවා ශිෂ්ණ මුණ්ඩය මත අඩුවෙන් පීඩනයක් ඇති කිරීමෙන් එය උත්තේජනය කිරීම අඩු කරන.. තවත් සමහර ඉරියව් තියනවා ශිෂ්ණමුණ්ඩය මත වැඩියෙන් පීඩනයක් ඇති කිරීමෙන් එය උත්තේජනය කිරීම වැඩි කරන.

සුරාන්තයට පත්වීම ප්‍රමාද කරගන්න ඕනේනම් ඒ ඒ ඉරියව් ‍තෝරා බේරාගෙන මුලින් සහ පසුව කිරීමට යොදා ගන්න...

උදාහරණයක් කියනවනම් Woman-on-top (පොල් ලෙලි ගැසීම්  හා ඒ ඉරියව්වට සමගාමී ඉරියව්) Side-by-side, Spooning වගේ ඉරියව් වලින් උත්තේජනය කිරීම අඩු කරන අතර Missionary, Rear-entry(Doggy Style) වගේ එව්වා වලින් උත්තේජනය කිරීම වැඩි කරනවා... 

හැබැයි ඉතින් හැමදාමත් පොල් ලෙලි ගහන්න යන්න එපා එතකොට ප්‍රියම්බිකාව කෑම බීම හදන්න පොල් ලෙලි ගහන්න කලින් තමුන්ට කතා කොරලා පොල් ගෙඩිය දෙන්න බැරිකමක් නෑ "ගහපිය ලෙලි තමුසෙට හොදටම පුලුවන් මේකනේ" කියලා...

9.Kegel exercises භාවිතය.

සුරාන්තය ප්‍රමාද කිරීමට කරන්න පුලුවන් අතිශයින්ම සාර්ථක ක්‍රමයක් තමයි Kegel exercises කියන්නේ... 

අපේ ශරීරයේ ලිංගික ප්‍රදේශයේ තියනවා Pubococcygeus (PC) muscle කියලා මංශ පේශියක් .. අවබෝද කර ගැනීම පිණිස පහලින් පින්තුරයක් දාන්නම්.


මේ මංශපේශිය තද කිරීමේන් මිරි කීමකට ලක් කිරීමෙන් සුරාන්තය ඉතාමත් සාර්තක විදිහට පාලනය කරගන්න පුලුවන්... කරන්න ඕනේ සුරාන්තයට පත්වෙන්න ආසන්නයි කියලා දැනෙන කොට එම පේශිය තද කරලා මිරිකගෙන තත්පර 10 - 15 ක් සිටීම පමණයි..හැබැයි පු‍තෝ ඔය මිරිකිල්ල ලේසී නැහැ නිකන් බෙල්ල මිරිකනවා වගේ වැඩක්.. 

අන්න ඒ නිසා ඒ මාංශ පේශිය මිරීකීමට තද කිරීමට ලක් කරගන්න පුහුණු වෙන්න ඕනේ.. අන්න ඒ ක්‍රියාවලියටයි Kegel exercises කියන්නේ.. Kegel exercises ගැන හරියටම මෙතන කියන්න ගියොත් පෝස්ට් එක මාගලක් වගේ දික් වෙනවා.. ඒ නිසාඉතාමත් සරළව කියන්නම් කෙටියෙන්.. 

හරි ඉස්සෙල්ලාම කියන්න එපායෑ කොහොමද Pubococcygeus (PC) muscle කියන මාංශපේශිය තියෙන තැන අල්ල ගන්නේ කියලා.. මෙහෙමයි මුලින්ම නාන කාමරයට ගිහිල්ලා දොර එහෙම වහගෙන  තමුන්ගේ වුෂණ කෝෂ සහිත මල්ලට පිටිපස්සෙන් අතේ ඇඟිලි දෙකක් හෝ තුනක් තියාගන්න තියාගෙන මුත්‍රා කරන්න කරන අතර තුරේ එක පාරට මුත්‍රා කිරීම නවත්තන්න උත්සහා කරන්න..එතකොට ඔයාට තේරේවි මාංශ පේශියක් තද වීමකට ලක් වෙනවා... අන්න ඒකට තමයි Pubococcygeus (PC) muscle කියන්නේ... 

දැන් මාංශ පේශිය තියන තැන දැන ගත්තනේ.එහෙනම් දැන් තියෙන්නේ දවසට තුන් පාරක් විතර වරකට 20 - 30 වාරයක් ඔය මාංශ පේශිය තද කිරීම ලිහිල් කිරීම කියන ව්‍යයාමය කිරීමයි.. ඕක කරන්න තැනක් ඕනෙ නෑ පාඩම් කරලා බෝරිං වගේ නම් අතර මැද්දේ, පු‍ටුවේ වාඩි වෙලා පත්තරේ කියෝන ගමන්, වාහනේ ට්‍රැ‍ෆික් එකේ නවත්තගෙන ඉද්දි වගේ ඕනේ වෙලාවක අවුලක් නැහැ.. 

හැබැයි කාටවත් පේන්න කරන්න එපා එතකොට දකින එකා හිතාවි එක්කො මූ කොලු කාරයෙක් නැත්නම් මානසික පිස්සෙක් කියලා..මාසයක් දෙකක් ගත වෙද්දි ඒ පේශිය වඩා සවිමත් වීමත් ඒ වගේම සුරාන්තයට ලක් වෙද්දි පහසුවෙන් මිරිකීමටත් ලක් කරගන්න පුලුවන්... 

එමඟින් සුරාන්තය ප්‍රමාද කරගන්නත් පුලුවන්...තවත් විස්තර ඕනේ නම් ගූගල් දෙයියන්ගේ Kegel exercises කියලා ගහලා බලන්න...

10.ඔයිට අමතරව 

තව තෙත තුවායකින් ශිශ්ණය පිසීම, ලිංගික ක්‍රියාවලිය අතර මැද නවත්වා තොල් දැමීම, හංස යුවල සුරතල් කිරීම වගේ එව්වා කරන්නත්පුලුවන්.. 

මොකද මානසික බලපෑම් නිසා ක්ෂණිකමෝචනය කියන එක ඇති වෙන්න පුලුවන්.. ඒක තමයි අන්තිම විකල්පය.උඩ කියපු එකකින්වත් කරගන්න බැරිනම් ප්‍රශ්ණෙට විසඳුම අනිවා මේකෙන් ලැබෙනවා බොහෝම වගකීමෙන් කියන්නේ.. 

ඒක ලැජ්ජ වෙන්න ඕනේ දෙයක් නෙමෙයි.මානසික ලෙඩක් තියනවයි කියලා හිතන්න එපාලා.. ගිහින් හම්බුවෙලා කතා කරන්න..වෛද්‍යයවරයා සමහර විට උපදෙස් විතරක් දේවී, නැත්නම් මානසික තත්වය සමතයකට පත් කරවන්න බෙහෙත් දේවි.ඒ බෙහෙත් අවශ්‍ය නම් මට ඒක ලබා දෙන්න පුළුවන්

එහෙනම් හැමෝටම සාර්තක ලිංගික ජීවිතයක් ගත කරන්න ශක්තිය, ධෛර්‍යය ලැබේවා කියලා ප්‍රාර්තනා කරනවා...ජය වේවා.....!!!

This is the one and only positive sex educational website in sri lanka and written in Sinhala language

පිරිමිකම නසන මහ ලෙඩේ!

පිරිමියෙකුට නිසි ලිංගික කාර්යයක යෙදීම සඳහා තම ශීෂ්ණය නිසි ලෙස ප්‍රාණවත් විය යුතුය. සමහර විට ප්‍රාණවත් කිරීමට ඇති අපහසුව, ප්‍රාණවත් වූ ශීෂ්ණය ලිංගික කාර්ය අවසාන වනතෙක් ඍජුව තබාගැනීමට නොහැකි වීම. එසේත් නොමැති නම් ලිංගික කාර්යයේ යෙදෙන අතර ප්‍රාණවත් වූ ශීෂ්ණයේ එම ප්‍රාණවත් ගතිය නැතිවීම, ලිංගික බෙලහීනතාවයක් ලෙස හඳුන්වනු ලැබේ. මෙම බෙලහීනතාව අඹු සැමියන් අතර බොහෝවිට රහසක්ව පවතී. අඹුසැමියන් අතර ගැටලු ඇතිවී සමහර විට පවුල් අවුල්වීම, දික්කසාදවලින් කෙලවර වීම වැනි තත්ත්වයන්ගෙන් මෙය අවසන් විය හැකියි. මෙවැනි ගැටලු විසඳාගැනීමට ඇති ප්‍රධාන බාධාව නම් මෙම ප්‍රශ්නයට මුහුණ දුන් අඹුසැමියන් සමහර වෛද්‍යවරුන්ට යොමුවූ විට බොහෝ අවස්ථාවල “ව්‍යාඝ්‍රා” (රසායනික නම සිඩනෆිල් - Sidenafil) නැමති ඖෂධය ලබාදී ඉන් පමණක් මෙම තත්ත්වය සුවකිරීමට උත්සාහ ගැනීමයි.

මෙය හොඳ සාර්ථක ක්‍රමයක් නොවේ. මන්දයත් ලිංගික බෙලහීනතාවයට මානසික හා ශාරීරික යන කරුණු දෙකම බලපාන බැවිනි. ඕනෑම වෛද්‍යවරයකුට පහසුවෙන් ඖෂධයක් නියම කළ හැකිය. නමුත් සාර්ථක ප්‍රතිකාරයකට ලිංගික බෙලහීනතාවයට හේතුවන කරුණු නිසි ලෙස සොයාගත යුතු අතර මෙහිදී මනෝචිකිත්සක ලිංගික ප්‍රතිකාර ක්‍රමද (Sex Therapy) භාවිතා කළ යුතුය. ලිංගික බෙලහීනතාවය අවු. 35ට අඩු පිරිමින්ගේ 10% ප්‍රමාණයකට ද අවු. 60ට වැඩි පුද්ගලයන්ගෙන් 50%කට වැනි ප්‍රමාණයකට ද ඇතිවිය හැකි බව සමීක්ෂණවලින් පෙන්වා දී ඇත.

ලිංගික බෙලහීනතාවය ඇතිවීමට බලපාන කරුණු රාශියක් පිළිබඳ අපි එකින් එක විමසා බලමු. මෙම තත්ත්වය ඇතිවිය හැකි බොහෝ හේතූන් ඔබගේ හැසිරීම් සහ චර්යාවන් වෙනස් කරගැනීමෙන් අවම කර ගතහැකි හෝ සනීප කරගත හැකි බව බොහෝදෙනා නොදන්නා රහසකි. 

පහත සඳහන් හේතූන් ලිංගික බෙලහීනතාවය ඇතිවීමට ප්‍රධාන හේතු ලෙස සොයාගෙන ඇත. මානසික අවපීඩනය, මුත්‍රාශයේ ඇතිවන ආසාදන, අධික රුධිර පීඩනය, කොලස්ටරෝල් වැඩිවීම, දියවැඩියාව, දුම්පානය, තරබාරු බව, ශරීරයට නිසි ව්‍යායාමයක් නොමැතිවීම සහ මනසේ ඇති නොයෙකුත් වැරදි විශ්වාසයන් සහ භීතීන්ද මෙයට බලපාහැකිය.

ඔබ තුළ ලිංගික ආශාව වර්ධනය වීමට බලපාන ප්‍රධාන ඉන්ද්‍රීය ඔබගේ මොළය වේ. ආශාව, තෘප්තිය දැනෙන්නේ ඔබේ මොළයටය. නීරෝගී සහ සන්සුන් මනසකට ලිංගික ආශාව විඳීමේ හැකියාව බොහෝ සේ වැඩිය. පිරිමියකුගේ ලිංගික ප්‍රාණවත් වීමට ශීෂ්ණයේ ඇති රුධිර වාහිණීවලට හොඳ රුධිර සැපයුමක් තිබිය යුතුය. ශීෂ්ණයේ ඇති රුධිර නාල හොඳින් විස්තාරණය වීම නිසි ලෙස සිදුවන්නේ මොළය තුළින් එන පණිවිඩය අනුවය. නමුත් මොළය තුළින් කොතරම් හොඳ පණිවිඩයක් ලැබුණත් ශීෂ්ණයේ ඇති රුධිර වාහිනීවල කොලස්ටරෝල් තැම්පත් වී යම් සිරවීමක් සිදුවී ඇත්නම් ප්‍රාණවත් වීමට අපහසුය. ඕස්ට්‍රේලියාවේ විශේෂඥයන් විසින් කරන ලද එක් සමීක්ෂණයකදී පෙන්වා තිබෙන අයුරු අවු. 40ට අඩු යම් හෘදයා බාධයකින් පෙලුණු අයගෙන් බොහෝදෙනා ලිංගික බෙලහීනතාවයට ගොදුරු වන බවයි. අපි මෙහෙම බලමු ඔබට ශීෂ්ණය ප්‍රාණවත් වීමේ ගැටලුවක් ඇත්නම් ඔබගේ වයස අවු.40ට අඩු නම් යම් හෘදයාබාධයකට ඔබ ගොදුරැ වී ඒ ගැන තවමත් නොදැනුවත්වී සිටීමට ඇති හැකියාව අතිශයින්ම වැඩි බව මතක තබාගත යුතුය.

ළමා කාලයේදී ඔබ යම්කිසි ලිංගික හෝ මානසික හා ශාරීරික අපයෝජනයන්ට ගොදුරු වී ඇත්නම් වැඩිහිටියකු ලෙස යම් දිනක සාර්ථක ලිංගික ජීවිතයක් ගතකිරීමට ඇති බාධාවන් බොහෝය. අපි නිදසුනක් ගෙන මෙය බලමු නිමල්ගේ වයස අවු. 30යි. විවාහ වී දැනට අවු. 2යි. තවමත් දරුවන් නැත. නිමල්ට තිබූ ගැටලුව නම් තම භාර්යාව සමඟ එකතු වීමේදී විනාඩි දෙකක් වැනි කාලයක් තුළදී ශීෂ්ණය ප්‍රාණවත් වීම නැතිවීමයි. නිමල් තවදුරටත් ඔහුගේ ප්‍රශ්නය මෙසේ විස්තර කළේය.

“මට තවම මතකයි මගේ පුංචි කාලය. මගේ අම්මයි, තාත්තයි දෙන්නම උදේ වැඩට ගියා. බොහෝ විට මම ගෙදර මගේ මාමා සමඟ තනිවුණා. මාමා මාව ක්‍රමයෙන් ලිංගික අපයෝජනයට යොදාගත්තා. අකමැත්තෙන් වුණත් මට ඔහුට කැමති වෙන්න සිද්ධ වුණා. දැන් මට තිබෙන ලොකුම ගැටලුව මගේ භාර්යාව කෙරෙහි ලොකු ලිංගික උද්දීපනයක් හෝ ආශාවක් ඇතිකර ගැනීමට ඇති අපහසුවයි. පිරිමින් කෙරෙහි සැඟවුණු ආශාවන් මට තිබෙනවා. වෙලාවකට මම ගැනම මට දුක හිතෙනවා. මේ විනාශය මට සිදුවුණේ මගේ මාමා නිසා කියලා.”

ලංකාවේ දරුවන්ගෙන් 14%ක් පමණ නොයෙකුත් ලිංගික අඩන්තේට්ටම්වලට ගොදුරු වන බව සමීක්ෂණවලින් පෙනීගොස් තිබෙනවා. මින් 10%ක්ම මෙම තත්ත්වයට ගොදුරු වන්නේ ළඟම සිටින ඥාතීන්ගෙන් බව පෙනීගොස් තිබෙනවා.

ලිංගික කාර්යයේදී එය නිසි ලෙස කරගැනීමට නොහැකිවේයැයි යන භිය බොහෝ දෙනාට ඇති වන තවත් භීතියකි. මෙයට ගොදුරු වන බොහෝ තරුණයන්ට ඇති ප්‍රධානම ගැටලුව නම් ලිංගිකත්වය පිළිබඳ තියන ආකල්ප හා අත්දැකීම්ය. මොවුන්ට වෙනත් ලිංගික ගැටලුවක් නැත. එනම් නින්දෙන් ශීෂ්ණය හොඳට ප්‍රාණවත් වීම, උදෑසන අවදි වනවිට හොඳින් ප්‍රාණවත් වූ ශීෂ්ණය, ස්වයං වින්දනයේ යෙදීමට ඇති හැකියාව වැනි මේවාගේ ගැටලු නැත. අපි නිදසුනක් ගෙන බලමු. උපුල්ගේ වයස අවු. 25යි. විවාහ වී වසරයි. මීට පෙර ලිංගිකත්වය පිළිබඳ බොහෝ කරුණු අසා තිබුණද ඔහුට ලිංගික අත්දැකීම් තිබුණේ නැත. පළමු එක්වීමේදී ඔහුට සිතුණේ තමන්ට මෙම කාර්යය නිසි ලෙස කර ගැනීම අපහසු වුවහොත් විවාහය අසාර්ථක වේයැයි යන බියයි. උපුල් ඔහුගේ ගැටලුව මෙසේ පැවසුවා.

“අපි විවාහ වුණේ යෝජනාවකින්. මට ලොකු බරක් තිබුණා ඇයව නිසි ලෙස සතුටු කරන්න බැරිවුණොත් මම දුර්වල පුද්ගලයෙක් ලෙස ඇය මම හඳුනාගනීවී කියලා. ඉතින් පළමු රෑ අපි දෙන්නා එකතු වුණා. විනාඩි දෙකක්වත් ගියේ නෑ මගේ ශීෂ්ණයේ ප්‍රාණවත් බව නැති වුණා. මට ලොකු බයක් ඇතිවුණා. මෙම අවු. දෙකට මේ භීතියෙන් පෙළෙන නිසා තවමත් බබෙක් හදාගන්නත් බැරි වුණා. ඇයටත් දැන් මාව එපා වෙලා. මගේ බිරිඳට දැන් හරියට තරහා යනවා. ඇයට හරියට නින්ද යන්නෙත් නෑ. වෛද්‍යවරු කියනවා ඇය දැන් විශාදිය හෙවත් මානසික අවපීඩනයට ගොදුරු වෙලාලු. අපේ කේන්දරේ බලන්න අපි දෙන්නම ගියා. නත්ෂත්‍රකරු කීවා අපි දෙන්නම දැන් ඉන්නේ ඒරාෂ්ඨක කාලේ කියලා. ඔහුට අනුව මේ අපලේ ගෙවෙන්න තව අවු. 5ක් යනවා කීවා. නමුත් මනෝවිද්‍යාවට අනුව මේ ප්‍රශ්නය සිතේ ඇතිවන කනස්සල්ල සහ භීතිය සමඟ මනසේ ඇතිවන ආතතිය ද සමඟ ගොඩනැගෙන ලිංගික අප්‍රාණිකත්වය ලෙස හඳුනාගෙන තිබෙනවා. (Performance Anxiety) ලිංගික බෙලහීනතාවයට තවත් ප්‍රධාන හේතුවක් වන්නේ තම සහකාරිය පිළිබඳ නිසි ආකර්ෂණයක් නොමැති වීමය. මෙහිදී ඇය කෙරෙහි තිබෙන ආදරය පමණක් ප්‍රමාණවත් නොවේ. ලිංගික සන්නිවේදනය, පිරිසිදුකම, අකාරුණික ගතිගුණ, ලිංගික ක්‍රියාව පිළිබඳ අවබෝධය එහිදී ලැජ්ජාව සහ බිය අඩුවීම ආදිය ද වැදගත් කරුණුය. මෙය ද නිදසුනක් ගෙන බලමු.

සුපුන්ගේ වයස අවු. 25යි ඔහු තාරිකා සමඟ විවාහ වූයේ අවු. 5ක ආදරයකින් පසුවයි. නමුත් මෙසේ යාලු වී සිටින කාලය තුළ ඔවුන් දෙදෙනා ආදර සම්බන්ධතාවයෙන් බැඳී තිබුණත් ලිංගික එකතුවීමක් නොතිබුණි. සුපුන්ට විවාහ වී මාස දෙකක්වත් යාමට පෙර ලිංගික කාර්යයේදී ශීෂ්ණය අප්‍රාණික විය. සුපුන් මේ ගැන මෙසේ පැවසුවා.

“මට තාරිකා ගැන හරිම දුකයි. ඇය හරිම ලැජ්ජයි. ඇය ඇඳුම් ගලවන්නෙත් ලයිට් නිවලා. ඇය ලිංගිකව එකතු වෙන්න කැමති බොහෝ විට කාමරේ ලයිට් එක නිවලා. ඉතින් මම කොහොමද ඇය ගැන ලිංගික හැඟීමක් ඇතිකර ගන්නේ. ඇය පුදුම ලැජ්ජාකාරියෙක්. උත්සවයකට, පාටියකට ගියත් කොන්වෙලා ඉන්න බලන්නේ. මනෝවෛද්‍යවරු කීවේ ඇය සමාජභීතිකාවෙන් පෙලෙනවා කියලා. මට දැන් ඇය කෙරෙහි ලොකු ලිංගික ආකර්ෂණයක් හෝ ආශාවක් නෑ.

තාරිකාගේ සමාජ භීතිකාව සාර්ථක ලිංගිකත්වයට බාධාවක් ඇති බව මෙහිදී පෙනෙනවා. සාර්ථක ලිංගිකත්වයක් යනු අපගේ ඉන්ද්‍රීය පහම පිනවීමකි. තාර්කාගේ මේ අසාමාන්‍ය ලැජ්ජාව සුපුන්ට නිසි ලෙස ලිංගික ප්‍රාණවත් වීමට බාධාවක් වී ඇත.

පිරිමින්ට ඇති වන ලිංගික අප්‍රාණිකත්වය පිළිබඳ බොහෝ කරුණු ඉදිරි ලිපියෙන් බලාපොරොත්තු වන්න.

► කිරිබත්ගොඩ මූලික රෝහලේ
මනෝ වෛද්‍ය
නයනානන්ද කුමාරනායක

This is the one and only positive sex educational website in sri lanka and written in Sinhala language

වයාග්‍රා විස්මිත පෙත්තේ ඇත්ත නැත්ත...


ලිංගික අප්‍රාණිකත්වය නැත්නම් නෂ්ඨකාමය ඇති අයට දැන් විස්මිත පෙත්තක් භාවිත කිරීමේ වරම ලැබී තිබේ. ඇත්තෙන්ම කිව්වොත් මේ නම් මැජික් පෙත්තකි. ඒ තමා වයාග්‍රා. නමුත් මේ මැජික් පෙත්ත ගත යුත්තේද තෝරා බේරා වෛද්‍ය උපදෙස් මත පමණයි. සමහරුන්ට මේ කියන වයාග්‍රා නිසාත් නොයෙකුත් අපහසුතාවන්ට ලක්වන්නට සිදුවූ අවස්ථා අපමණයි. වයාග්‍රා ගැනත් බොහෝ දෙනා තුළ මිත්‍යා මත ගණනාවක් තිබේ. විශේෂඥ වෛද්‍ය ආරියසේන යූ. ගමගේ ඔය කියන මැජික් පෙත්තේ හාස්කම ගැන ඇත්ත නැත්ත අපිට පැහැදිලි කළේ මෙහෙමයි.

මුලින්ම වයාග්‍රා සොයාගත්තේ ලිංගික අප්‍රාණිකත්වයට බෙහෙතක් හැටියට නොවෙයි. හදවතේ රුධිර නාල සිහින් වීමට බෙහෙතක් හැටියට සොයාගත් මෙය ලබා දුන් විට ලිංගික අප්‍රාණිකත්වයත් නැතිවෙන බව සොයාගන්න ලැබුණා. එදා ඉඳන් මේ පෙත්ත මහා මැජික් පෙත්තක් බවට පත්වුණා.

වයාග්‍රා සොයාගැනීමත් සමඟ තමා ලිංගික අප්‍රාණිකත්වය මගින් පෙලෙන අය කාණ්ඩ දෙකකට වෙන් වුණේ. මානසික හේතු නිසා අප්‍රාණිකත්වය හටගන්නා අය පළමු කාණ්ඩයයි. කාන්සාව, මානසික අවපීඩනය, ස්වාමියා සහ බිරිය අතර ඇතිවන ගැටලු නිසා එකිනෙකා අතර ආකර්ෂණය නැතිව යාම මේ කාණ්ඩයට අයත්. මේ නිසා හටගත් අප්‍රාණිකත්වයට වයාග්‍රා හුඟක් ඵලදායී බෙහෙතක් වුණා. කොටින්ම වයාග්‍රා මගින් මේ කියන අයගෙන් 85%ක්ම ගොඩ ගියා.

දෙවැනි කාණ්ඩය, කායික රෝග නිසා හටගන්නා අප්‍රාණිකත්වයට ගොදුරු වන අය. රුධිර නාලවල කොලෙස්ටරෝල් තැන්පත් වීම නිසා හටගන්නා ඇතරෝස්ක්ලෙරෝසියාව, දියවැඩියාව සහ පුරස්ථි ග්‍රන්ථියේ සැත්කම් නිසා හටගන්නා ස්නායු දුබලතා  ඒ සඳහා උදාහරණ ලෙස පෙන්වන්න පුළුවන්. මේ අයගෙනුත් සියයට 35කට පමණ වයාග්‍රා ප්‍රතිඵලදායක බව කිවයුතුයි. 

ඒ කියන්නේ අප්‍රාණිකත්වයට කියාපු බේත!

හැබැයි ඉතින් මේ මැජික් පෙත්ත ගන්නට ඕනෑත් ටිකක් කල්පනාකාරීව අරපරෙස්සමින් තමා. මොකද මේ පෙත්ත ගන්න සුදුසු නැති අයත් ඉන්නවා. ඒ ගැන හරියටම දැනගන්න පුළුවන් වෛද්‍යවරයකු හමුවීමෙන් තමා. ඉන්පසුව වෛද්‍ය නිර්දේශය මත තමා මේ පෙත්තේ මැජික් බලය වැඩට ගන්නට ඕනෑ.

අපි දැන් බලමු කාටද මේ පෙත්ත අගුණ කියලා.

සිල්ඩෙනෆිල් සිට්‍රේට් නැත්නම් වයග්‍රා හෘදයාබාධවලින් පෙලෙන අයට අගුණයි. ඊළඟට ආමාශයේ තුවාල ඇති අයට, ඒ වගේම ලේ කැටි නොගැසීමේ රෝගාබාධ (හිමොෆීලියාව) ඇති අයටත් සුදුසු නැහැ.

ඒ වගේම සමහර ඖෂධ වර්ග ගන්නා අයටත් වයාග්‍රා භාවිතය අගුණයි. එයින් එකක් තමා Nitroglycerine – TNT හෙවත් දිව යට තබාගන්නා හෘදරෝගීන්ට දෙන පෙත්ත. අනෙක් ඒවාත් හෘද රෝගීන්ට ලබාදෙන ISDN, Isodril, Sobitrate ඒ වගේම Pentaerythritol – Teranitrebe ඒ වගේම Erythrityl Tetranitrat – Cardilate කියන පෙති. ඉතින් මේ අපබ්‍රංස වගේ පෙනෙන බෙහෙත් ගැන හරියටම දන්නේ දොස්තර මහත්තුරු තමා. ඒ නිසයි වෛද්‍ය උපදෙස් මත වයාග්‍රා ගැනීම සුදුසුයි කියලා කියන්නේ ඒ වගේම Cimetidine, Erythromycin, Ketoconazole, Itraconazole ඖෂධ සමගත් වයාග්‍රා ගැනීම අවදානම්.

තවත් වැදගත් කරුණක් තමා වයාග්‍රා නිසා සමහරුන්ට අතුරු ආබාධ හටගන්නත් පුළුවනි. ඒ වගේ ඇතිවන අතුරු ආබාධ තමා මේ. හැබැයි මේවා ඇතිවන්නේ ඉතාම සුළු ප්‍රතිශතයකටයි.

[උපදෙස් විශේෂඥ වෛද්‍ය ආරියසේන යූ. ගමගේ]

This is the one and only positive sex educational website in sri lanka and written in Sinhala language

කාන්තාවන්ට වද දෙන ගර්භාෂ අර්බුදේ.

අද වන විට බොහෝ කාන්තාවන් අතර අහන්නට ලැබෙන එපාකරපු තත්ත්වයක් හැටියට ගර්භාෂ ගෙඩි නැතිනම් ෆයිබ්‍රොයිඩ්  හඳුන්වා දෙන්න පුළුවනි. ජීවිත කාලය පුරාම වුවද පවතින මේවා අහිංසක එනම් පිළිකා නොවන අර්බුද ගණයට වැටේ. මෙය  කාන්තාවන්ගේ ගර්භාෂය තුළ ඇති වන අසාමාන්‍ය වර්ධනයකි. සමහර අවස්ථාවලදී මේවා ඉතා විශාල වන අතර තීව්‍ර උදර වේදනාවක් හා ආර්තවයේදී අධික රුධිර වහනයක් ද සිදු වේ.

නමුත් සමහර කාන්තාවන් තුළ  කිසිම බාහිර ලක්‍ෂණයක් නොපෙන්වයි. මේවා එකක් හෝ කිහිපයක් තිබිය හැක. බොහෝ ඒවා ගර්භනීතාවයේදී පෙනීමට පටන් ගන්නා අතර දරුවා බිහිවීමෙන් පසු ගර්භාෂය සාමාන්‍ය තත්ත්වයට පත්වන විට හැකිලී යයි. මේවා සිනිඳු පේශී හා තන්තු සම්බන්ධක පටක මගින් සෑදෙන අතර කාන්තාවන්ගෙන් 70% – 80% ජීවිත කාලය පුරාම වර්ධනය වේ.

මෙම ෆයිබ්‍රොයිඩ් ඇති වන ස්ථාන අනුව වර්ග 3 ක් ලෙස දැක්විය හැකිය.

  1. Intramural Fibroid – ගර්භාෂයේ පේශීමය බිත්තිය තුළ ඇති වේ.
  2. Sub Mucosal Fibroid- ගර්භාෂය තුළට නෙරා පවතී.
  3. Sub serosal Fibroid – ගර්භාෂයෙන් පිටතට නෙරා පවතී.

ෆයිබ්‍රොයිඩ් තත්ත්වය ඇති විට පෙන්නුම් කරන ලක්‍ෂණ

ආර්තවයේදී ඇති වන අධික රුධිර වහනය, සතියකට වඩා ආර්තවය පැවතීම, ශ්‍රෝනි කුහරය තුළ ඇති වන පීඩනය හෝ වේදනාව, නිතර නිතර මුත්‍රා කිරීමට සිදුවීම, මුත්‍රාශය හිස් කිරීමේ අපහසුව, මල බද්ධය, පාදවල හා කෝන්දේ වේදනාව.

වෛද්‍යවරයකු හමුවී උපදෙස් ලබා ගතයුතු අවස්ථා

ශ්‍රෝනි කුහරය (උකුල තුළ) ඇති වන නොනවතින වේදනාවක් පවතින විට රැධිරය අධික ලෙස වහනය වීම, එය දිගු කලක් පැවතීම හා අක්‍රමවත් ආර්තව චක්‍රය.

ආර්තව චක්‍ර 2 ක් අතර රුධිර වහනය, මුත්‍රාශය හිස් කිරීමේ නොහැකියාව.

ෆයිබ්‍රොයිඩ් ඇති වීම සඳහා ඇති අවදානම් සාධක

ආරය (මවට හෝ සහෝදරියකට පැවතියේ නම් ඒ පවුලේ කාන්තාවන්ට අවදානමක් පවතී)

ජාතිය (කළු ජාතික කාන්තාවන් තුළ තරුණ කාලයේදීම මෙම අර්බුද (Tumor/ගෙඩි) බහුලය)

පාරිසරික සාධක, ආර්තවය කලින් ආරම්භ වීම, උපත් පාලන ක්‍රම, තරබාරු බව, විටමින් D ඌනතාවය, රතු මස් වැඩිපුර කොළ පැහැති එළවළු පළතුරු අඩුවෙන් ගැනීම, ඇල්කොහොල් භාවිතය (Beer පවා).



ගර්භනීභාවය හා ෆයිබ්‍රොයිඩ්

සාමාන්‍ය ගර්භනීභාවය සඳහා මේවා බාධාවක් නොවේ. නමුත් ගර්භාෂය තුළට නෙරා පවතින (Sub mucosal fibroids) මගින් වඳ භාවය හෝ ගර්භනීතාවය නැති වීම සිදු විය හැක. එසේම එවැනි තත්ත්වයකදී ගබ්සා වීමේ අවදානමද වැඩිය. මෙමගින්,

වැදැමහ/අපරාව (Placenta) දරුවා බිහිවීමට පෙර ගැලවීම.
කලලයේ  වර්ධනය ඇණ හිටීම.
නොමේරූ දරු උපත් ඇති වීම වැනි තත්ත්වයන්ට මුහුණ දීමට සිදු විය හැකිය.

ෆයිබ්‍රොයිඩ් හඳුනා ගැනීම සඳහා සිදුකරන පරීක්‍ෂණ

උදරය හා ශ්‍රෝනි පරීක්‍ෂණවලදී තද, අක්‍රමවත් ශ්‍රෝනි ස්කංධයක් (ගෙඩියක්) ලෙස අතට දැනේ.

Transvaginal Scan – යෝනී මාර්ගයහරහා සිදුකරන scan පරීක්‍ෂාවයි.

MRI Scan පරීක්ෂණය

Hysteroscopy – කැමරාවක් සහිත උපකරණයක් මගින් පියවී ඇසට සක්‍රීයව ගර්භාෂය නිරීක්‍ෂණය කිරීම.

Saline Sonohysterogram- යෝනි මාර්ගය තුළින් Saline ඇතුළු කර එමගින් ගර්භාෂය විස්තාරණය කිරීමෙන් හඳුනාගැනීම.

ෆයිබ්‍රොයිඩ් තත්ත්වය සඳහා ඖෂධ ප්‍රතිකාර

අඩු මාත්‍රාවක් සහිත උපත් පාලන පෙති ලබාදේ. මෙහිදී ඊස්ට්‍රජන් ශ්‍රාවය (ඩිම්බ කෝෂවලින්) නවත්වයි. මාස 3 ක කාලයක් ලබාදී අඩු ඊස්ට්‍රජන් මට්ටමක් පවත්වා ගනී.

ශල්‍ය ප්‍රතිකාර

Hysterectomy – ගර්භාෂය හා Fibroid යන දෙකම ඉවත් කරයි.
Myomectomy – ගර්භාෂය තුළ ඇති Fibroid පමණක් ඉවත් කරයි.

Uterine Artery Embolization (UAE) – polyvinyl alcohol කැතීටරයක් හරහා ධමනිවලට එන්නත් කර ඒවා Fibroid වලට ලැබීමට සලස්වයි. එවිට එමගින් රැධිර සැපයුම අවහිර වී හැකිලී මිය යයි.

ෆයිබ්‍රොයිඩ් තත්ත්වයේ බොහෝ අවස්ථා පිළිකා නොවන අතර අධික රුධිර වහනය නිසා නීරක්තිය ඇති වීමේ අවධානමක් ඇති විය හැකිය. එම නිසා ඉහත සඳහන් කළ ලක්ෂණ වේ නම් වෛද්‍ය උපදෙස් කරා යොමු වීම වඩාත් සුදුසු බව සිහිතබා ගන්න.

- Women health

This is the one and only positive sex educational website in Sri Lanka and written in the Sinhala language

ප්‍රමාණය ගැන අප්‍රමාණ භීතිය.


පුරුෂයන් බොහෝමයක් දෙනා ජීවිතයේ කොයියම්ම කාලයක හෝ මුහුණදෙන ගැටලුවක් ගැනයි අද කතාව. අනෙක් අයට වඩා තමන්ගේ ලිංගික අවයවය කුඩා යැයි කියන මනස්තාපයට ලක් නොවුණ කෙනෙක් නැති තරම්. ලොකු උස මහත අයට ලොකු අවයවයකුත් කෙට්ටු පුංචි අයට පුංචි අවයවයකුත් තියනවා කියලයි මේ ගැන මිත්‍යාව පැතිරිලා තියෙන්නේ. ඉතින් මේ ගැන දිගටම හිතලා හිතෙන් ලෙඩවෙලා අප්‍රාණිකත්වය වගේ සාර්ථක පවුල් ජීවිතයක් ගෙනයාමට බාධකයක් වන කායික දුබලතාත් හදාගන්න අවස්ථා එමටයි. 

ඊළඟට මේ කියන කතාව දඩමීමා කරගෙන තෙල් බේත්, ගුලි, පෙති, බාම් විකුණාගන්නා ජාවාරම්කරුවන්ට අසුවෙලා නොයෙකුත් ආබාධ අනතුරුවලට ලක්වන අයත් එමටයි. ඉතින්, මොකක්ද මේ හරි ප්‍රමාණය. උස මහත අයට ලොකු අවයවයකුත් පුංචි අයට කුඩා අවයවයකුත් තියෙනවා කියන කතාවේ ඇත්තක් තියෙනවාද? අපි විශේෂඥ වෛද්‍ය ආරියසේන යූ ගමගේ මහතාගෙන් මේ දැවෙන ගැටලුවට පිළිතුරු විමසුවා. මෙන්න ඔහු ලබාදුන් විශේෂඥ උපදෙස.

මේ කතාවේ කිසිම ඇත්තක් නෑ. ලිංගයේ ප්‍රමාණය කෙනෙකුගේ සිරුරේ ප්‍රමාණයට කිසිම අනුරූපතාවක් නෑ. ලොකු අවයව තියෙන පුංචි අයත්, පුංචි අයව තියෙන ලොකු මහත අයත් ඕනෑතරම් ඉන්නවා. ඒ වගේම තමන්ගේ අවයවය කුඩාය කියලා හිතාන බේත් හොයාන යන එක බොරු වැඩක්. එහෙම බෙහෙතක් තාම නෑ. පුදුම කාරණේ මේ ගැන හුඟක් තැවෙන්නේ හොඳට උස මහත සිරුරක් තියෙන අය වීමයි. හැබැයි මේ කියන හැමෝටම සාමාන්‍යයෙන් තිබිය යුතු විශාලත්ව පරාසය තුළ පිහිටි අවයව තමා තියෙන්නේ. විශේෂයෙන්ම කියන්න ඕනෑ කාරණාව සාර්ථක පවුල් ජීවිතයකට මේ ප්‍රමාණය කියන සාධකය කොහෙත්ම බලපාන්නේ නැති බව. නමුත්, අපි කොහොම කිව්වත්, මේ ගැන තැවෙන අය ඕනෑතරම් ඉන්නවා. මේ කියන තැවිල්ලට හේතුව සමාජය තුළ පැතිර ඇති මිත්‍යාවක්. අනෙක් කාරණය වරදක් ලෙස හිතට දැනෙන තවත් ක්‍රියාවක්. ඒ තමා නිල් චිත්‍රපට, නිල් සඟරා බැලීමේ රැල්ල. දැන් ඉතින් අන්තර්ජාලය තුළත් ඕනෑතරම් මේ අස්වාභාවික ලිංගික සම්භෝගය ඇතුළත් චිත්‍රපට දකින්න පුළුවන්නේ.

මේ කියන නිල් චිත්‍රපටවල පෙන්වන අස්වාභාවික ඉරියව් වගේම, ඒවායේ වේගය, ගතකරන කාල සීමාව, නැවත නැවත විවිධ ක්‍රියාවල යෙදීම හරියට මැෂින් වගේ සිදුවන ක්‍රියාවලිය දුටුවම ඕනෑ කෙනෙක් හිතින් අතරමං වෙලා මුලාවට පත්වෙනවා. ඒ වගේම ඔය චිත්‍රපටවල, සඟරාවල දක්නට ලැබෙන කලාතුරකින් හමුවන අස්වාභාවික සිරුරු අවයවයන් දැකීම නිසා බොහෝ අය හිතනවා අනේ මම පුංචියිනේ. මට ඒ වගේ නැහැනේ කියලා. ඉතින් මේ නිසා හිතෙන් පුංචි වෙලා, ලිංගික අකර්මන්‍යතාවටත් පත්වෙන අවස්ථා තියෙනවා.

ඊළඟ කාරණය මේ කියන දුර්මතය පතුරන ව්‍යාජ වට්ටෝරුකාරයන්ගේ දැන්වීම්වලින් ලැබෙන ඇඟවුම්කරණය. සිරුර කෙට්ටුද? ඉන්ද්‍රිය කුඩාද? මෙන්න, එක රැයින් ලොකුකර දෙන ආලේපය ඔය වගේ දේවල් දැක්කම ඕනෑම කෙනෙකුට හිතෙනවා තමන්ගේ ප්‍රමාණය මදි. ඉතින් ලොකු කරගන්න බෙහෙතක් තියෙන එකේ උත්සාහයක් දරලා බලමු කියලා. නමුත් මේ කතාව සම්පූර්ණ මිත්‍යාවක්. ඒ නිසා ඇතිවෙන්නේ සම්මෝහයක්, මුලාවක්.

ඊළඟට මේ මිත්‍යාවට හේතුවන කාරණාවක් තමා අපේ පොරොන්දම් බැලිල්ල. ඔය පොරොන්දම්වල යෝනි පොරොන්දම් ගැලපීමකුත් තියෙනවානේ. මී යෝනි, ඇත් යෝනි, සා යෝනි, අශ්ව යෝනි කියලා. අපේ සාමාන්‍ය ජනතාව තුළ හැඟීමක් ඇතිවෙලා තියෙනවා මේ කියන්නේ ඒ ඒ අයගේ අවයවයේ ප්‍රමාණය ගැනය කියලා. නමුත් ඒකේ එහෙම සත්‍යතාවක් නෑ. කොටින්ම අපේ වෛද්‍ය පරීක්ෂණවලදී ඔය කියන අන්දමේ කිසිම වෙනසක් හමුවෙලා නෑ. මේ ප්‍රමාණය ගැන මතය මුළුමනින්ම මිත්‍යාවක්. ඕකේ ඇත්ත කතාව ගැන අපි ඊළඟට කතා කරමු.

This is the one and only positive sex educational website in sri lanka and written in Sinhala language

ලිංගික උත්තේජනය ඇති කරන ව්‍යාඝ්‍රයා.


ව්‍යාඝ්‍රා ලංකාවේ විටින් විට පුවත් මවන නමකි. නම ඇසූ පමණින්ම බියකරු සතෙකු අපේ මතකයට නැගෙන මෙම ව්‍යාඝ්‍රා ලංකාවේ ජනතාවටද පෙන්වා ඇත්තේ ඊට සමානම ප්‍රතිරූපයකි. ලංකාවේ පාර්ලිමේන්තුව තුළද ජනප්‍රිය වදනකි ව්‍යාඝ්‍රා. ඒ හිටපු අමාත්‍යවරයෙකුට ව්‍යාඝ්‍රා නාමයට පට බැඳ තිබීම නිසාය.

මෙම මන්ත්‍රීවරයාගේ නිවසේ අසල්වැසි තරුණයෙකු හදිසියේම මිය ගියේය. එම මන්ත්‍රීවරයාගේ පුතෙකුගේ යහළුවෙකු වන මෙම තරුණයා එම නිවසේ නිදා සිටියදී මිය ගිය බව කියැවිණි. මරණ පරීක්ෂණයකින් පසුව කියැවුණේ එම තරුණයා ව්‍යාඝ්‍රා නැමැති මෙම ඖෂධය වැඩිපුර අරගත් බැවින් විවිධ සංකූලතාවලට පත්ව මියගොස් ඇති බවකි. මෙම මරණයත් සමග මන්ත්‍රීවරයාගේ දියණියටද බිරිඳටද ෆේස්බුක් හරහා ප්‍රහාර එල්ල වූ බැවින් ඔවුන්ගේ පවුලම පත්වූයේ මහත් අකරතැබ්බයකටය.

එය එසේ වුවද සෑම මසකට වරක් දෙවරක්ම මෙම ව්‍යාඝ්‍රා අධිමාත්‍රාවෙන් ගැනීම නිසා විවිධ අවස්ථාවල ලංකාවේ පිරිමින් මාරාන්තික රෝගී තත්වයන්ට ලක්ව මිය ගිය බව අසන්නට ලැබේ. සමහර පිරිමින් අසම්මත ප්‍රේමයේ කම් සැප විඳ ගැනීම උදෙසා හෝ නැතිනම් කුලියට ගත් කාන්තාවක් සමග යහන් ගතවීම සඳහා ලැගුම්හල්වලට ගිය අවස්ථාවලදී මෙම උත්තේජකය වැඩිපුර ගැනීම නිසා රෝගාතුරව මරණයට පත්වූ බව ජනමාධ්‍ය ඔස්සේ ප්‍රචාරය විය.

කෙසේ වෙතත් ඇමරිකා එක්සත් ජනපදයේ ව්‍යාඝා කෙනට් නිල් පෙති වෛද්‍ය උපදේශයකින් තොරව මිලට ගැනීමට හැකියාව තිබේ. එසේ වුවද මෙම ව්‍යාඝා පානය කළ යුත්තේ ලිංගික බෙලහීනතාවයෙන් පෙලෙන පුද්ගයන් විනා නිරෝගී අය නොවේ. නමුත් අවාසනාවකට මෙම ව්‍යාඝා ලංකාවේ පුද්ගලයන් භාවිත කරන්නේ අධි ජවයක් ලබාගැනීමේ අරමුණින් බව පෙනෙන්නට තිබේ.

විශේෂයෙන් අසභ්‍ය ලිංගික දර්ශන නරඹන පුද්ගලයන් තමන්ට එවැනි ජවයක් ලබා ගැනීමට මෙම ව්‍යාඝ්‍රා නිල් පෙත්ත භාවිතා කරයි. එසේම බොහෝ දෙනෙක් එම පෙත්තේ ආදීනව ගැන නිවැරදි දැනුවත්භාවයකින් එය පාවිච්චි කරන බව පෙනෙන්නට නැත. මන්ද එය ලබා ගත යුත්තේ ලිංගික කාර්යයට පැයකටවත් පෙර වුවත් බොහෝ දෙනා මෙය භාවිත කර ඉක්මන් ප්‍රතිඵල බලාපොරොත්තු වෙති.

ඔවුන් බලාපොරොත්තු වුණ ප්‍රතිඵල ප්‍රමාද වෙත්ම තවත් පෙත්තක් භාවිත කිරීමට මිනිසුන් පෙළඹේ. සාමාන්‍යයෙන් දිනකට ගත යුත්තේ මිලි ග්‍රෑම් 50 එක් පෙත්තක් වුවත් බොහෝ දෙනා නොදැනුවත්වම වාගේ මිලි ග්‍රෑම් 100 නැතහොත් පෙති දෙකක් පමණ භාවිත කරයි. මාරාන්තික අනතුරු සිදුවීමට ප්‍රබලම හේතුව අධිමාත්‍රාවෙන් ව්‍යාඝ්‍රා භාවිත කිරීම බව හෙළි වී තිබේ.

සැබැවින්ම මෙම පෙත්ත මගින් සිදුවන්නේ ලිංගික අවයවයන්ට රුධිරය සැපයෙන මාර්ග මනා ලෙස ක්‍රියාකාරීවීමට සැලැස්වීමයි. මෙම ක්‍රියාවලිය මගින් ලිංගික උත්තේජනයක් ඇතිවේ. එහෙත් ව්‍යාඝ්‍රා අධිමාත්‍රාවෙන් ගැනීම හේතුවෙන් රුධිර සංසරණය වේගවත්වී රුධිර පීඩන තත්ත්වයකට පත්වීමට හැකි බව බටහිර වෛද්‍යවරු පවසති. සමහරු මිය ගොස් තිබුණේ රුධිර නාල පුපුරා යාම නිසාය. හෘදයට අධික රුධිර ප්‍රමාණයක් ගලා ඒම නිසා හෘදයද අකර්මන්‍ය තත්වයට පත්ව මරණය පත්වූ අවස්ථාද ඕනෑ තරම් දක්නට ලැබේ. රුධිර පීඩන තත්ත්වය වැඩිවී රුධිර නාල පුපුරායාම නිසා සිදුවන සමහර මරණ ස්වභාවික මරණ ලෙස පෙනුනද ඒවා මෙම පෙත්තේ බලපෑම නිසාද සිදුවී ඇති බව පෙනෙන්නට තිබේ. එහෙත් නිවැරදි ලෙස ගණනය නොවන මේවා ස්වභාවික මරණ ලෙසද හැඳින් වේ.

විශේෂයෙන්ම ලිංගික කටයුතුවල යෙදීමට තරම් ශරීර සෞඛ්‍යයක් නොමැති පුද්ගලයන් කෘතිම බල ගැන්වීම සඳහා මෙම ව්‍යාඝ්‍රා කනෙක්ට් පෙත්ත යොදා ගැනීම නිසා භයානක ප්‍රතිඵල අත්වීමට හැකි අතර හෘදයේ යම් යම් ගැටලු ඇති අයද හතිය වැනි දේ ඇති අයද පඩි පේළි කිහිපයක් නැගීමට නොහැකිව හති දමන තත්ත්වයට පත්ව සිටින අයද මෙය භාවිතා නොකළ යුතු බව ඇමරිකානු වෛද්‍යවරු පවසති.

යම් යම් රෝගී තත්ත්වයට ප්‍රතිකාර ගන්නා අය මෙම උත්තේජකය භාවිත කිරිමට පෙර වෛද්‍යවරයෙකු හමුවීම ඉතා වැදගත්ය. මෙම උත්තේජකය ලබාගත්විට සමහර අවස්ථාවල කැරකැවිල්ල පෙනීම අපැහැදිලිවීම නාසය බරවීම ශරීරය උණුසුම් වීම වැනි දේ සිදුවීම ස්වභාවික වුවත් සමහරු මෙම ලක්ෂණ පහළ වූ වහාම බිය වී වෛද්‍යවරු කරා දිව එන බවද සමහර බටහිර වෛද්‍යවරු පවසති.

එහෙත් ඒ තත්ත්වය ටික වේලාවකින් පහව යන බවද එයට ප්‍රතිකාර අනවශ්‍ය නමුත් පපුවේ වේදනාව හතිය හුස්ම ගැනීම අපහසුවීම සිහිමුර්ජා වීම වැනි තත්ත්වයක් ඇතිවුවහොත් වහාම වෛද්‍ය ප්‍රතිකාර ලබා ගත යුතුව ඇත. පැය 4 ඇතුළත මෙම ලිංගික උත්තේජනය වීම අවසන් නොවන්නේ නම් එයද ප්‍රතිකාර ලැබිය යුතු තත්ත්වයක් බව ඇමරිකානු වෛද්‍යවරු පවසති.

(බීබීසිය ඇසුරෙනි)

This is the one and only positive sex educational website in sri lanka and written in Sinhala language

දරුඵල සිහිනය සැබෑ නොවීමට බලපාන ප්‍රධාන හේතු කිහිපයක්.

කිරිකැටියෙකු පිළිබඳ වූ සිහිනය බොඳ කර දමන්නට හේතුවන, කාන්තාවන්ගේ මදසරු බවට බලපාන හේතු කිහිපයකි. ඒ අතරින් ප්‍රධානම කාරණය මසකට වරක් ඩිම්බ කෝෂවලින් ඩිම්බයක් මෝචනය වන්නට ඇති නොහැකියාවයි. දෙවනුවට බලපෑමක් ඇති කර වන්නේ පැලෝපීය නාල වල පවතින අවහිරතාවයයි. ඊට අමතරව එන්ඩේ‍රාමෙටේ‍රා්සියාව, ගර්භාෂ ගෙලෙහි ඇති ශ්‍රාවයේ පවතින උකුවට සහ ෆයිබ්‍රොයිඩ් වැනි තත්ත්වයන් බලපාන අවස්ථා තිබේ.

දරු පිළිසිඳ ගැනීමකට හැකියාව ඇති සංකූලතා කාලය ලෙස ගැනෙන්නේ පළමු ආර්ථවයත්, අවුරුදු 45 - 55 අතර සිදුවන ආර්ථව හරණයත් අතර වූ කාලයයි.

මෙම සරු කාලයේ දී වුවත් තමන් බලා‍පොරොත්තු වන ආකාරයට දරුපල උරුම නොවන්නට ඩිම්බ පිටවීම ක්‍රමවත්ව සිදු නොවීමත් ඩිම්බ පිටවීම දුර්වලව සිදුවීම මෙන්ම ඩිම්බ කොහෙත්ම පිට නොවීමත් බලපෑ හැකිය. ඩිම්බ පිටවීම සම්බන්ධයෙන් එවැනි ගැටලුකාරී තත්ත්වයක් ඇති වන්නට බලපාන හේතු මොනවාදැයි දැන් අපි සොයා බලමු.

හෝමෝන අසමතුලිතතා

රුධිරයේ ඇති හෝමෝනයන්ගේ අසමතුලිතතාව ඩිම්බ නීහරණයට බලපාන ප්‍රධානම හේතුවයි. පිටියුටරි ග්‍රන්ථියෙන් පිටකරන LH සහ FHS හෝමෝන ශ්‍රාවය අඩු බවත් මව්කිරි නිපදවීමට බලපාන ‍ප්‍රොලැක්ටීන් හෝමෝනය වැඩිපුර සාන්ද්‍රණය වීමත් ඩිම්බ මෝචනය නොවීමට හේතු විය හැකිය.

ඩිම්බ කෝෂවල හට ගන්නා අර්බුදකාරී තත්ත්වයන්

‍පොලිසිස්ටික් ඔවේරියන් සින්ඩේ‍රාම් (Polycystic Ovarian syndrome)  නමින් හැඳින්වෙන ඩිම්බකෝෂවල දිය බුබුළු වැනි තත්ත්වයක් හට ගැනීම හේතුවෙන් ඩිම්බ පිටවීම නතර වන අවස්ථා තිබේ.

මානසික අසහන හා චර්යාමය වෙනස්වීම්

මානසික පීඩාවන්ගෙන් පිරි අසහනකාරීව දිවි ගෙවීම නිසාත්, සමහර මානසික රෝග සඳහා ගනු ලබන ඖෂධ වර්ග නිසාත් ඩිම්බ පිටවීම සම්බන්ධයෙන් ගැටලුකාරී තත්ත්වයන් ඇති වන අවස්ථා තිබේ.

උත්පලා සුභාෂිනී ජයසේකර
(වෛද්‍ය සාකච්ඡාවක් ඇසුරිනි)

This is the one and only positive sex educational website in sri lanka and written in Sinhala language

සතුන් සමග ලිංගිකව හැසිරෙන පිරිමි සහ ගැහැණු.

වෙල් නියර දිගේ පැමිණි සීලනාථ සහ නිමල්සිරි “පින්නදූව ලන්ද”ට ඇතුළු වූහ. තවමත් සවස හතරේ හෝරාව ඉක්ම වී ගොස් නැතත්, හාත්පස පරිසරය තරමක් අඳුරු ආලෝකය අඩු බවකින් යුක්ත විය.  අක්කර විස්සක පමණ වපසරියකින් යුත් පාලු ඉඩමක් වූ පින්නදූවලන්ද කොස්, යකඩමරන්, අඹ, පලු වැනි උස් ගස් රාශියකින්ද, ඒ උස් ගස් බොහොමයක් වටා වෙලී ගිය මරු වැල්, පෝට වැල් ආදී වැල්වලින්ද, ගඳපාන, ආඩතෝඩ, පින්න වැනි මධ්‍යම ප්‍රමාණයේ පඳුරුවලින් සහ තණකොළ, කුප්පමේනියා ආදී වල් පැලෑටිවලින් වැසුනු යටි රෝපණයකින්ද යුත් කුඩා වන රොදක් විය. වියන ස්ථරය නිසා දහවල් කාලයේ පවා හොඳින් හිරු එළිය පොළොවට නොවැටෙන හෙයින් පින්නදූවලන්ද දහවල් කාලයේද කිසියම් අඳුරු බවකින් යුක්ත විය.

හරකුන් ඇති කරනු ලබන ගම් වැසියන් කිහිප දෙනෙකුම තම ගවයන් තණ කැවීමට දිගේලි කරන ලද්දේ පින්නදූවලන්දේය. සීලනාථද තම කිරි එළදෙන එදින උදේ වරුවේ දිගේලි කරන ලද්දේ පින්නදූව ලන්දෙහිය. සීලනාථ තම ගජ මිතුරා වූ නිමල්සිරි සමඟ ඒ සවස් යාමයේ පින්නදූවලන්දට පැමිණියේ තම එළදෙන නැවත නිවසට දක්කා ගෙන යාමටයි.

තැනින් තැන ගන සැරේට වැඩුනු පින්න පඳුරු පිපුනු මල් වලින් යුක්ත විය. පින්න මල් පොකුරකින් රොන් ගන්නට පැමිණි වෛවර්ණ සමනලයෙකු පින්න මල් පොකුරක් වටා භ්‍රමණය වේ. වෙල් එළිය සිසාරා හමන මඳ පවන පින්නදූවලන්ද හරහාද හමා යන්නේ සිහිලසින් සහ නැවුම්බවින් ගත සිත නව ජීවනයකින් පුරවාලන්නට මෙනි. සීලනාථට සහ නිමල්සිරිට මෙම සන්ධ්‍යා පරිසරයේ නැවුම්බව හෝ චමත්කාරය ගැන කිසිඳු අවධානයක් ඇති බවක් නොපෙනේ. තවමත් නාගරීකරණයෙන් දුෂිත නොවූ ගම්බඳ පරිසරයක ජීවත් වන ඔවුන්ට පින්නදූවලන්ද තුළ එතරම් විශේෂත්වයක් නොවීම ස්වාභාවිකය.

සීලනාථ ගේ එළදෙන ගැට ගසා තිබුණු යකඩමරං ගසට යාර දහයක් පමණ දුරකදී නිමල්සිරි විසින් සීලනාථ ගේ උරහිසට සෙමින් තට්ටු කළේ දකුණතේ දබරුගිල්ල ඔහුගේ දෙතොල් වලට තද කරමින් නිශ්ශබ්ද වන ලෙසද සංඥා කරමිනි.

“හිමින් සීරුවේ මේ කාමරංගා පදුර ළඟින් ඉඳගනින්.“ නිමල්සිරි පහත් හඬින් මිමිනුවේය.

උදෑසන යකඩමරං ගහේ ගැට ගසා කඹයේ දිගට දිගේලි කළ සීලනාථ ගේ එළදෙනගේ කඹය අගිස්සටම කොට එළදෙන ගසටම හේත්තු වන ලෙස ගැට ගසා ඇති අතර, ගමේ ගස් වල කුලියට පොල් කැඩීම ප්‍රධාන ජීවනෝපාය කොටගත් හතළිස් පස් හැවිරිදි පමණ වූ තෙලේනිස් තම පිටුපස ප්‍රදේශය සම්පූර්ණයෙන්ම නිරුවත් වන සේ ඇද සිටි සරම් මාල්ල ඉඟටිය වටා ගැට ගසා ගෙන එළදෙන ගේ පිටුපස ප්‍රදේශය ස්පර්ශ වන ලෙස කිසියම් රිද්මයානුකූල චලනයක යෙදෙමින් සිටියේය.

“මොකක්ද බං අර යකා අර නටන නාඩගම?” සීලනාථ නිමල්සිරිගෙන් ඇසුවේ තරමක කේන්තියෙනි.

“මම මීට ඉස්සරත් නාගහපිල්ලෑවේදී ඔය යකා එළදෙනක් එක්ක ඔහොම ඉන්නවා දැකලා තියෙනවා බං.”

“මුං වගේ තිරිසන්නුන්ව තියන්න හොඳ නැහැ.” කියමින් එකවරම එළදෙන බැඳ සිටි ස්ථානයට දිව ගිය සීලනාථ දුවන්නට තැත් කළ තෙලේනිස් වෙත වේගවත් පා පහරක් එල්ල කළේය.

“පොඞ්ඩක් මේ අහපං සීලනාථ මල්ලි” යැයි මොන මොනවාදෝ කීමට තෙලේනිස් උත්සාහ කළත් සීලනාථ සහ නිමල්සිරි දෙදෙනාම එක්වී තෙලේනිස්ට හොඳටම තඩි බෑවෝය. පහර කමින් තෙලේනිස් දිව ගියේ අමු තිත්ත කතාවලින් බැන වදිමිනි.

“ඔය වගේ සත්තු එක්ක ඉන්න මිනිස්සු විතරක් නෙවෙයි ගැහැණුත් ඉන්නවලු බං” නිමල්සිරි විසින් සීලනාථ සමඟ මෙසේ විස්තර කරන අතරතුර සීලනාථ එළදෙන ගසට බැඳ තිබු ස්ථානයෙන් කඹ පට ලිහන්නට විය.

ඉහත දක්වා ඇත්තේ කෙටි කතාවක හෝ නව කතාවක කොටසක් නොවේ. මෙම ශ්‍රී ලංකාවේම එක්තරා ගම්බඳ පළාතක වෙසෙන මගේ මිත්‍රයෙකුට තම අසල්වැසියෙකු විසින් එළිදරව් කරන ලද එම ප්‍රදේශයේම වූ  සත්‍ය සිදුවීමකි. ඔහු මා සමඟ විස්තර කළ එකී සිදුවීම මගේ සිත තුළ ප්‍රතිනිර්මාණය වුයේ ඉහත සඳහන් ලෙසයි.

සතුන් සමඟ මේ අයුරින් ලිංගික සබඳතාවල යෙදෙන මිනිසුන් විවිධ ජන සමාජවල වෙසෙන බව බොහෝ දෙනා නොදනිතත් සත්‍ය තත්වය එයයි. මෙකී තත්වය මානසික රෝගයක් ලෙස වර්තමානයේ නොසැලකුවත්, එය අසාමාන්‍ය මනෝ ලිංගික අවවර්තනයක් (Abnormal Psycho Sexual Disorder) හෙවත් පැරපීලියානු (Paraphelia) තත්වයකි. මෙම මනෝ ලිංගික අවවර්තනය හඳුන්වනු ලබන්නේ Zoolagnia/Zoophillia/ Zooerstia හෝ Bestiality වශයෙනි. සිංහල භාෂාවෙන් මෙම තත්වය ‘සත්ව කාමුකත්වය’ හෙවත් “පශු මෛථූන්‍යය” ලෙස හැඳින්විය හැකි අතර, මෙය ශ්‍රී ලංකාවේ නීතියෙන් තහනම් කොට ඇති අපරාධ වරදකි.

ලංකා දණ්ඩ නීති සංග්‍රහයේ 365 වන වගන්තිය මගින් තිරිසන් සතුන් සමඟ කාමුක සංසර්ගයේ යෙදීම දඬුවම් ලැබිය හැකි අපරාධ වරදක් ලෙස පහත සඳහන් පරිදි දක්වා ඇත.

යම් පුරුෂයෙකු, ස්ත්‍රීයක හෝ සතෙකු සමඟ ස්වභාව ධර්මයට විරුද්ධව, කැමැත්තෙන්ම කාමුක සංසර්ගයෙහි යෙදෙන තැනැත්තෙකුට අවුරුදු 10 දක්වා කාලයක දෙයාකාරයෙන් එක් ආකාරයක බන්ධනාගාර ගත කිරීමකින් දඬුවම් කළ යුතුය. ඔහු දඩයකටද යටත් විය යුතුය.

එමෙන්ම මෙම වගන්තියේ පැහැදිලි කිරීම තුළ ඉහත වරදට අවශ්‍ය වූ කාමුක සංසර්ගය ඇති කිරීමට ප්‍රවේශ කිරීමක් ප්‍රමාණවත් වන බවද දක්වා ඇත. දණ්ඩ නීති සංග්‍රහය තුළ “අස්වාභාවික වැරදි” යටතේ මෙම සත්ව කාමුකත්වය හෙවත් සුලැග්නියානු තත්වය දක්වා ඇත්තේය.

දැනට වසර කිහිපයකට පෙර කුරුණෑගල මහාධිකරණයේ විභාග වූ එළදෙනකට ලිංගික අතවරයක් සිදු කිරීම පිළිබඳ නඩුවක් ඔබගෙන් ඇතැම් දෙනෙකුට මතක ඇතැයි සිතමු. එකී නඩුවේ විත්තිකරු විසින් එළදෙනක සමඟ ලිංගික සබඳතා පවත්වා තිබූ අතර එළදෙනගේ හිමිකාර කාන්තාව සහ තවත් සාක්ෂිකරුවෙකු විසින් මෙම සිදුවීම දුටු බවට සාක්ෂි ඉදිරිපත් කරන ලදී. අධිකරණය මගින් නඩුව විභාග කිරීමෙන් අනතුරුව විත්තිකරු වරදකරු කොට සිර දඬුවම් පමුණුවන ලදී.

මේ අයුරින් තිරිසන් සතුන් සමඟ ලිංගික සබඳතා පවත්වන මිනිසුන් පිළිබඳව විවිධ තොරතුරු කලින් කල අසන්නට ලැබුණත්, ඉහත සිදුවීමේදී මෙන් ඒවා අධිකරණය හමුවට පැමිණෙන්නේ ඉතා කලාතුරකිනි. මෙවැනි අසම්මත චර්යාවන්වල යෙදෙන පුද්ගලයන් එකී ක්‍රියාකාරකම් ඉතා හොර රහසින් සිදු කිරීමත්, ඒවා එළිදරව් වුවද මෙවැනි ජුගුප්සාජනක සිදුවීම්වලට අනවශ්‍ය ප්‍රසිද්ධියක් ලබා දීමට ඇති අකමැත්තත්, ලැජ්ජාවත් නිසාවෙන් මෙවැනි සිදුවීම් පිළිබඳ පැමිණිලි අධිකරණය වෙත ඉදිරිපත් වීම අවම මට්ටමක පවතී.

මෙම සත්ව කාමුකත්වයට ස්ත්‍රි පුරුෂ භේදයක් නැත. සත්ව කාමුකත්වයෙන් පෙළෙන පිරිමින් විසින් බොහෝවිට ගවයන්, එළුවන් වැනි සතුන් මේ සඳහා යොදා ගන්නා අතර, සත්ව කාමුක ස්ත්‍රීන් විසින් සුනඛයින් සහ පිඔුරන් වැනි උරගයින් මේ සඳහා වැඩි වශයෙන් යොදා ගනු ලැබේ.

මෙවැනි සත්වකාමී චර්යාවන් ඇති මිනිසුන් භූගෝලීය බාධාවලින් තොරව මුළු මහත් ලෝකය පුරාම විවිධ ජන සමාජ වල සිටින බව වාර්තා වී ඇත.

සිසිලිය සහ දකුණු ඉතාලිය වැනි රටවලද එඬේරුන් සහ එළුවන් අතර පවතින සංවාසය කෙතරම් ප්‍රචලිතද යත් එය එම ප්‍රදේශවල ගෝත්‍රික චාරිත්‍රයක් වශයෙන් ද ක්‍රියාත්මක වන බව සුගතමුණි ඤාණසිරි  මහතා විසින් රචිත “අරුම පුදුම මනෝ ලිංගික සබඳතා” නම් ග්‍රන්ථයේ සඳහන් කර ඇත. ඉතාලි ජාතික ලේඛකයෙකු වූ ඉග්නාට්සියෝ සිලෝන් විසින් රචිත “ෆොන්ටමාරා“ නැමැති නවකතාව තුළ එළුවන් සහ මිනිසුන් අතර ලිංගික සබඳතා පිළිබඳව දක්වා ඇත. ඉතාලි සාහිත්‍යය තුළටද මෙම සත්ව කාමුක මිනිස් හැසිරීම් ඇතුළු වී තිබීම තුළ ඉතාලි ජන සමාජය තුළද රහසිගතව මෙවැනි ක්‍රියා සිදුකරන්නවුන් සිටින බවට සාක්ෂියකි. මක්නිසාදයත් නිර්මාණකරුවන් තම සාහිත්‍ය කලා නිර්මාණ සඳහා අනුභූතීන් සහ වස්තු බීජ උකහා ගනු ලබන්නේ තමන් ජීවත් වන සමාජ පරිසරය තුළින් වීමයි.

මීට ශත වර්ෂ ගණනාවකට පෙර ගිනිකඳු පිපිරීමකින් මුළුමනින්ම විනාශ වූ සිසිලියේ පොම්පේයි නගරයේ පුරා විද්‍යාත්මක කැණීම්වලදී අශ්වයන් සහ කන්‍යා ස්ත්‍රීන් අතර ලිංගික සබඳතා පැවතුන බවට සාධක හමු වී ඇති අතර එය එකල සිසිලි සමාජය තුළ පැවැති අභිචාර ක්‍රමයක් බව සඳහන් වේ.

සිය කැමැත්තෙන් වඳුරන් සහ රිලවුන් සමඟ ලිංගික සංවාසයෙහි යෙදුනු ගැහැණුන් පිළිබඳ පුවත් අප්‍රිකාවෙන් සහ දකුණු ඇමරිකාවෙන් ද වාර්තා වී ඇත. දකුණු ඇමරිකාවේ පවතින එක්තරා ජන විශ්වාසයකට අනුව මුලින්ම සිපිලිස් හෙවත් උපදංශ නැමැති සමාජ රෝගය ඇති වූයේ  මිනිසුන් සහ දකුණු ආසියාවේ වෙසෙන ලාමා නම් වූ ඔටුවන්ට සමාන බර අදින සතුන් අතර පැවති ලිංගික සබඳතා වල ප්‍රතිඵලයක් වශයෙනි.

අප අසල්වැසි ඉන්දියාවේ සුප්‍රකට සහ ඉපැරණි කජ්රාවෝ ගල් කැටයම් අතර විවිධ වර්ගයේ තිරිසන් සතුන් සමඟ ගැහැණුන් සහ පිරිමින් විවිධ ලිංගික චර්යාවන්වල යෙදෙන ආකාරය දැක්වෙන ගල් කැටයම් ද රාශියක් දක්නට ලැබේ. මෙයින් පසක් වන්නේ පැරණි භාරතීය සංස්කෘතිය තුළද මිනිසුන්, සතුන් සමඟ ලිංගික සබඳතා පැවැත් වූ බවයි. එමගින් සත්ව මිනිස් මනෝ ලිංගික අක්‍රමතාව පැරණි භාරතයේද තිබු බවට සාක්ෂි සපයයි.

එසේම, බුදුන් දවස විසූ කොසොල් මහ රජුගේ අගමෙහෙසිය වූ මල්ලිකා දේවිය බල්ලෙකු සමඟ කාම සම්භෝගයේ යෙදුනු පුවතක් බෞද්ධ සාහිත්‍යයේ සඳහන් වේ.

බුදුන් වහන්සේ භික්ෂූන් වහන්සේලා අරභයා සතුන් සමඟ ලිංගික සම්භෝගයේ යෙදීම පාරාජිකා අවැතක් බවට විනය ශික්ෂා පදයක් පනවා ඇත. මෙම ශික්ෂා පදයේ සරල අර්ථය වන්නේ තිරිසන් මාගමක් සමඟ හෝ මෛථුන සේවනයේ යෙදුනේ නම් එකී භික්ෂූව පාරාජිකා අවැතක් සිදු කර ගන්නා බවය. බෞද්ධ භික්ෂූන් අරභයා වූ විනය නීති අනුව පාරාජිකා අවැතක් යනු භික්ෂුවක් ගිහියෙකු ගේ තත්වයට පහළ හෙළෙන බරපතළ වරදකි. බුදුන් වහන්සේ විසින් භික්ෂූන් අරභයාද මෙවැනි විනය නීතියක් පනවන්නට ඇත්තේ එකල භාරතීය ජන සමාජය තුළද අප්‍රකටව මෙම සත්ව කාමුක චර්යාවන් ගෙන් යුතු මිනිසුන් වෙසෙන ලද හෙයින් බව ගම්‍ය වේ.

මහාවංශය වැනි වංශ කතාවලට අනුව ප්‍රථම සිංහල රජු වූ විජය ගේ පියා වූ සිංහබාහු ද සිංහයෙකුට දාව මිනිස් මවක වූ  සුප්පා දේවිය විසින් බිහි කළ දරුවෙකි. මෙම කතාවේ සත්‍ය තත්වය කුමක් වුවත් තිරිසන් සතෙකු වූ සිංහයෙකු සහ මිනිස් කාන්තාවක් අතර ලිංගික සබඳතා තුළින් දරුවන් බිහි වීම වැනි සංකල්ප එකල සමාජය තුළ ජනිත වන්නට හේතු වන්නට ඇත්තේ එම ජන පරිසරයන්හිද සත්ව මිනිස් ලිංගික ක්‍රියාකාරකම් රහසිගතව හෝ පැවතීම නිසා නොවේ ද?

සත්ව කාමුකත්වය හෙවත් පශු මෛථුන්‍යය මනෝ ලිංගික අවවර්තනයක් හෙවත් පැරපීලියානු තත්වයක් බව බොහෝ මනෝ විද්‍යාඥයින්ගේ මතයයි. කෙසේ වෙතත් මෙම සත්වකාමී තත්වය ඇති වීමට හේතු වන සාධක සම්බන්ධයෙන් මනෝ විද්‍යාඥයින් විවිධ මත වල එල්බ ඇති බව පෙනේ. ඒ සම්බන්ධයෙන් වඩාත් ප්‍රකට මත කිහිපයක් පහත දැක්වේ. ඒවා නම්,

ආදි කල්පික මිනිසුන්, ගවයන්, එළුවන්, අශ්වයන් වැනි තමන් විසින් ඇති දැඩි කරනු ලැබූ තිරිසන් සතුන් සමඟ වනාන්තර ආශ්‍රිතව සමීපව දිවි ගෙවූ අතර, මිනිසුන්ගේ සහ තිරිසනුන්ගේ ජීවිත අතර වැඩි වෙනසක් නොවීය. මේ නිසා ආදි කල්පිත මිනිසුන්ගෙන් ඇතැමෙකු තිරිසන් සතුන් සමඟ ද ලිංගික කාර්යයන් සිදු කිරීමට නැඹුරු විය.

සාමාන්‍ය එඬේර ජනයාගෙන් ඇතැමෙකු ගවයන් වැනි සතුන් සමඟ ලිංගික සබඳතාවලට යොමු වූයේ ඔවුන්ගේ ජීවන පරිසරය අනුව ඔවුනට බොහෝ විට තම භාර්යාවන්ගෙන් ඈත්ව හුදෙකලා පරිසරයන්හි ජීවත් වීමට සිදුවීම නිසාවෙනි.  ප්‍රවීන ලාංකේය සමාජ විද්‍යා පර්යේෂකයෙකු වන අභාවප්‍රාප්ත මහාචාර්ය නන්දසේන රත්නපාලයන් විසින් රචිත “මේ ජීවිතයේදීම පල දෙන කර්මය” නැමැති ග්‍රන්ථයේ ඔහුගේ පර්යේෂණයට ලක්වූ ගව ඝාතකයෙකු තමා විසින් මැරීමට ගෙන ආ එළදෙනුන් සමඟ ලිංගික සබඳතා පැවැත් වූ ආකාරය දක්වා ඇති අතර, ඒ තුළ හුදෙකලා වෘත්තීය පරිසරය නිසාවෙන් ද සමහර පුද්ගලයන් මෙවැනි අසාමාන්‍ය චර්යාවන්ට ගොදුරු විය හැකි බවට ඉඟි සපයයි.

ඇතැම් මිනිසුන් තුළ සතුන් සමඟ ලිංගික සංසර්ගයේ යෙදීම මගින් උපදංශ වැනි සමාජ රෝග සුව කර ගත හැකිය යන මිත්‍යා විශ්වාසයක් තිබීම.

පාර මනෝ විද්‍යාත්මක (Para Psychology) අදහස් අනුව පෙර භවයන්හි ජීවන පුරුදු නිසාද මෙවැනි තත්වයන් ඇති විය හැක.

ළදරු කාලයේදී යටි සිත තුළට අවරෝධනය වූ තිරිසන් සතුන් සම්බන්ධ යම් යම් ලිංගික අත්දැකීම් නිසාද පසු කාලීනව මෙවැනි පුරුදු ඇති විය හැක.

සත්ව කාමුක මානව චර්යා සම්බන්ධයෙන් පර්යේෂණ සිදු කළ ප්‍රකට ලිංගික මනෝ විiාඥයෙකු වූ  හැව්ලොක් එලිස් විසින් තම “The Psychology of Sex” නැමැති ග්‍රන්ථයේ සත්ව කාමුක ලිංගික අක්‍රමතාවයෙන් පෙළෙන්නන් විවිධ ක්‍රම මගින් සතුන්ගෙන් ලිංගික තෘප්තිය ලබන බව  සඳහන් කර ඇත. සමහරු සතුන් අතර සිදු වන ලිංගික ක්‍රියාකාරකම් නරඹා ඉමහත් ලිංගික තෘප්තියක් ලබන බවත්, සතුන්ගේ ලිංගික ක්‍රියා ඇතුළත් අසභ්‍ය චිත්‍රපට නැරඹීමෙන් ඇතැම්හු සතුටු වන බවත්, තවත් සමහරුන් සතුන් සමඟ සැබැවින්ම ලිංගික කාර්යන්හි යෙදීමෙන් ලිංගික තෘප්තිය ලබන බවත් ඔහු දක්වා ඇත.

එසේම, සත්ව කාමුකත්වය පිළිබඳ විශේෂ අධ්‍යයනයක් කොට ඇති ප්‍රකට බටහිර මනෝ විද්‍යාඥයෙකු වූ ක්‍රාෆ්ට් එබිං විසින් සතුන් සමඟ ලිංගික සබඳතාවලට නැඹුරු වූ ඇතැම් පුද්ගලයින් එකී සතුන් සම්බන්ධිත කාමී සිහින පවා දකින බවත්, තවත් සත්ව කාමුකයෝ තමන් සිත් ගත් සතුන් සිතින් මවා ගනිමින් ස්වයං වින්දනයේ පවා යෙදෙන බවත් පවසා ඇත.

අදත්  අපගේ නීතිය තුළ මනුෂ්‍ය සත්ව ලිංගික සබඳතා අපරාධ වරදක් ලෙස සලකනු ලැබුවත් ආදි කල්පික යුගවලදී මනුෂ්‍ය සත්ව ලිංගික සබඳතා ඇතැම් සංස්කෘතීන් තුළ දුරාචාර ක්‍රියා ලෙස සලකා නැති අතර මනුෂ්‍ය සත්ව ලිංගික සබඳතා ස්වීඩනයේ ප්‍රාදේගීය නීති මගින් තහනම් කොට ඇත්තේ 13 වන සියවසේ අඟ භාගයේදී බවත්, එහෙත් එවැනි චර්යාවක් වැරැද්දක් බවට පත් වන්නේ අදාළ සත්වයා අයිතිකරුට වන්දි නොගෙවුවහොත් පමණක් බවත් දක්වා තිබුණි.

චර්යාවාදී ප්‍රතිකාර, ප්‍රජානන චර්යා ප්‍රතිකාර, බහු විධ මනෝ ප්‍රතිකාර, මෝහන ප්‍රතිකාර සහ උපදේශන  ක්‍රම ශිල්පාදිය මගින් මෙවැනි සත්වකාමී ගති ලක්ෂණ ඇති පුද්ගලයින්ගේ මෙම අසාමාන්‍ය ලිංගික ප්‍රවනතා සෑහෙන දුරකට අවම කර ගත හැකි බව ද පැවසිය යුතුය.

[ethalayanews.com]

This is the one and only positive sex educational website in sri lanka and written in Sinhala language

දුර්ලභ ලිංගික ආසාවන්...



වස්තිකාමුකත්වය - Klismaphilia

ගුද මාර්ගයට බටයක් මගින් ජලය හෝ දියරයක් ඇතුළු කර මළපහ කිරීමට සැලැස්වීම වස්තිය යනුවෙන් හැඳින්වේ. එම ක්‍රියාවලිය මගින් ලිංගිකව තෘප්තියක් ලබාගන්නා මිනිසුන් “වස්ති කාමුකයන්” ලෙස හැඳින්වේ. මෙය ඉතාමත් දුර්ලභ හැසිරීමකි. එහෙත් නිතර නිතර යම් පුද්ගලයෙක් මළබද්ධය යයි කියමින් වස්ති ලබාගැනීම සඳහා ආරෝග්‍ය ශාලාවලට හෝ වෛද්‍ය සායනයකට පැමිණේ නම් ඔහු ඇත්ත වශයෙන්ම මළ බද්ධයෙන් පෙළෙන්නේදැයි පරීක්ෂා කළ යුතුය. ඔහුට මළබද්ධය නොමැති නම් ඔහු පෙළෙන්නේ වස්ති කාමුකත්වයෙන් විය හැකිය.

මෘත දේහ කාමුකත්වය - Necrophilia

මෘත ශරීරාගාරවල කටයුතු කරන සේවකයන් අතර කලාතුරකින් දක්නට ලැබෙන අස්වාභාවික ලිංගික හැසිරීමකි “මෘත දේහ කාමුකත්වය.” මියගිය කාන්තාවන් සමග ලිංගිකව හැසිරීම මෙහිදී සිදුවේ. බොහෝ විට කාන්තාවන් සමග ලිංගිකව හැසිරීමට තදබල ආශාවෙන් පෙළෙන එහෙත් ඒ සඳහා පෙළඹීමට තරම් ආත්ම ශක්තියක් නොමැති මිනිසුන් මෙවැනි ක්‍රියාවන් සඳහා පෙළඹෙන බව පෙනේ. මන්ද යත් මළමිනී ලිංගික ක්‍රියාවලිය සඳහා විරුද්ධත්වයක් කිසිම අයුරකින් නොදක්වන බැවිනි. බොහෝ විට මෘත දේහ කාමුකයන් මෘත දේහ සමග ලිංගික සම්බන්ධතා පැවැත්වීමට පෙළඹෙන්නේ මත්පැන් ද පානය කිරීමෙන් පසුවය.

අශ්ලීල දුරකතන ඇමතුම් - Dirty Phone Calls

හලෝ ගුඩ් මෝනිං, ගමගේ හොස්පිට්ල්..

ඔයා දැන් මොනවද කරන්නෙ?

ඇයි බෙහෙත් ගන්න නොම්මරයක් ඕනැද?

නොම්මරයක් නෙවෙයි මට ඔයාට...... ඕනෙ.

ටෙලිෆෝන් එක තියන්නෙ නැතිව දැන් මේ ටික අහගන්න...

මෙය අපගේ ආරෝග්‍ය ශාලාවේ පමණක් නොව බොහෝ ආයතනවල පිළිගැනීමේ නිලධාරිනියනට මුහුණදීමට වන තත්ත්වයකි. විද්‍යාව සහ තාක්ෂණය දියුණුවත්ම ඊට අනුරූපව ලිංගික තෘප්තිය ලබාගැනීමේ ක්‍රම ද වෙනස් වෙන බව පෙනේ. අශ්ලීල දුරකතන ඇමතුම් ද එවැනි අස්වාභාවික වූ ලිංගික චර්යාවකි. දුරකතනයෙන් කතා කරන තැනැත්තා ලිංගික තෘප්තිය ලබන්නේ එයට පිළිතුරු දෙන කාන්තාවගේ ප්‍රතිචාරයෙන් ලබාගන්නා ආස්වාදයෙනි. ඒ අවස්ථාවේදී බොහෝ විට ඔහු සිටින්නේ වෙනත් අයට නොපෙනෙන තැනකය. ඔහු දුරකතන පණිවුඩය දෙමින් ස්වීය වින්දනයේ යෙදෙන්නේය. මෙම ගැටලු නිරාකරණය කළ හැකි එක් ක්‍රමයක් නම් විනාඩි කිහිපයක් දුරකතනයට පිළිතුරු නොදී පැත්තකින් තැබීමයි. අනෙක් ක්‍රමය නම් කතා කරන්නාගේ දුරකථන අංකය දැනගෙන එය නැවත ඔහුට ප්‍රකාශ කිරීමය.

ජැක් ගැසීම - Frotteurs

සර්, මම ආවෙ ‍පෞද්ගලිකයි-රහසිගතයි දෙයක් ගැන කතා කරන්න. ඔහු සේවය කරන්නේ හමුදාවේය.

මොකක්ද කාරණාව? මම ඔහුගෙන් විමසුවෙමි.

මම වැඩ කරන්නෙ.... ගම මහරගම. සමහර දවස්වලට මම යන්න සූදානම්වෙලා ඉන්නෙ මහනුවර.  ඒත් ගිහින් නතර වෙන්නෙ ගාල්ලෙ ඔහුගේ අපභ්‍රංස කතාව මට තේරුණේ නැත.

මොකක්ද ඒ කතාවෙ තේරුම? මට ටිකක් පැහැදිලි කරලා කියන්න මම ඔහුගෙන් ඉල්ලා සිටියෙමි.

මේකයි සර් වැඩේ. මම ගෙදරින් එන්නෙ කොළඹට ඇවිත් මහනුවරට යන්න. ඒ වුණාට කොළඹ බස් නැවතුම් පොළට ආවම මට හිතෙනවා තනියම යන ගෑනු කෙනෙක් නගින බස් එකකට නගින්න. එහෙමත් නැත්නම් ගෑනු කෙනෙක් වාඩිවෙලා ඉන්න තනි සීට් එකක් තියෙනවා නම් එතනට ගිහිල්ලා වාඩිවෙන්න. ඉතින් මම යන්න ආපු ගමන අමතක වෙනවා. එක දවසක් ගිහිල්ලා වාඩිවෙලා තිබුණෙ මහනුවර බස් එකේ නොවෙයි, ගාල්ල බස් එකේ. අනේ ඉතින් මම අර ගෑනු එක්කෙනාගේ ඇඟේ ගෑවී ගෑවී ගාල්ලටම ගියා. අතරමදී එයා මට ඔරවන්න පටන් ගත්තා. මම දන්නවා ඒක වැරදි වැඩක් කියලා. ඒත් මට එහෙම කරන්න හිතෙනවා. සමහර දවස්වල මම ගෑනුන්ගෙන් බැණුම් අහලත් තියෙනවා. එක දවසක් මම ගුටිත් කෑවා. මේක මට හරි කරදරයක්නෙ සර්. බැරිද මට මේ පුරුද්ද අත ඇරගන්න ප්‍රතිකාරයක් කරන්න...? ඔහුගේ ගැටලුව ඉදිරිපත් කළේ එසේය.

ඔහු පෙළුණේ තම සිරුර කලින් නොදන්නා තැනැත්තියකගේ සිරුරේ ස්පර්ශ කිරීමෙන් ලිංගික උද්දීපනයට පත්වීමේ කාමුකත්වය හෙවත් Frotteurs තත්ත්වයෙනි.

මෙම තත්ත්වය තරුණ පරපුර හඳුන්වන්නේ ජැක් ගැසීම හෙවත් ටච් එක දැමීම යනුවෙනි. බොහෝ විට මෙම තත්ත්වයට කෙනකු පත්වන්නේ සෙනඟ පිරී ගිය බසයක් තුළ හෝ සෙනඟ එක්රැස්වෙන පෙරහැරක් හෝ සංගීත සන්ධ්‍යාවක් වැනි ස්ථානයකදීය. 

මෙවන් පුද්ගලයන් නිසා අපහසුතාවට පත්වන කාන්තාවන් එමටය. නිතර බස්වල ගමන් කරන හැම කාන්තාවක්ම වාගේ මෙවැනි අත්දැකීම්වලට මුහුණ පා තිබේ. මහනුවරට යන්නට ගොස් ගාල්ලෙන් නතර වූ තැනැත්තාට දීම සඳහා බෙහෙත් පෙති මා ළඟ නොවීය. කළ හැකිවූයේ මනා උපදේශනය මගින් එහි ඇති අදීනව පහදා දීම පමණි.

උපදෙස්: විශේෂඥ වෛද්‍ය ආරියසේන යූ ගමගේ

This is the one and only positive sex educational website in sri lanka and written in Sinhala language

ළමා අපයෝජනය මොළෙත් අවුල් කරන හැටි!

ළමා අපයෝජනය පිළිබඳව අපි තවදුරටත් ගැඹුරින් සොයා බලමු. ජාතික ළමා රක්ෂණ අධිකාරියේ වාර්තාවන් සහ සංඛ්‍යා ලේඛනවලට අනුව 2014දී දරුවන් 10315ක්ද, 2015දී දරුවන් 10732ක්ද, 2016දී දරුවන් 10000ක් ද අපයෝජනයට ලක්වී ඇත. මින් වැඩිම දරුවන් සංඛ්‍යාවක් වාර්තා වී ඇත්තේ කොළඹ, ගම්පහ, ගාල්ල, කළුතර, රත්නපුර සහ අනුරාධපුර යන දිස්ත්‍රික්කවලිනි.

කුඩා කල දරුවකු අපයෝජනය වීම නිසා ඔවුන් නොයෙකුත් මානසික රෝගවලට ගොදුරු වන බව පසුගිය ලිපියෙන් අප සොයාබලන ලදී. එසේ ගොදුරු විය හැකි මානසික රෝගී තත්ත්වයන් සහ ගැටලු නම් මානසික අවපීඩනය, මානසික ආතතිය, සමාජ භීතිකාව, ප්‍රචණ්ඩකාරී හැසිරීම, අධ්‍යාපනය බිඳ වැටීම සහ නොයෙකුත් පෞරැෂ භින්නතාවයන්ට ගොදුරු වීමයි. කුඩා කල අපයෝජනයට ලක්වන දරුවන්ගෙන් 80%ක් අවු. 21 වන විට කිසියම් ‍හෝ මානසික රෝගී තත්ත්වයකට ගොදුරු විය හැකි බව සමීක්ෂණවලින් තහවුරු වී ඇත.

මානසික, ශාරීරික හෝ ලිංගික අපයෝජනයට ලක්වන දරුවකු මෙසේ නොයෙකුත් පෞරුෂ ගැටලුවලට ගොදුරු වන්නේ ඇයිදැයි අපි තව දුරටත් සොයා බලමු. 

බොහෝ ජාත්‍යන්තර සමීක්ෂණවලින් පෙනී ගොස් ඇත්තේ අපයෝජනයට ලක්වන දරුවන්ගෙන් වාර්තා වන්නේ 10%ක් පමණ සංඛ්‍යාවක් බවයි. එනම් 90%ක් දරුවන් නොයෙකුත් ආකාරයට අපයෝජනය වී එය කාලයේ වැලිතලාව මත වැළලී යන බවයි. මීට හේතුව බොහෝ දෙනා තුළ ඇති විශ්වාස, ආකල්ප සහ බයයි. ලිංගිකව අපයෝජනයට ලක්වන දරුවකු ගැන බලමු. දෙමාපියන් බොහෝ විට මේ සිද්ධි පැමිණිලි ලෙස ඉදිරිපත් කරනුයේ පොලීසියටය. පොලීසිය තුළින් කරන විභාගයකදී මෙය මුළු ගමම දැනගනී. ඉන්පසු මෙම දරුවා ලිංගික අතවරයට පත්වූවකු ලෙස හංවඩු ගැසේ. මෙය එම දෙමාපියන්ට සහ දරැවාට දැඩි මානසික පීඩනයකි. ඒ සමඟම මෙම සිද්ධිය උසාවියක නඩු මගට ගියවිට දරුවා තවත් පීඩනයට ලක්වේ. ලිංගික අතවරයට ලක්වීමෙන් ඇතිවුණු පීඩනයට අමතරව සමාජය තුළින් ඇතිවන මෙම පීඩනය ද හේතු කොට ගෙන එම දරැවා සැබැවින්ම මානසික රෝගී තත්ත්වයකට ගොදුරු විය හැකිය. මෙවැනි අත්දැකීමකට ගොදුරු වූ එක් දරුවකුගේ පුංචි කතාවක් අධ්‍යයනය කර බලමු. අපි ඇයට උපුලි කියමු.

උපුලිගේ වයස අවු. 14යි. උපුලි 5 ශිෂ්‍යත්වය සමත් වී මාතර ප්‍රදේශයේ කුඩා පාසලක සිට කොළඹට  පැමිණ ප්‍රධාන පාසලකට ඇතුළු වී ඉතා හොඳින් අධ්‍යාපන කටයුතු කරමින් සතුටින් සිටි දැරියකි. කොළඹදී නැවතී සිටියේ ඇගේ පුංචි අම්මාගේ ගෙදරය. පුංචි අම්මාට ද දරුවන් දෙදෙනෙක් සිටියාය. ඔවුන් දෙදෙනා සමඟ ද උපුලි හිතවත්කමින් කෙළි කවටකමින් කාලය ගෙව්වාය. පුංචි අම්මා මේ අතර ඇයව ළඟම පිහිටි අමතර පංතියකට යොමු කළේ ඉංග්‍රී ඉගෙනගැනීමටය. මෙසේ පංතියට ටික කලක් යනවිට ඇයගේ හැසිරීම ද වෙනස් විය. මට තවත් ඉංග්‍රීසි පංතියට යන්න බෑ. කියා ඇය ඇඬුවාය. ඇයට නිතරම හිසේ කැක්කුමක් ද ඇතිවිය. නිතර තරහා යාමට පටන්ගත් උපුලී සමාජ ආශ්‍රය ද අඩු වී නිතරම කාමරයට වී කාලය ගත කළේය. පුංචි අම්මාගේ දරු දෙදෙනා සමඟ සෙල්ලම් කිරීම ද අඩු විය. කෑමට ඇති ආශාව මෙන්ම නින්ද යාමද අඩු විය. අවසාන වාර විභාගයේදී විෂයයන්ට ඉතා අඩු ලකුණු ලබාගෙන තිබුණි. උපුලිගේ මෙම වෙනස්වීම පිළිබඳව පුංචි අම්මා පුදුමයට පත් විය. ඉතා සතුටින් හොඳින් ඉගෙනගනිමින් සිටි මේ දරැවාට කුමක් සිදු වුණිදැයි සිතා අතිශයින්ම දුක් විය. මෙසේ මාස කීපයක් ගෙවී යනවිට උපුලි ඉංග්‍රීසි පන්ති ගිය ගුරුවරයාගේ බිරිඳ පුංචි අම්මාට කියූ කතාවෙන් ඇය පුදුමයට මෙන්ම කලබලයට පත්විය. එම ගුරැවරයාගේ බිරිඳ පවසා ඇත්තේ තවත් උපුලිව ඉංග්‍රීසි පන්තියට නොයවන ලෙසත් ඇගේ සැමියා නොයෙකුත් ලිංගික පින්තූර පරිගණකය ආශ්‍රයෙන් උපුලිට පෙන්වන බව ඇය දෑසින් දුටු බවත් තවත් දිනක් ඇය හදිසියේම පන්ති කාමරයට යනවිට තම සැමියා උපුලිගේ පියයුරු මෙන්ම රහස් ප්‍රදේශය ද අල්ලමින් සිටින බවත්ය. මින් අතිශයින්ම කලබලයට පත් උපුලිගේ පුංචි අම්මා ළඟම පොලීසියට ගොස් පැමිණිලි කළාය. ඉන්පසු පොලීසිය උපුලිගෙන් ද කටඋත්තර ලබාගෙන ඉංග්‍රීසි ගුරුවරයා අත්අඩංගුවට ගත්තේය. මෙම සිද්ධිය උපුලිගේ නෑදෑයන් අතර මෙන්ම ඉගෙනගන්නා පාසැල අතර ද පැතිර ගියේය. ඉංග්‍රීසි ගුරුවරයාගේ ලිංගික අතවරය නිසා පීඩනයට පත්ව සිටි මේ දරුවාගේ පීඩනය තවත් වැඩි වී මානසික අවපීඩන තත්ත්වයට ගොදුරු වී ජීවිතය ද එපා වී ජීවිතය නැති කරගැනීමට තැත් කර රෝහල්ගත වීමට සිදුවූයේ අධිකරණ ක්‍රියාදාමය සිදුවන අතරතුරය.

මෙම සිද්ධිය අධ්‍යයනය කිරීමේදී අපට පෙනෙන්නේ මෙම පුංචි දරුවා එක් වරක් ලිංගික අතවරයටත් නීතිමය ක්‍රියාමාර්ගයට බැසීම නිසා දෙවැනි වරත් දැඩි මානසික අපයෝජනයට භාජනය වී ඇති බවය. මෙය අපේ රටේ සාමාන්‍යයෙන් ලිංගික අපයෝජනයට පත්වන දරැවකු අධිකරණ ක්‍රියාමාර්ගයට යොමු වනවිට ලබන අභාග්‍යයකි.

දරුවකු මානසික, ශාරීරික හෝ විශේෂයෙන් ලිංගික අපයෝජනයකදී ඔවුන්ගේ වේගයෙන් වර්ධනය වෙමින් පවතින මොළයේ ස්නායු පද්ධතියට හානි වන බව අති සියුම් ස්කෑන් පරීක්ෂණවලින් තහවුරු වී ඇත. මෙම සොයා ගැනීම් සඳහා ප්‍රධාන ස්කෑන් පරීක්ෂණ වර්ග තුනක් භාවිතා කරනු ලැබේ.

1. F.M.R.I - මෙම ස්කෑන් පරීක්ෂණයේදී මොළය තුළ රැධිරයේ ඔක්සිජන් සහ රැධිර ගමනාගමනය වෙනස් වන ආකාරය සියුම් ලෙස සොයාගත හැකිය.

2. D.T.I - මෙම ස්කෑන් පරීක්ෂණයේදී ස්නායු පද්ධතියේ සිදුවන නොයෙකුත් ව්‍යූහාත්මක වෙනස්කම් මැන බැලිය හැක.

3. E.R.P - මෙම ස්නායු පරීක්ෂනයේදී මොළය තුළ ස්නායු පද්ධතිය තුළ ඇතිවන නොයෙකුත් විද්‍යුත් ධාරාවන් මැන බැලිය හැක. එමෙන්ම පුද්ගලයකුගේ බුද්ධිමය පරිමාවන් ද මැන බැලිය හැක.

අපයෝජනයට ලත්වන දරුවකුගේ මොළය තුළ සිදුවන වෙනස්කම්

1. හිපොකැම්පස් කියන්නේ (Hippocampus) අපගේ මතක ධාරාවන් ගබඩා කරන සහ ඒවා පාලනය කරන මොළය තුළ ගැඹුරින් පිහිටා ඇති ඉතා කුඩා සංවේදී ඉන්ද්‍රියකි. F.M.R.I ස්කෑන් පරීක්ෂණවලින් පෙනී ගොස් ඇත්තේ කුඩා කාලයේ අපයෝජනයට ලක්වන දරැවන් යම් දිනෙක වැඩිහිටියන් බවට පත් වූ විට මෙම හිපොකැම්පස් නැමති මධ්‍යස්ථානයේ පරිමාව අඩු වී එහි ක්‍රියාකාරීත්වය අඩුවීම නිසා මතක ශක්තිය සහ කල්පනා ශක්තිය අඩු වී නොයෙකුත් බුද්ධියේ ගැටලු ඇතිවන බවයි.

2. ඇමිග්ඩෙලා (Amygdala) කියන්නේ අප මොළයේ ඉතා ගැඹුරින් පිහිටි ඉතා කුඩා ඉන්ද්‍රියයක්. අපගේ භය, හැඟීම් පාලනය කිරීමට මෙම ඉන්ද්‍රිය අතිශයින් උපයෝගී වෙනවා. ළමා කාලයේ අපයෝජනයට ලක්වන දරුවන්ගේ මෙම ඉන්ද්‍රයේ ක්‍රියාකාරිත්වය වැඩි වී ක්ෂණිකව භයට පත්වන කලබලයට පත්වන හැඟීම් පාලනය කර ගැනීමට නොහැකි දරුවන් හෝ වැඩිහිටියන් බවට පත්වන බව සමීක්ෂණවලින් තහවුරු කර තිබේ.

3. අපගේ මොළයේ පූර්ව මස්තිශ්කයේ (නළලට ආසන්නයේ ඇති ලලාටකණ්ඩිකාව (prefrontal cortex) අපගේ මොළයේ විධායකය හෙවත් බුද්ධිමය කොටස ලෙස සොයාගෙන තිබේ. තීරණ ගැනීමට, ප්‍රශ්න විසඳාලීමට, හැඟීම් පාලනයට අවශ්‍ය ස්නායු පරිපථ මෙම ඉන්ද්‍රිය තුළ නිර්මාණය වන බව ස්කෑන් පරීක්ෂණවලින් තහවුරු වී තිබෙනවා. වෛද්‍ය විශේෂඥයන් පෙන්වා දී ඇත්තේ කුඩා කල අපයෝජනයට පත්වන දරැවන්ගේ මෙම මධ්‍යස්ථානයේ පරිමාව අඩු වී බුද්ධිමත් හැකියාවන් හීන වී නොයෙකුත් පෞරැෂ ගැටලු ඇතිවිය හැකි බවය.

4. කෝපස් කැලෝසම් (Corpus Callosum) යනු මස්තිෂ්කයේ දකුණ සහ වම සම්බන්ධ කරන ස්නායු මධ්‍යස්ථානයයි. මොළයේ දකුණ සහ වම එකිනෙකට සම්බන්ධ කරමින් (හැඟීම්, සිතුවිලි ආදී සියලුම බුද්ධිමය හැකියාවන්) ඉතා සියුම් ලෙස අපිව පාලනය කරයි. ළමා කාලයේ අපයෝජනයට ලක්වන දරුවන්ගේ මෙම කෝපස් කැලෝසම් නමැති මධ්‍යස්ථානයට හානි වී එහි පරිමාව අඩු වී ක්‍රියාකාරීත්වය දුර්වල වන බව සමීක්ෂණවලින් සොයාගෙන ඇත. මෙවැනි දරැවන් වැඩිහිටියන් වූ විට ඔවුන්ගේ බුද්ධිමය හැකියාවන් අඩු වී හැඟීම් පාලනය අපහසු වී නොයෙකුත් පෞරුෂ ගැටලුවලට ගොදුරු වේ.

හෙට රටේ අනාගතය අද ඔබේ දරුවාය. ඔහු සහ ඇය රැකගැනීම ඔබේ වගකීමයි.

-කිරිබත්ගොඩ මූලික රෝහලේ 
මනෝ වෛද්‍ය නයනානන්ද කුමාරනායක

This is the one and only positive sex educational website in sri lanka and written in Sinhala language