යුගදිවියේ ගැටලුකාරි තත්ත්වයන්ට හේතුවන මානසික රෝගී තත්ත්වයන් සහ වෙනත් මානසික හේතු පිළිබඳව දිගින් දිගටම අපි සාකච්ඡා කළෙමු. අද අපි තවත් ගැටලු කිහිපයක් ගැන අවධානය යොමු කරමු.
යෝජිත විවාහයක් වැනි කලින් සමීප ඇසුරක් නොපැවති යුවළක් යුගදිවියට පිවිසි මුල් කාලයේද කාන්තාවකට ලිංගිකව එකතුවිය නොහැකි මානසික පසුබිමක් සකස්විය හැකිය.
මෙබඳු තත්ත්වයකදි ස්වාමි පුරුෂයා කලබලයට පත් නොවීම සහ ඉක්මන් නොවීම වැදගත්ම දෙය ලෙස අවධාරණය කළ යුතුය. එලෙස දෙදෙනා අතර සමීප බැඳීමක් ඇතිවන්නට කාලය ලබාදීම අවශ්‍යය.
තවත් සමහර කාන්තාවන් සැමියා සමග පවත්වන ඇසුර යුතුකමක් හෝ අවශ්‍යතාවයක් සපුරාලීමක් සේ සලකා ඊට අවකාශ ලබා දෙන බව වෛද්‍ය වරයෙක් ලෙස අපට බොහෝවිට අසන්නට ලැබෙන දෙයකි. මෙයද යහපත් නොවන්නකි. කායික එක්වීම් දෙදෙනාටම ආශ්වාදයක් බවට පත්කර ගනිමින් කටයුතු කිරීම තුළ මානසිකව හා කායිකවද ඊට අවශ්‍ය කරන පසුබිම සැකසීම සිදුවේ.
සමහර කාන්තාවන් කායිකව එකතුවීමට බියක් දක්වන්නේ තමන්ට වේදනාවක් තුවාල වීමක් සිදුවේයැයි පවතින බිය නිසාය. එහෙත් කාන්තාවකගේ යෝනි ප්‍රදේශය යනු දරුවෙකු ප්‍රසූත කරන්නට තරම් විස්ථාරණය වීමේ හැකියාව ස්වභාවයෙන්ම පවතින ආබාධයක් බව ඔවුන් අවබෝධ කර ගත යුතුවේ.
ඒ අනුව තමා තුළ තිබෙන වැරදි අදහස් වෙනස් කර ගනිමින් ලිංගිකව එකතුවීමට මානසික පසුබිම සකසාගත් විටදී මාංශපේශී සංකෝචනය වී ඊට සුදුසු කායික පරිසරයද ඉබේම නිර්මාණය වීම සිදුවේ.
එහෙත් යෝනි ප්‍රදේශ වියළි බව හේතුවෙන් කායිකව එකතු වීම අපහසු තත්ත්වයට පත්වූ විටදි ම්ක ට්ඥත නමින් හැඳින්වෙන ආ‍ලේපනය බාහිරින් ගැල්වීම මගින් එම අපහසුතාවය අවම කර ගත හැකිය.
සමාජ සම්බන්ධතා අවම මට්ටමක පවත්වාගනිමින් නිවස තුළම ජීවත් වූ සමහර යුවතියන් විවාහ වූ පසුව කායිකව එකතුවීම පිළිබඳව කිසිදු අවබෝධයක් නැති තත්ත්වයට පත්විය හැකිය.
චිත්‍රපටයක් වෙනත් දර්ශනයක් තුළින් හෝ ලිංගික අධ්‍යාපනයක් තුළින්වත් එවැනි සම්බන්ධතාවයන් පිළිබඳව නොදැන සිටි කාන්තාවන් යුගදිවියට පිවිසීමත් සමග කායිකව එකතු වීමට නොහැකි තත්ත්වයකට පත්විය හැකිය.
ඊට අමතර පළමු දරු ප්‍රසුතියේදී දැඩි වේදනාවක්ම මුහුණ දුන් කාන්තාවක් නැවත වතාවක් එවැනි බිහිසුණු අත්දැකීමකම මුහුණ දෙන්නට සිදුවේදෝයි පවතින බිය නිසාම කායිකව එකතු වන්නට නොහැකි තත්ත්වයකට පත්වන අවස්ථා තිබේ. එවිට පෙර දරු ප්‍රසූතිය ලිංගිකව එකතු වන්නට සූදානම් වන විටදී බිහිසුණු අත්දැකීමක් ආකාරයට නැවත නැවත මතකයට නැගිය හැකිය. එහිදී මුලින් සඳහන් කළ ආකාරයට මාංශපේශීන් සංකෝචනය වී කායිකව එකතු වීමට අපහසු මානසික හා කායික පසුබිමක් සකස් වීම සිදුවිය හැකිය. මේවා සාර්ථකව විසඳිය හැකි ගැටලුය. මනෝ වෛද්‍ය සහ චිකිත්සක උපදෙස් මගින් සාර්ථකව ඒවා යථා තත්ත්වයට පත් කර ගත හැකිවේ.
උත්පලා සුභාෂිනී ජයසේකර
[මහනුවර මහ රෝහ‍ලේ මනෝ රෝග විශේෂඥ වෛද්‍ය ගිහාන් අබේවර්ධන අවධාරණය කරයි]
This is the one and only positive sex educational website in sri lanka and written in Sinhala language
