Recent Articles

තෘප්තිය! ඇත්ත ඇති සැටියට.


ලිංගිකත්වය යනු ස්වභාවික ආශ්වාදයකි. අපි ආහාරවලට ප්‍රිය කරනවා සේම ලිංගික තෘප්තියටද ආශා කරනවා. ලිංගික ආශාව යනු ඕනෑම නිරෝගී පුද්ගලයකුගේ මනසේ ඇතිවන උත්තේජනයකි. මිනිසකුගේ ස්වභාවික ලිංගික චක්‍රය අධ්‍යනය කිරීමේදී එය ප්‍රධාන අවස්ථා 4කට බෙදෙනවා.

1. ආශාව (Desire Phase)

2. අවදි වීම (Arousal Phase)

3. උපරිම තෘප්තිය (Orgasm)

4. සමාප්තිය (Resolution Phase)

පළමු අවධිය
මෙම අවධිය ලිංගිකව එකතුවීමට ඇති ආශාව සමග ලිංගික සිහිනවලින් පිරී පවතී. එම සිහින තුළ තම සහකාරයා හෝ සහකාරිය සමග ලිංගිකව එකතු වීම, සිප ගැනීම්, වැළඳගැනීම් දවල් සිහින සමග එකතු වේ. මෙම ලිංගික සිහින නිරෝගී මනසක ඇතිවන ස්වභාවික තත්ත්වයකි.

දෙවැනි අවධිය (ලිංගිකව අවධි වීම)
පුද්ගලයකු ලිංගික කාර්යායට පෙළැඹෙන විටකදී මනස මෙන්ම ශරීරය ද අවදි වේ. පිරිමියෙකුගේ නම් හොඳින් ශිෂ්ණය ප්‍රාණවත් වන අතර ස්ත්‍රියකගේ නම් යෝනි මාර්ගය හොඳින් තෙත් වේ.

තුන්වන අවධිය (උපරිම තෘප්තියට පැමිණීම)
පුරුෂයකු ශුක්‍රාණු පිටවීමෙන් උපරිම තෘප්තියට පැමිණෙන අතර කාන්තාවක් නම් යෝනි මාර්ගය අවට මාංශ පේශීන් තදවීම සමඟ ලැබෙන අපූරු තෘප්තියකින් සුරාන්තයට පැමිණේ.

හතරවන අවධිය (සමාප්තිය)
ලිංගික කාර්යයෙන් පසු, එනම් උපරිම තෘප්තියට පැමිණීමෙන් පසු මනස සහ ශරීරය සැහැල්ලුවේ. මෙම සමාප්ති කාලය කාන්තාවකට නම් කෙටි කාලයකි. මේ නිසාම එක් ලිංගික කාර්යයක් ඇතුළත ඇයට කීප විටක්ම උපරිම තෘප්තියට හෝ සුරාන්තයට පැමිණිය හැක.

කාන්තාවන්ට උපරිම තෘප්තිය දැනෙන්නේ කෙසේද?
මෙය විවිධය. මෙය එක් කාන්තාවකගෙන් තවත් කාන්තාවකට වෙනස් වේ. නමුත් අවාසනාවකට කාන්තාවන් සීයක් ගත්තොත් මෙම අපූරු තෘප්තිය ආශ්වාද කළ හැක්කේ විසිපස් දෙනෙකුට පමණ බව සමීක්ෂණවලින් පෙනී ගොස් ඇත. මෙම ආශ්වාදය ස්ත්‍රියකට දැනෙන්නේ කෙසේදැයි සොයාබලමු.

අපගේ ආශාව ජනිත වනුයේ මොළය තුළිනි. එනම් උපරිම තෘප්තියට පැමිණීමේදී එම සතුටට සමගාමීව මොළය තුළ එන්ඩොපින්, ඩෝපමින් සහ සෙරොට්නීන් වැනි සතුට ගෙන දෙන අපූරු රසායන ද්‍රව්‍ය ශ්‍රාවය වීමක් සිදුවේ. එමෙන්ම මොළය තුළින් දිවෙන ස්නායු පද්ධතිය සමග යෝනි මාර්ගය සහ ඒ අවටින් පිහිටා ඇති ‘භගමනිය’ (Clitoris) සහ ජී-ස්පොට් (G-Spot) යන ස්ථාන ද උත්තේජ වේ. විශේෂයෙන්ම ලිංගික සංසර්ගයේදී ශිෂ්ණය ඉහත ස්ථානවල ඇතිල්ලීමෙන් ඉතා ඉක්මණින් කාන්තාවන් උපරිම තෘප්තියට පැමිණේ.

කාන්තාවක් උපරිම තෘප්තියට නොපැමිණීමට හේතු
1. දෙදෙනා අතර තිබෙන සම්බන්ධතාවයේ ගැටලු (Relationship Problem)

2. මානසික අවපීඩනයෙන් හෝ දැඩි ආතතියෙන් පෙලීම (Mental Depression and Anxiety)

3. සංස්කෘතික හා ආගමික විශ්වාසවලට ගොදුරු වීම (Cultural and Religion Belief)

4. පාලනය නොවූ දියවැඩියාව (Uncontrolled Diabetes)

5. කුඩාකළ වැරදි ලිංගික අධ්‍යාපනයට යොමුවීම (Wrong sexual Education)

6. කුඩා කාලයේ ලිංගික අපයෝජනයට ගොදුරු වීම (Sexual abuse)

7. සමහර ඖෂධ වර්ග ගැනීම (Some Medicines)

8. සමහර ශෛල්‍යකර්ම වලට භාජනය වීම (Like – Hysterectomy)

සත්‍ය කථා කීපයක් ඇසුරැ කරගෙන කාන්තාවක් උපරිම තෘප්තියට නොපැමිණීමට මුල් වූ පරිසරාත්මක හේතු කීපයක් අධ්‍යයනය කර බලමු.

පියල් සහ සුමුදු විවාහ වී වසර පහකි. ඔවුන්ට අවු. 2ක දරුවෙක්ද සිටී. සුමුදුට ප්‍රථම ලිංගික එක්වීමේදී ලේ යාමක් සිදු නොවුණු බැවින් කන්‍යාභාවය තහවුරු කිරීමට නොහැකි විය. දැඩි පිළිවෙත් සහ මතධාරීන් වූ පියල්ගේ දෙමාපියන් එයට උරණ වී සිටියේය. පියල්ද ඉතා සුළු සිද්ධියක් අරභයා නිතරම මේ ගැන මතක් කරමින් සුමුදුට අපහාස කළේය. මේ නිසාම සුමුදුට පියල් ගැන තිබුණේ අප්‍රසන්න හැඟීමකි. ඇය පියල් සමඟ ලිංගිකව එකතු වූයේද දැඩි තෘප්තියකින් හෝ සතුටකින් නොවේය. මේ අසතුට නිසාම ඇයට ලිංගික කාර්යයේදී ගැඹුරු ලිංගික කාර්යයේදී ගැඹුරු ලිංගික අවධි වීමක්ද සිදු නොවූවාය. යෝනි මාර්ගයේ තෙත්වීමද හොඳින් නොවූවාය. ඇය කිසිදිනක උපරිම තෘප්තිය හෝ සුරාන්තයේ පහස නොලැබුවාය.

ඉහත කතාවෙන් පෙන්නුම් කරනුයේ සම්බන්ධතාවය බිඳ වැටීමෙන් ලිංගික තෘප්තියට හානිවන ආකාරයයි. ශරීරයේ තිබෙන විශාලම ලිංගික අවයවය මොළයයි. ආදරය සහ ලෙන්ගතුකම නිසි ලෙස මොළයට නොදැනුණු තැන ලිංගික තෘප්තිය ද ඔබෙන් පලා යයි.

පාලිකාගේ වයස අවු. 40යි. ඇය විවාහ වී අවුරුදු පහළොවකි. ළමුන් දෙදෙනෙක් සිටී. පසුගිය අවු. 5 තුළදී ඇය තම ස්වාමියා සමග එක්වීමේදී උපරිම තෘප්තියට නොපැමිණෙන බව ඇයට දැනුණි. නමුත් පාලිකා සහ ඇගේ සැමියා අතර කිසිදු ආරවුලක් හෝ ගැටලුවක්ද නොතිබුණි. මනෝ වෛද්‍යවරයාගේ තීරණය අනුව ඇගේ ලේ පරීක්ෂා කිරීමේදි ඇය තදබල ලෙස දියවැඩියාවෙන් පෙළෙන බව සොයා ගැනුණි. පාලනය නොවූ දියවැඩියාව උපරිම තෘප්තියට පැමිණීමට බාධාවකි. මෙම තත්ත්වයේදී උදරයේ සීනි ප්‍රමාණය වැඩි වන අතර වැඩිවන සීනි සමග ස්නායු සහ රුධිර වාහිනී දුර්වල වී මොළය සහ ලිංගික අවයව අතර ඇති සියුම් සම්බන්ධතාවයටද මේ නිසා හැනි ඇතිවේ. මේ සමගම ලිංගික තෘප්තිය ඔබෙන් පලා යයි.

කාන්තාවක් වන ඔබ උපරිම තෘප්තියට (Orgasms) නොපැමිණේ නම් නිසි ප්‍රතිකාර සඳහා යොමුවීමට මනෝ වෛද්‍යවරයකු හමුවිය යුතුයි. යන්ත්‍ර මන්ත්‍ර යාග හෝම පිටුපස යාම මුලාවකි.

► කිරිබත්ගොඩ මූලික රෝහලේ
මනෝ වෛද්‍ය නයනානන්ද කුමාරනායක


This is the one and only positive sex educational website in south asia and written in Sinhala [සිංහල], Tamil [தமிழ்] and Urdu [ हिन्दी] languages.

කාන්තාවන්ට ඔසප් නැවතීම දැනෙන්නේ කෙසේ ද?

ඕනෑ ම කාන්තාවක සිය තරුණ විය ඉක්මවා යද්දී මුහුණ දීමට සිදුවන පොදු ශාරීරික තත්ත්වයක් වුවද, එකිනෙකාට දැනෙන සංකුලතා විවිධය.

"අවුරුදු 50 ලබන කාලයේ දී මට නිතර තද ඔලුවේ කැක්කුමක් එන්න ගත්තා. ඒ වගේම මගේ හිත එක දෙයකට යොමු කරළා තියාගන්න බැරි වුණා. හැමවෙලාවෙම මුත්‍රා පිට කිරීමට අවශ්‍ය ගතියකුත් තිබුණා," පිළියන්දල පදිංචි කාන්ති ජයවර්ධන සිය අත්දැකීම පැහැදිලි කරන අතරේ එසේ පැවසුවාය.

"53 දී විතර මගේ ඔසප්වීම නතර වුණා. නමුත් මට කිසිම වෙනසක් දැනුනේ නැහැ. වෙනදා වගේම හොඳ ශරීර සෞඛ්‍යයෙන් සිටියා. නමුත් මම දන්න බොහෝ දෙනෙකුට නොයෙකුත් අපහසුතාවලට මුහුණ දෙන්න වුණා" කිරිබත්ගොඩ පදිංචි රමණි නානායක්කාර සඳහන් කළාය.

කාන්තාවකගේ ඔසප් වීම නතර වීම (ආර්තවහරණය) සහ තවදුරටත් ස්වභාවික ලෙස දරුවන් වැදීම කළ නොහැකි වීම 'ආර්තවහරණය' (Menopause) යනුවෙන් හැඳින්වේ.

එය වයස්ගත වීමත් සමග කාන්තාවකගේ ශරීරයේ සිදුවන ස්වභාවික වෙනස්කම්වලින් එකකි. කාන්තාවකගේ ඔසප් වීම නතර වීම සාමාන්‍යයෙන් වයස අවුරුදු 45ත් 55ත් අතර සිදු වේ.

ශ්‍රී ලංකාව තුළ ආර්තවහරණය සිදුවන වයස දළ වශයෙන් 51ක් බව නාරි හා ප්‍රසව විශේෂඥ වෛද්‍ය නිශේන්ද්‍ර කරුණාරත්න බීබීසී සිංහල සේවය කළ විමසීමක දී පැවසීය.

ඇතැම් කාන්තාවන්ට ආර්තවහරණය එකවර සිදු විය හැකි නමුත්, බොහෝ විට සිදුවන්නේ ඔසප් වීම ක්‍රමයෙන් අවම වී අවසානයේ දී නතර වීමය.

බීබීසී සිංහල සේවය ශ්‍රී ලංකාවේ වැඩිහිටි කාන්තාවන් දස දෙනෙකුගෙන් ආර්තවහරණය ගැන විමසූ විට ඉන් හත්දෙනෙකු ශාරීරික සහ මානසික වේදනාවන්ට මුහුණ දුන් බව පැවසූ අතර, තිදෙනෙක් කිසිදු ගැටලුවකට මුහුණ නොදුන් බව පැවසූහ.

වෙනත් හේතු

වයස්ගතවීමට අමතරව ආර්තවහරණයට වෙනත් හේතු ඇති අතර, එබැවින් ඇතැම් කාන්තාවන් අදාළ වයස් සීමාවට පෙර ආර්තවහරණයට මුහුණ දෙන බව වෛද්‍ය නිශේන්ද්‍ර කරුණාරත්න පැවසුවේය.

එයට පහත සඳහන් හේතු බලපෑ හැකිය:

ගර්භාෂ විච්ඡේදනය හෝ ප්‍රජනන පද්ධතිය ආශ්‍රිත සැත්කමකට මුහුණ දීමජානමය තත්ත්වඩිම්බ කෝෂ අකර්මණ්‍ය වීම හෝ හානි වීමප්‍රතිශක්තිය අඩු වීමපාරිසරික බලපෑම්

මේ වෙනස සිදුවන්නේ ඇයි?

මෙයට ප්‍රධාන ලෙස බලපාන්නේ කාන්තා ශරීරය තුළ ඩිම්බ කෝෂවලින් ශ්‍රාවය වන ප්‍රධාන හෝමෝනය වන 'ඊස්ට්‍රජන්' නිෂ්පාදනයේ අඩු වීමය.

වයස්ගතවීමත් සමග ප්‍රජනන පද්ධතිය තුළ ඩිම්බ නිපදවීම නතර වන බැවින් ඔසප් වීම සහ දරු පළ හටගැනීම නතර වේ.

ඒ සමගම ප්‍රජනන ක්‍රියාවලිය පාලනය කරන ඊස්ට්‍රජන් හෝමෝනය නිපදවීම ද ක්‍රමයෙන් අඩු වෙයි.

නමුත් මෙය එක රැයකින් සිදුවන දෙයක් නොවේ.

මෙම වැදගත් හෝමෝනය ශරීරය තුළ නිපදවීම අඩු වීමට වසර ගණනාවක් ගත විය හැකි අතර, අවසානයේ දී එය සම්පූර්ණයෙන් නතර වේ.

ඊස්ට්‍රජන් වැදගත් ඇයි?

"ඊස්ට්‍රජන් කියන්නේ කාන්තාවන්ගේ ද්විතීක ලිංගික ලක්ෂණවලට බලපාන හෝමෝනයයි. දැරියක් කාන්තාවක් ලෙස විකසිත වෙන්නේ මෙම හෝමෝනයේ ක්‍රියාකාරීත්වයෙන්. ඊස්ට්‍රජන් හෝමෝනය ප්‍රධාන වශයෙන් ශ්‍රාවය වන්නේ ඩිම්බ කෝෂවලින්."
"

දැරියක් වැඩි වියට පත් වීමෙන් පසු ඩිම්බ කෝෂ වර්ධනය වී ඊස්ට්‍රජන් ශරීරයට ඇතුළු වී ආර්තව චක්‍රයේ ආරම්භය සිදුවන බව වෛද්‍ය නිශේන්ද්‍ර කරුණාරත්න පැහැදිලි කළේය.

"ඉන් පසු මේ ඊස්ට්‍රජන්වල කාර්යය තමයි ආර්තව චක්‍රය මනාව පවත්වාගෙන යාම සහ පිළිසිඳ ගැනීමක් සඳහා සිරුර සකස් කිරීම. ඊට පසු දරුවෙක් ලබා මව් කිරි ලබා දීමේ ක්‍රියාවලියට ද ඊස්ට්‍රජන් ඉතා වැදගත් වෙනවා."

"කාන්තා ශරීරයේ අනෙක් පද්ධතිවල සුමට ක්‍රියාකාරිත්වයටත් ඊස්ට්‍රජන් හෝමෝනය වැදගත් වෙනවා. මොළය, රුධිර වාහිණී පද්ධතිය, සම, අස්ථි, බඩවැල්, අක්මාව, මුත්‍රා පද්ධතිය, ලිංගික අවයව මේ සියල්ලටම ඊස්ට්‍රජන්වලින් යම්කිසි බලපෑමක් තිබෙනවා," වෛද්‍යවරයා පැවසුවේය.

ආර්තවහරණයේ ලක්ෂණ කිහිපයක්

ඔසප් වීම අක්‍රමවත් වීමඅධික ලෙස දහදිය දැමීම.ශරීර උෂ්ණත්වය දැඩි ලෙස දැනීමශරීරයේ යම් කොටස්වල දැවිල්ලක් ඇති වීමශරීරයේ බර වැඩිවීමලිංගික සංසර්ගයේ දී වේදනාවක් ඇතිවීමයෝනි මාර්ගයේ වියලි බවක් ඇතිවීමනිතර මුත්‍රා පිට කිරීමට අවශ්‍ය වීමසම තුනී වීමඅලස ගතියඉක්මනින් කේන්ති යෑම ඇතුළු මානසික ව්‍යාකූලතාඅත් පා හිරිවැටීමසන්ධි සහ අස්ථි වේදනාකාරී වීමඅස්ථි දුර්වල වීම (osteoporosis)හෝමෝනවල බලපෑම් නිසා වැඩිපුර හිසකෙස් හැලී යාම

"මට තරුණ කාලයේ දී ගර්භාෂයේ ගෙඩි හටගත්ත නිසා සැත්කමක් සිදු කරන්න වුණා. ඒක නිසා වයස 47 පහු වෙද්දීම ආර්තවහරණයට මුහුණ දෙන්න වුණා. මගේ මුළු ඇඟම රිදෙන්න ගත්තා. අත පය හිරිවැටෙන ගතියක් තිබුණා. උදේ නැගිටිනකොට දහදියෙන් තෙමිලා," යැයි නම හෙළි කිරීමට අකමැති කාන්තාවක බීබීසී සිංහල සේවයට සිය අත්දැකීම් විස්තර කළාය.

පවුල් ජීවිතය

ඕනෑම කාන්තාවක් සිය දිවිගමනේ වැඩිහිටි වියට පත් වීමේ දී ආර්තවහරණයට මුහුණ දේ. මෙය තවත් එක් ස්වාභාවික සිද්ධියක් වුවත්, සමහර අවස්ථාවල දී ආර්තවහරණයේ අතුරු ප්‍රතිඵල හේතුවෙන් සිදුවන මානසික ව්‍යාකූලතා නිසා පවුල් දිවිය තුළ ගැටලුකාරී තත්වයක් නිර්මාණය වීමට ද ඉඩ තිබේ.

"මට අවුරුදු 51 වෙනකොට පීරියඩ්ස් හැදෙන එක නතර වුණා. හැබැයි මට ඒ කාලේ පුදුම විදියට කේන්ති යන්න ගත්තා. කිසිම කෙනෙක් නොරුස්සන ස්වභාවයක් ආවා. හැබැයි මට මේ වෙන්නේ මොකක්ද කියලා මට හෝ මගේ පවුලේ අයට දැනුමක් තිබුණේ නැහැ. ඒ නිසා අපිට පවුල් ප්‍රශ්න ගොඩකට මුහුණ දෙන්න වුණා," වැලිවේරියේ පදිංචි ජයන්තා කුලසූරිය පැවසුවාය.

බීබීසී සිංහල සේවයට අදහස් දැක්වූ කාන්තාවන් දස දෙනාගෙන් හය දෙනෙකුට ආර්තවහරණය ගැන නිවැරදි අවබෝධයක් නොතිබිණි."

එමෙන්ම, පුරුෂයන් බොහෝ දෙනෙකුට ද ආර්තවහරණය සිදු වන්නේ කෙසේ ද යැයි අදහසක් නොතිබිණි.

ආර්තවහරණය යන්න තේරුම් ගෙන එම කාලය ඇතුළත වෛද්‍ය උපදෙස් අනුගමනය කරමින්, කල්පනාකාරීව සහ ඉවසීමෙන් කටයුතු කිරීම වෙනුවට නොයෙකුත් ගැටලු ඇති වීමේ තත්වයක් මෙම නොදැනුවත්කම නිසා ඇති වී තිබේ.

"55දී මට මේ තත්වයට මුහුණ දෙන්න වුණා. සමහර වෙලාවට ඇඟ පිච්චෙනවා වගේ දැනෙන්න ගත්තා. ඒ වගේම දැඩි මානසික ආතතියක් දැනෙන්න ගත්තා. සමහර වෙලාවට ගෙදරින් එළියට දුවන්න වගේ හිතෙන හැගීමක් ආවා. අවසානයේ වෛද්‍යවරයෙක් හමුවෙලා මානසික ව්‍යාකූලතාවට බෙහෙත් ගත්තා," එංගලන්තයේ ලන්ඩන් නුවර දිවි ගෙවන ශ්‍රී ලාංකික කාන්තාවක් වන මාලිනි විතාරණ පැවසුවාය.

මේ අතර, තවත් කාන්තාවන් දෙදෙනෙකු පැවසුවේ සිය සැමියන්ට ආර්තවහරණය ගැන කිසිදු අවබෝධයක් නොතිබුණු නිසා තමන් දැඩි අපහසුතාවලට මුහුණ දුන් බවය. නමුත් සිය සැමියා ද කැටුව වෛද්‍යවරයෙකු හමුවීමට යාමෙන් තත්වය පැහැදිලි කරගත් බව ඔවුහු පැවසූහ.

"මට වයස 48යි. දැන් පීරියඩ්ස් හැදෙන්නේම නැති තරම්. ලිංගික සංසර්ගයේ දී වේදනාවක් දැනෙනවා වගේම ඉස්සර වගේ මනස එක දෙයකට යොමු කරගෙන ඉන්න අපහසු බවක් දැනෙනවා," නම හෙළි කිරීමට අකමැති කාන්තාවක පැවසුවාය.

ආර්තවහරණයට ප්‍රතිකාර ගත යුතු ද?

"ආර්තවහරණය කියන්නේ ලොකු ක්‍රියාවලියක එක් කොටසක් පමණයි. කාන්තාවකගේ හෝමෝන පද්ධතියේ වෙනස්කම් මෙයට බලපාන මූලිකම කාරණයයි. මේ නිසා ශරීරයේ වෙනත් පද්ධතිවලට ඇතිවන බලපෑමට තමයි ප්‍රතිකාර කිරීමට අවශ්‍ය වන්නේ," යැයි වෛද්‍ය නිශේන්ද්‍ර කරුණාරත්න පැවසීය.

මින් වසර දහයකට පමණ පෙර ආර්තවහරණය හේතුවෙන් මතුවන සංකූලතාවලට 'හෝමෝන නැවත තැන්පත් කිරීමේ (HRT)' ක්‍රමයක් අනුගමනය කර තිබේ. සමහර කාන්තාවන් තරුණ බව රැකගැනීමේ ක්‍රමයක් ලෙස ද මෙම ප්‍රතිකාර ක්‍රමයට යොමුවී තිබිණි.

නමුත්, වෛද්‍ය විද්‍යාවේ නවතම සොයාගැනීම් අනුව, HRT ක්‍රමය දීර්ඝ කාලයක් අනුගමනය කිරීම තුළින් හදවත් රෝග සහ පිළිකා ඇතිවීමේ අවදානමක් පවතී.

මේ හේතුවෙන්, වර්තමානයේ දී ආර්තවහරණය නිසා ඇතිවන සංකූලතාවලට සිදු කරන පළමු ප්‍රතිකර්මය HRT නොවන අතර, සිය ජීවන රටාවේ යම් වෙනස්කම් සිදු කිරීම මගින් නිරෝගීව සිටීමට හැකි බව වෛද්‍යවරයා පැවසුවේය.

ජීවන රටාවේ සිදුවිය යුතු වෙනස්කම් මොනවාද?

තමන් දිවිගෙවන පරිසරය ප්‍රියජනක ලෙස සකසා ගැනීමපෝෂ්‍යදායී ආහාර රටාවකට හුරුවීමව්‍යායාමවල නිරත වීමමානසික ආතතියෙන් පෙළෙන්නේ නම් එළිමහනේ ව්‍යායාමවල නිරත වීමතමන් දිවිගෙවන නිවසේ වාතාශ්‍රය වැඩිකර ගැනීමකෝපි වැනි 'කැෆේන්' අඩංගු පාන වර්ග අවම කිරීමඋණුසුම් දියර වර්ග පානය කිරීම අවම කිරීමමත්පැන්, දුම්වැටි භාවිතය අවම කිරීමශරීරය සිසිල් වීම සහ වාතාශ්‍රය ලැබීම සඳහා එළිමහන් ක්‍රියාකාරකම්වල වැඩිපුර නිරත වීම

ආර්තවහරණය නිසා ඇතිවන සංකූලතාවලට වෛද්‍යවරයෙකුගේ උපදෙස් පරිදි ලබාගත හැකි විවිධ පෙතිවර්ග සහ හෝමෝන වඩවන ශාකවර්ග ද ආහාරයට ගත හැකි බව වෛද්‍ය නිශේන්ද්‍ර කරුණාරත්න පැවසුවේය.

"නමුත් තමන්ට දැනෙන සියලු අපහසුතා ආර්තවහරණය නිසා සිදුවන බව නොසිතා ශරීරයේ වෙනත් පද්ධතිවල ඇති වෙනස්කම් ගැන අවධානය යොමු කර සිටීම වැදගත්. උදාහරණයක් ලෙස, තයිරොක්සීන් වැඩි කෙනෙක්ට වැඩිපුර දහදිය දමන ගතියක් එන්න පුළුවන්."

"මේ ක්‍රමවලට අමතරව, මාස තුනකට හෝ හයකට තාවකාලිකව ශරීරයට අවශ්‍ය හෝමෝන ලබා දෙන්න පුළුවන්. ඒ වගේම හෝමෝන අත්‍යවශ්‍ය අවස්ථාවල දී තමන්ට තිබෙන අවදානම තේරුම් අරගෙන එය ලබා ගත්තාට කමක් නැහැ," වෛද්‍යවරයා තවදුරටත් පැවසුවේය.


[BBC News]

This is the one and only positive sex educational website in south asia and written in Sinhala [සිංහල], Tamil [தமிழ்] and Urdu [ हिन्दी] languages.

सेक्स एजुकेशन : सेक्स से जुड़े भ्रम और गलत धारणाएँ👇

  भारतीय समाज में सेक्स प्रतिबंधित है जिसके कारण लोग इस पर ना खुल कर बात कर सकते है। अगर आप सेक्स से सम्बंधित बातें करते है या पढ़ते है तो इसे सीधा आपके चरित्र के साथ जोड़ा जाता है। सेक्स पर जानकारी प्रतिबंधित होने के कारण बहुत सारी गलत धारणाएँ और भ्रम हम लोगो के बीच में है। आइये जाने टॉप के भ्रम और गलत धारणाएँ कौन कौन सी है।

1. महिलाएं हस्थमैथुन नहीं करती।
वास्तविकता: एक शोध के हिसाब से 80% महिलायें हस्थमैथुन के द्वारा खुद को संतुष्ट करती है।

2: एक बूंद वीर्य(स्पर्म) बनने के लिए 100 खून की जरुरत होती है।
वास्तविकता: स्पर्म का निर्माण आपके अंडकोष में लगातार होता रहता है। अगर आप इसे खुद नहीं निकालेंगे तो शरीर इसे nightfall के जरिये खुद शरीर से निकल देगा। यह गलत धारणा है कि स्पर्म के निकलने के कारण कमजोरी आती है क्योंकि इसके बनने में खून का योगदान होता है जो बिलकुल गलत है क्योंकि वीर्य के निर्माण का खून के साथ कोई भी सम्बन्ध नहीं है।

3: हस्तमैथुन से शरीर में कमजोरी आ सकती है।
वास्तविकता: हस्तमैथुन सेक्स का एक रूप है और हस्तमैथुन करने से कोई भी कमजोरी नहीं आती बल्कि आपके शरीर के कैलोरी बर्न होते है जिससे आपके शरीर की फिटनेस ही बढ़ती है।

4: सेक्स की अधिकता से लिंग या योनि वीक हो जाते है।
वास्तविकता: प्राइवेट पार्ट चाहे वो लिंग हो या योनि में वीक या कमजोर नहीं हो सकते क्योंकि इन दोनों में किसी भी तरह का मसल्स नहीं होता और मसल्स ना होने के कारण इसके कमजोर या स्ट्रांग होने का सवाल नहीं होता।

5: बड़े लिंग होने से महिला साथी को ज़्यादा मज़ा मिलता है।
वास्तविकता: यह एक आम गलत धारणा है कि बड़े लिंग से आप अपने महिला साथी को ज़्यादा संतुष्ट कर सकते हो मगर यह सोच या धारणा पूरी तरह से गलत है क्योंकि महिला के योनि में केवल 2 इंच तक में ही संवेदना होती है। अगर आपका लिंग हद से ज़्यादा बड़ा है तो यह भी संभव है कि आप सेक्स करते समय उन्हें हर्ट कर दे।

6: आपका लिंग टेढ़ा हो सकता है।
वास्तविकता: हस्तमैथुन के कारण आपका लिंग टेढ़ा नहीं होता क्योंकी किसी का भी लिंग उत्तेजित बिलकुल सीधा नहीं होता और इस थोड़े से टेढ़ेपन के कारण सेक्स के मज़े में थोड़ी सी भी कमी नहीं आती।

7: पेशाब के साथ सीमेन भी बाहर आता है।
वास्तविकता: हमारे लिंग की संरचना या बनावट ऐसी है कि जब आपके लिंग से सीमेन बाहर आता है तब पेशाब उस समय बाहर आ ही नहीं सकता क्योंकि पेशाब का रास्ता बंद हो जाता है। लिंग की बनावट ऐसी है कि दोनों चीज़े एक साथ बाहर नहीं आ सकती।

8: फर्स्ट टाइम सेक्स में लड़कियों को ब्लीड जरूर करना चाहिए ।
वास्तविकता: अगर लड़की कुंवारी होगी और पहली बार सेक्स करने पर उन्हें जरूर ब्लीड करना चाहिए जो बिलकुल गलत है क्योंकी बहुत बार खेलते समय, टैंपुन के इस्तेमाल से भी हाइमेन टूट सकता है। हाइमेन और कौमार्य का कोई रिश्ता नहीं है।

#SexEducationinHindi

This is the one and only positive sex educational website in south asia and written in Sinhala [සිංහල], Tamil [தமிழ்] and Urdu [ हिन्दी] languages.

කාන්තාව සහ ස්වයංවින්දනය: ටිකක් නූහුරුයි වගේද? කමක් නෑ කියවල බලමුද...?


ස්වයංවින්දනය කියපු ගමන් සමහර කාන්තාවො මේක කියවන එකකුත් නෑ. ඒ තරම් කුණුහරපයක් වෙලා තියෙන්නෙ ස්වයංවින්දනය කියන වචනය. ලංකාවට ලංකාවෙ බහුතරයකට කුණුහරප වෙච්ච වචන සෙට් එකක් තියෙනවා. 👇

"Sex (ලිංගිකත්වය), "Musturbation (ස්වයංවින්දය), Transgender (සංක්‍රාන්ති ලිංගිකයන්),Bysexual (ද්විලිංගික), homosexual (සමලිංගිකයන්), Pregnancy( ගැබ් ගැනීම)., මේ වචන සෙට් එක තනිකරම ලංකාවෙ කුණුහරපයක් වෙච්ච කොට, මම කාන්තාවක් වෙච්චකොට මට මේව ලියනකොට විශාල වශයෙන් කරදර වලට මුහුණපාන්න වෙලා තියෙනවා. මුහුණු පොතේ මගේ පිටුවෙ මම කාලයක් තොරතුරු හොයල හොයල පොත් පත් කියවල, උගත් මිනිස්සු හම්බවුණාම ඒ ගැන කතා කරලා ලිඛිත භාෂාව පැත්තකට කරල මිනිස්සු අතරට යන්න පුළුවන් සරල භාෂාවෙන් ලියන්න පටන් ගත්තා. මට ආසයි මම හොයාගන්න තොරතුරු මිනිසුන් අතරෙ බෙදාහරින්න. නොදන්න අයට ඉගෙන ගන්න.ඒත් අපේ ඇතැම් කාන්තාවො, උගත් යැයි සම්මත තලයේ අය, ගේ ගෙම්බන් මෙන් ලෝකය සමඟ ගනුදෙනු නොකරන මේ ලෝකෙ වෙන කිසිම දෙයක් නොදන්න අප්ඩේට් නැති නූගත් මෝඩ ගැහැණු, හනමිටි අදහස් වලින් මුළු ජීවිතයම රඳවගෙන ජීවත් වෙන ගැහැණු මට දෝෂාරෝපණය කරන්න පටන් ගත්තා. ඔයා නම් මේ සමාජෙට නරක දේවල් ලියලා පෝස්ට් කරනවා. ඔයාට ලැජ්ජාවක් නැද්ද..??? ඔයා කාන්තාවක් නේද..? මොනවද මේ ලියන්නෙ කියලා..🙄

මගෙ විනෝදාංශය ලියන එක.හැමෝම කතා නොකරන, ලැජ්ජාව බිය නිසා මුළුගැන්වුණු ගැහැණුන්නට ආමන්ත්‍රණය කරන්න මට අවශ්‍ය වුණා. ලැජ්ජාව කියන්නෙ අවශ්‍ය අවස්ථා වලට පමණක් තිබිය යුතු දෙයක් කියන්න මට අවශ්‍ය වුණා. ඉතින් මම සීමා මායිම් බිඳගෙන ලියන්න පටන් ගත්තා.

ස්වයංවින්දය කියන්නෙ බහුතරයක් කතා නොකරන කියපු ගමන් ලැජ්ජා වෙන හරි අපූරු ක්‍රියාවක්. කාන්තාවන්ට ස්වයංවින්දය කරන්න පුළුවන්ද....?? ඔව් පුළුවන්...🤝...
එතකොට මම හිතාගෙන හිටියෙ මෙච්චරකල් ඒක පිරිමි විතරක් කරන දෙයක්නෙ කියලා ඔබට හිතෙයි.නෑ ස්වයංවින්දනය කියන්නෙ ගැහැනු පිරිමි පාර්ශවයන් දෙකටම කරන්න පුළුවන් දෙයක්. ලංකාවෙ ගැහැණුන්නට මේක අලුත් දෙයක් වුණාට, ගොඩක් බටහිර රටවල කාන්තාවන් මේ ක්‍රියාවේ යෙදෙනවා. ඒකට හොඳම නිදසුන තමයි ලෝක සෞඛ්‍යය සංවිධානය(WHO) කළ සමීක්ෂණයකට අනුව ලෝකය පුරා කාන්තාවන්ගෙන් 65% ක් ස්වයංවින්දයෙ යෙදෙන බවට දත්ත ඉදිරිපත් කරල තියෙනවා. ලංකාව වගේ රටකට මේක අමුතු දෙයක් උනාට ලෝකයට මෙය අමුතු දෙයක් නෙවෙයි කියලා කාරුණිකව මතක් කරන්න කැමතියි. ස්ව්‍යංවින්දනය තුළින් ලැබෙන වාසි සහ අවාසි ගොඩක් තියෙනවා. අපි කතා කරමු..🤟

ස්වයංවින්දනය කියන කාරණාව ලංකාව වගේරටක කාන්තාවන් කරනවාද... අපෝ ඔව් ඕනි තරම් අය ඉන්නවා.හැබැයි කවදාවත් ඒ අය සමාජය ඉස්සරහ ඒ ගැන කියන්නෙ නැහැ.කියන්න අවශ්‍ය වෙන්නෙත් නෑ. ඒක පෞද්ගලික දෙයක් නිසා. ඔබට හොඳම උදාහරණය තමයි ඔබ නොයෙකුත් කතා අහල ඇති අහවල් ගැහැණු කෙනා වීදුරු බටයක් රහස් ස්ථානයට ඇතුළු කරගෙන රෝහල් ගත කරල මිය ගිහින්. අහවල් පාසලේ අහවල් ගැහැණු ළමයා රහස් ස්ථානයට විද්‍යාගාරයේ තිබූ නලයක් ඇතුළු කරගෙන නලය රහස ප්‍රදේශය ඇතුළතදී බිඳී ගොස් රෝහල් ගත කරාට පස්සෙ මිය ගිහිං. මේ තමයි යම් අවස්ථාවක තම ලිංගික හැඟීම් පාලනය කරගන්න බැරි වුණු කාන්තාවන් තැනක් නොතැනක් නොබලා ස්වයංවින්දය වැරදි අවබෝධයෙන් භාවිතා කළ අවස්ථා. ස්වයංවින්දය කියන්නෙ පාලනය කරගත නොහැකි ලිංගික අවශ්‍යතාවට පිළියමක් නමුත් ඒ අවශ්‍යතාවය පාසල තුළදී, පන්ති කාමරය තුළදී පෞද්ගලික අමතර පන්තිය තුළදී , කාර්‍යාලයේදී, බසයේදී ඔබට පාලනය කරගත නොහැකි නම් එය යහපත් දෙයක් නොවන බව මගේ හැඟීමයි. ස්වයංවින්දනයේ යෙදීම ඔබේ මනස ශරීරය ආතතියෙන් මුදන හොඳ උත්තේජකයක් උවත් ඇබ්බැහි වීම විවාහ ජීවිතය දෙදරා යාමට වුවත් බලපාන බවත් සිහි තබා ගත යුතුයි.ස්වයංවින්දයේ යෙදීම නොව ඇබ්බැහි වීම වරදක් බවත් අධ්‍යාපනය ලබන දුවා දරුවන් මෙයට ඇබ්බැහි වීම අධ්‍යාපන කටයුතු අඩාල වීමට වැඩි වශයෙන් බලපාන අතර ලිංගික ගොඳුරු බවට පත්වීමේ ඉඩකඩ වැඩිය.

ස්වයංවින්දනය කාලින මාතෘකාවක් ඇත්තටම මේක ගැන හරියටම නිර්වචනයක් නැද්ද...? මොකක්ද මේ ස්වයංවින්දනය කියන්නෙ.. අන්තර්ජාලයේ හොයල බලනකොට මෙන්න මෙහෙම දෙයක් සඳහන් වෙනවා,

" Masturbation is the sexual stimulation of one's own genitals for sexual arousal or other sexual pleasure, usually to the point of orgasm.The stimulation may involve hands, fingers, everyday objects, sex toys such as vibrators, or combinations of these.Manual stimulation of a partner, such as fingering, a handjob or mutual masturbation, is a common sexual act and can be a substitute for penetration. "

කෙටියෙන්ම සිංහලෙන් කියනවනම් ස්වයංවින්දනය කියන්නෙ " ලිංගික උද්දීපනයක් නැතිනම් තමන් විසින්ම තමන්ව ලිංගිකව තෘප්තිමත් කරගැනීම සඳහා තමන්ගෙ ලිංගික අවයව තමන් විසින්ම උත්තේජනය කර ගැනීම ස්වයංවින්දනය " කියල කිවොත් නිවැරැදි යැයි සිතනවා. ස්වයංවින්දනය කියන මාතෘකාව විවිධ පැතිකඩ ඔස්සේ කතා කළහැකි මාතෘකාවක් වගේම කාන්තාවන් ස්වයංවින්දනය කිරීම විද්‍යාත්මකව, මානසික, කායිකව, සමාජීය වශයෙන් කොහොමද බලපාන්නෙ කියන කාරණා සියල්ලම ඔස්සේ අපිට කරුණු අධ්‍යනය කරල බලන්න සිදු වෙනවා.එතනදි වැඩියෙන්ම බලපාන කරුණ සහ ගොඩ දෙනෙක් දැනගන්න කැමති කාරණය තමයි ස්වයංවින්දනය කියන ක්‍රියාව කාන්තාවට කළ හැකිද.. එය ඇයට විද්‍යාත්මකව බලපාන්නේ කෙසේද යන කාරණාව

ලිංගිකත්වය කියන මාතෘකාව ලංකාවට තනිකරම මැජික් එකක් නිසා. ඒ අතරිනුත් "ස්වයංවින්දනය" කියන මතෘකාව ලංකාවෙ සමහර කාන්තාවන් දන්නෙත් නැති තරම්. හේතුව තමයි මම විශ්වාස කරන්නෙ ලංකාවෙ ලිංගිකත්වය සම්බන්ධයෙන් නිසි අධ්‍යාපන ක්‍රමයක් නැති කම. මට මතකයි අපි පුංචිකාලෙ සෞඛ්‍යය පාඩමට තිබ්බ "ප්‍රජනනය" කියල පාඩමක්. අපි හරි කුතුහලයෙන් බලන් හිටියා මේ පාඩම් ඉගෙනගන්න.ඒත් අපේ ගුරුතුමිය ඒ පාඩම කියවගන්න කියල විතරයි කිව්වෙ. පැහැදිළි කිරීමක් කරේ නැහැ. අපි ඉතින් කවදාවත් සාමාන්‍ය පෙළ/උසස් පෙළ වෙනකම් ආයෙ ප්‍රජනනය ගැන හරියටම දැනුවත් වීමක් වෙන්නෙ නැහැ. ඒක දරුවන්ගෙ වරද නෙවෙයි පවතින අධ්‍යාපන ක්‍රමයෙ වරද...😢ඒකට හොදම නිදසුන තමයි ලංකාවෙ තවමත් අවුරුදු 25 ,26, පමණක් නෙවෙයි විවාහක කාන්තාවන් පවා පුවත් පත් වලට ලියන ලිංගික ගැටළු කියවල බලද්දි පුදුම කළකිරීමක් ලංකාවෙ අධ්‍යාපන ක්‍රමය ගැන ඇතිවෙන්නෙ.විවාහ වෙන්න කලින්වත් අඩුගානෙ සායනයකිවත් ඔවුන්ට ලිංගිකත්වය පිළිබද හරි සාරවත් සම්මන්ත්‍රණ තියෙනවද නැද්ද කියලා මම දන්නෙ නැහැ.තිබ්බත් ඒවා සමාන්‍ය මනුස්සයට අවබෝධ වන ආකාරයට සිදු වෙනවාද නැද්ද කියන කාරණය ඇත්තටම කණගාටුදාකයි. අඩුගානෙ ලාංකාවෙ ජනමාධ්‍ය ආයතනයක ජනතාව අතර ප්‍රසිද්ධ නාලිකාවල සමාන්‍ය මිනිස්සු අතරට යන මිනිස්සුන්ට අවබෝධයෙන් තේරුම් ගන්න පුළුවන් ලස්සන ලිංගිකත්වය පිළිබඳ අධ්‍යාපන වැඩසටහන් විකාශනය වෙනවද කියලවත් නිකමට වගේ හිතල බලන්න.හරසුන් ක්ෂණික නූඩ්ල්ස් වගේ වැඩසටහන් තමයි මිනිස්සු රූපවාහිනිය ඉදිරියෙ රැඳෙන වෙලාවට ඒවගෙ විකාශනය වෙන්නෙ. මොනාහරි වැදගත් දෙයක් ගියත් යන්නෙ රෑ 12ට, පාන්දරට... ඉතින් මිනිස්සු අතරට කොහොමද ඒවා යන්නෙ ඉතාමත් සෝචනීය තත්ත්වයක් ඒක..

කවුරුත් කතා කරන්න අකමැති,ලැජ්ජාව නිසා මුළු ගැන්වී ස්වයංවින්දනය පිළිබඳ හරිහැටි අවබෝධයක් ඇතිව හෝ නැතිව මේ ක්‍රියාවේ යෙදෙන කාන්තාවන් බොහෝ පිරිසක් අපි අතරම අප සමාජයෙ ජීවත් වෙනවා. ඉතින් එවන් අයට අත්වැලක් වී ආමන්ත්‍රණය කර මම සොයාගන්න ඉගෙනගන්නා කරුණ තුළින් අවබෝධයක් ලබා දීම තමයි මගේ අරමුණ.ලියන්නෙක් ලියනවානම් ගල් මෙන්ම මල් ද බලාපොරොත්තු විය යුතුයි.ඉඳින් මට මල් වලට වඩා ගල්මුල් ප්‍රහාර පුරුදු බැවින් මා අවබෝධයෙන් ලියන්නට හුරු පුරුදු වී ඇති නිසා ඉතාමත් ගෞරවයෙන් අවබෝධ කරගන්නා ලෙස ඉල්ලා සිටින්න කැමතියි.කොහොම නමුත් මේ සම්බන්ධයෙන් වැරදි මත , වැරදි අවබෝධයන් නිසා බොහෝ කාන්තාවන් පීඩා විඳිනවා . ඉතින් ඒ වැරදි අවබෝධය නිවැරැදිව අවබෝධයක් ලබාගත් අයෙක් පමණයි මේ සම්බන්ධයෙන් මෙහි ඇති වාසි, අවාසි හඳුනාගන්නේ.....

ස්වයංවින්දනය ඇත්තටම ස්වභාවික සංසිද්ධියක්. මනුස්සයෙක් වශයෙන් ඉපදුණු නිරෝගී මනුස්සයෙකුට කුමන හෝ ආකාරයේ ලිංගික හැඟීමක් පහළ වීම සාමාන්‍ය දෙයක්. සමහර ලංකාවෙ මිනිස්සු හිතන්නෙ ඒක හරි අසාමාන්‍ය දෙයක් කියලයි. මොකද විවාහ වුණාම විතරයි ලිංගික හැඟීම් උද්දීපනය වෙන්න ඕනි කියල හිතන පිරිසකුත් සමාජයෙ ඉන්නවා. ලැජ්ජාවෙන් උනත් එහෙව් නූගත් අවබෝධයක් නැති මිනිස්සු පවා ඉන්නවා කියලා අවධාරණයෙන් කිව යුතුමයි. මුල් බැසගත්ත සමහර හනමිටි අදහස් තුළින් මිනිස්සු තාම ජීවත් වෙන්නෙ වනන්තරේ. නමුත් සංස්කෘතික වශයෙන් ලංකාවෙ සංස්කෘතිය තුළ රැකෙන්න ඕනි ලස්සන තැන් තියෙන බවත් ලංකාවෙ අපේ දේ අගය නොකරන ප්‍රජාවට උවත් ගෞරවයෙන් මතක් කරන්න ඕනි. පළවෙනියටම ස්වයංවින්දනය කියන තැන ඉදන් අපි කතාකරද්දි මේක ආන්දෝලනාත්මක තැනකට එන්නෙ ඊට ඉස්සරහින් කාන්තාව කියන වචනයත් සම්බන්ධ වන විටයි. ඔව් පළමු ප්‍රශ්නය එයයි. 👇කුමරි බඹසර ❤

කාන්තා ස්වයංවින්දනය සම්බන්ධයෙන් කතා කරද්දි විවාහක/අවිවාහක බව බලපාන්නෙ කොහොමද....?
--------------------------------------------------------------
විවාහක අවිවාහක බව බලපාන්නෙ තවමත් ලංකාවෙ කුමරි බඹසර රැකෙන්න ඕනි කියන දේ ලංකාවෙ සංස්කෘතිමය වශයෙන් හරි මොනවා හරි කාරණයක් නිසා ඒක තදින්ම මිනිස්සුන්ගෙ හිත් වලට කා වැදිල සුදු රෙද්ද උඩ තවමත් ලංකාවෙ කෙල්ලොන්ගෙ රතු පැල්ලමක් දකින්න ඕනි කියන මතය තියෙන නිසාත් එතන්දි පොඩ්ඩක් කල්පනාකාරී වෙන්න ඕනි.මොකද ස්වයංවින්දනයේ යෙදීමේදී පිරිසිදු භාවය, කන්‍යාභාවය කියන කාරණය රැකගන්න පුළුවන් වෙයි කියල විශ්වාස කරන්න අමාරුයි.බටහිර රටවල නම් කන්‍යාභාවය කියන කාරණය එතරම් වැදගත් කාරණයක් කියල මිනිස්සු පිළිගන්නෙ නැහැ. හේතුව තමයි ඔවුන් ලිවින් ටුගෙදර් සංකල්පය සමඟ තමයි තමන්ට ගැලැපෙනම කෙනා කවුද කියන කාරණේ තේරුම් අරගෙන ඇය/ඔහු හා විවාහය කියන අන්තිම තැනට යන්නෙ.ජීවත් වීමට අවබෝධය/අදහස් ගැලපීම/කායික මානසික වශයෙන් නීරෝගී බව වැනි කරුණු වැදගත් කියන දේ ඔවුන් තදින්ම විශ්වාස කරන නිසා. අනික කන්‍යාපටලය තුළින් ශරීරයට යම් කර්තව්‍යයක් ඉටු නොවන නිසා ඔවුන් එය ගණනකටවත් ගන්නෙ නෑ. ඇත්ත කතාව ඒක තමයි කාන්තාවට ගර්භාෂය නැතිනම් දරුවන් බිහි කරන්න බෑ.ඉතින් ගර්භාෂයක් නැති කෙනෙක් සමඟ විවාහ වෙන්න බහුතරයක් පිරිමි කැමති නැහැ.ඒක සාධරණයි.නමුත් කන්‍යාභාවය කියන්නෙ තනිකරම කිසි තේරුමක් නැති දෙයක්.මේක මගේ පෞද්ගලික අදහස පමණයි. මොකද හැමෝගෙම අදහස් එක වගේ නොවන නිසා. ඒ නිසා කන්‍යාභාවය තිබුණු නියාවෙන්ම ඉතින් කාන්තාවක් වෙන පිරිමියෙක් සමඟ යහන්ගතවෙලා නෑ කියල කොහොමටත් විශ්වාස කරන්න බැහැ.ලිංගික වශයෙන් තමන් ප්‍රේම කරන කෙනා සමඟ සහකරු සමඟ යහන්ගතවී ලිංගිකත්වය පිළිබඳ අවබෝධයක් / වින්දනයක් ලබා ගන්නා කාන්තාවන් ඕනි තරම් මේ වෙනකොට සමාජයෙ ඉන්න නිසා නව පරම්පරාවනම් විවාහයට පෙර ගොඩක් වෙලාවට ඒ අත්දැකීම ලබාගන්නවා. ඒක මේ වෙනකොට සමාජයේ බහුලව දකින්න තියෙන දෙයක්.බහුතරයක් මේ වෙනකොට උගත් පිරිමි ළමයි පවා මේ ගැන හරි අවබෝධයෙන් කටයුතු කරන අවස්ථා ඕනි තරම් දකින්න තියෙනවා. කන්‍යාභාවය නැති ගැහැණු ළමයි සමඟ සතුටින් ආදරේ කරල කන්‍යාභාවය නෙවෙයි ජිවත් වෙන්න අවශ්‍ය කියන කාරණේ තේරුම් ගත්තු උගත් තරුණ පිරිස් ලංකාවෙත් මේ වෙනකොට ඉන්නවා. මමනම් විශ්වාස කරන්නෙ ඒ අවබෝධය ගොඩක් වෙලාවට තියෙන එක හොඳ පියවරක් කියලයි. මේ කරුණ නිසා ජීවිතේ අවධානමේ දමාගත් තරුණ පිරිස් ද නැතුවාම නෙවෙයි. ඒ නිසා විවාහයට පෙර ලිංගිකත්වය තුළ රසතැන් සොයායන්න. නමුත් මගේ පෞද්ගලික ඉල්ලීම තමයි නිවැරැදිම කෙනා සහ නිවැරැදිම වයස ඔබ තෝරාගන්න.අවබෝධ කරගන්න.එතකොට ඔබට පුළුවන් නිවැරැදිම දේ අවබෝධයෙන් කරන්න. මොකද මේක ලංකාව නිසා. ඔබ තවමත් කිසිම පිරිමියෙකු සමඟ ලිංගික ක්‍රියාවේ නොයෙදුනු අවිවාහක කාන්තාවක් නම් ස්වයංවින්දයේ යෙදීමට පෙර දෙවරක් සිතන්න.😊 ... කන්‍යාභාවය රැකගෙන ඔබට ඔබේ ලිංගික අවයව තෘප්තිමත් කරගෙන යම්තාක් දුරට ඔබට ස්ව්‍යංවින්දනය තුළ යෙදීමට හැකිනම් ඔබට විවාහ වනතුරු ලිංගික හැඟීම් සමබර කරගනිමින් අවේගයන් පාලනය කරගනිමින් මානසික වශයෙන් එම පීඩනයෙන් මිදීමට එය හොඳම ක්‍රමයක් යන්න මගේ අදහසයි.

විවාහක අයට තියෙන ප්‍රශ්නය තමයි ගොඩක් වෙලාවට විවාහයෙන් පස්සෙ දරුවන් ලැබුණට පස්සෙ ස්වාමියා සමඟ යහන්ගත වීමට වෙලාව වෙන් කරවා ගැනීමට නොහැකිවීම. ඒක බරපතල කාරණයක්. ආධ්‍යාත්මික බැඳීම්කට එහා ගිය ලිංගිකත්වය කියන බැඳීම තුළ තමයි විවාහය සමබරවෙන්න ප්‍රධාන කරුණ විදියට මෙය බලපාන්නෙ. තම ස්වාමියා නිවසේ සිටීනම් තම ලිංගික අවශ්‍යතාවය ඔහු හා සකච්ඡා කර දෙදෙනා ලිංගික ක්‍රියාවේ යෙදී අවබෝධයෙන් පවුල් ජීවිතය ඉදිරියට අරගෙන යාම තමයි වැදගත් වෙන්නෙ. එහෙම නැති අවස්ථා වශයෙන් ආරක්ෂක අංශයේ රැකියා කරන, මසකට වරක් රැකියාව කර නිවසට පැමිණෙන සහකරුවන් සිටින කාන්තාවන් ඒ වගේම පිටරටක රැකියාව කරන ස්වාමියෙන් සිටින කාන්තාවන් තමයි වැඩි වශයෙන් මේ ගැටළුවට මුණුණ දෙන්නෙ. එහි ප්‍රතිඵලයක් විදියට තමයි කාන්තාව අනියම් සම්බන්ධතාවන්ට මුල පුරන්නෙ. ඒ තුළින් තමයි පවුල් ජීවිතය දෙදරා ගොස් පවුල විසිරිලා ගිහින් දරුවො අන්තිමට දුක් විදල විසිරුණු පවුල් තුළින් රටට බරක් වෙන දරුවො බිහිවෙන්නෙ.මේක බරපතල කාරණාවක්. කාන්තාව හරියට විදුලි ඉස්තිරික්කයක් වගෙයි එන්න එන්න විදුලි ඉස්තිරික්කයේ උණුසුම වැඩිවෙනවා සේම ඇයගේ හැඟීම් උද්දීපනය වීම තුළ නිමාවක් නැහැ. පුංචි ටච් එකකින් උනත් යම් අවස්ථා වල ඔවුන්ව උද්දීපනය කරන්න පුළුවන්.ඒ විදියට තමයි ඔවුන්ගෙ ශරීරය නිර්මාණය වෙලා තියෙන්නෙ ස්වභාවිකවම.

මේ හේතු කාරණා පිළිබඳ අවබෝධයෙන් කටයුතු කළොත් මම හිතන්නෙ විවාහක කාන්තාවකට යම් සුළු වේලාවක තෘප්තියක් වෙනුවෙන් වෙනත් අසම්මත සබඳතාවයකට මුල පුරන්න අවශ්‍යතාවයක් ඇති වෙන්නෙ නැහැ කියන තැන තමයි මම ඉන්නෙ. ඒ තුළින් වෙනත් කාන්තාවකගේ පෙම්වතෙක්, ස්වාමියෙක් සමඟ අනියම් ඇසුරකට යාම නවතා දමා තවත් කුරුලු කූඩුවක් ආරක්ෂා වේ යැයි මගේ හැඟීමයි. මන කතා කරන්නෙ කාන්තා පාර්ශවයන් සම්බන්ධයෙන් පමණයි. මේ සියළු කාරණා වලට සෘජුව සහ වක්‍රව බලපාන වෙනත් කරුණුත් ඇති බව තරයේ සිහි තබා ගත යුතුයි. අපි මොන තරම් දේවල් කොහොම කතා කරත් කාන්තාව කියන්නෙ තත්පරයෙන් තත්පරය වෙනස් වන තැනැත්තියක් නිසා ඔවුන්ගේ සිතිවිලි සහ හැඟීම් විවිධාකාරයි. විවාහක කාන්තාවට නම් ස්වයංවින්දය තුළ යෙදීමේදී කිසිදු ගැටළුවක් මතු වන්නේ නැහැ. මොකද ඇයට ඇයගේ රසතැන් ස්පර්ශයකින් තෘප්තිමත් කර ගැනීම තුළින් තෘප්තිමත් විය නොහැකිනම් ඇයට ඊළඟ පියවර වෙත යා හැකියි. ඇඟිලි තුඩු වලින් ඔබ්බට ගිය ඒ සඳහා විද්‍යානුකූලව නිෂ්පාදනය කරන ලද ලිංගික උත්තේජනය ඇති කරගැනීමට නිර්මාණය කරන ලද විවිධ උපකරණ වෙළද පොළ තුළ දැකිය හැකියි. විවිධ කම්පන තරංග සහිත උපකරණ. " සෙක්ස් ටෝයිස්" කියල සාමාන්‍ය ව්‍යවහාරයේදී අපිට අසන්නට ලැබෙන්නෙ ඒවා තමයි. ලංකාවෙ නම් සාමාන්‍ය වෙළදපොළ තුළ මම ඒවා දැකල නැහැ. අහලත් නැහැ. නමුත් ගොඩක් වෙලාවට "ඔන්ලයින් ඕඩර්" ක්‍රමය මගින් අන්තර්ජාලය තුළ පවතින විවිධ ව්‍යාපාරික ආයතන මගින් ඇනවුම් කර ගෙදරටම ගෙන්වා ගන්නත් පුළුවන්.(මම දන්න තරමට ලංකාවේ නීතියෙන් තහනම් ❎) මොකද මේ වෙනකොට තාක්ෂණය ගොඩක් දියුණු නිසා. මම මේ කාරණය සඳහන් කරන්න හේතුව තමයි බොහෝ කාන්තාවන් ඇඟිලි තුඩු වල පහස තුළින් ස්වයංවින්දනය කරගැනීම තුළ උච්චතම අවස්ථාවකට ආවම අමතකයි ලිංගේන්ද්‍රිය කියන්නෙ ගොඩක් සියුම් තැනක් කියන කාරණය. ඒ වෙලාවට කිසිදු මොහොතක එළවළු වර්ග(බටු, කැරට්), අහල පහල තියෙන වීදුරු බෝතල්, වැනි ද්‍රව්‍ය කිසිදු මොහොතක යෝනි මාර්ගයට ඇතුල් කරල තෘප්තියක් ලබන්න උත්සාහ කරන්න එපා. හේතුව විවාහක අයනම් තම ස්වාමියාගේ ලිංගික අවයවට වඩා ප්‍රමාණයෙන් විශාල දෙයක් යෝනියට ඇතුල් කර වින්දනය ලැබීමට පෙළඹීම මඟින් ස්වාමියා/සහකරු සමඟ යහන්ගතවීමේදී ඔබට තම ස්වාමියාගෙ ලිංගික අවයවයේ ප්‍රමාණය මදි යැයි හැඟෙන්න පුළුවන් නිසා ඔබ එමඟින් ගැටළු රාශියකට මුහුණ දේවි.එය ඉතාමත් බැරෑරුම් තත්ත්වයක් නිසා තමයි මුලින්ම කිව්වෙ ගොඩක් අවබෝධයෙන් මේ ක්‍රියාවේ නිරත විය යුතුයි කියන කාරණය.මොකද ඔබ මේ ක්‍රියාවේ නිරත වීමට පෙර ඔබ ඉතාමත් පරිස්සමින් ඔබේ ලිංගික අවයව තෘප්තිමත් කරගන්න උත්සාහ කරන්න. ඔබේ ලිංගේන්ද්‍රිය අවට තුවාල වීම,ඔබේ දෑත්වල අපිරිසිදු බව නිසා ලිංගේන්ද්‍රියට විසබීජ ඇතුල්වීමට පවා ඉඩ ඇති බව අමුතුවෙන් කිව යුතු නැතැයි මගේ අදහසයි.

මේ පිළිබඳ තවත් කාන්තාවන් අතර තියෙන වැරදි මත තමයි, දරුවන් ලැබීම හා ස්වයංවින්දනය අතර සම්බන්ධයක් තියෙනවද කියන කාරණය. මම නම් සොයාබැලූ කාරණා සමඟ බලනකොට එහෙම තත්ත්වයක් ඇති වන්නේ නැහැ. එය තමන්ගේ ලිංගික අවයව තෘප්තිමත් කර ගැනීමක් පමණයි. ඒ තුළින් ගර්භාෂට හානියක් සිදුනොවන බව තමයි මගේ අදහස.

අනෙක් කරුණ තමයි ස්වයංවින්දනය යෙදීම තුළින් අන්ධභාවයට පත් වීම කියන කාරණයත් ඇතැම් අය විශ්වාස කරනවා.ගොඩක් දෙනෙක් මගෙන් ඇහුවා පවා. ඇත්තටම මම සොයාගත් කරුණුත් සමඟ බලද්දිනම් ඒක තනිකරම මුසාවක් විද්‍යාත්මකව ඒ තුළ කිසිඳු සත්‍යතාවයක් නැහැ.

කිසිම මානසික වේදනාවක් ඇති නොවේ.ඒ වගේම සෞඛ්‍යයට අහිතකර නොවේ. හේතුව තමයි ඇතැම් අය විශ්වාස කරනවා ස්වයංවින්දනය තුළ යෙදීම මඟින් ශරීරය කෙට්ටු තත්ත්වයට පත්වන බව. ඒ තුළ නම් ඇත්තටම විද්‍යාත්මකව කිසිම සත්‍යතාවයක් නැහැ. නමුත් ඇබ්බැහිවීම තුළ, මානසික වශයෙන් ඒ පිළිබඳ කල්පනා කිරීම, හරිහැටි ආහාර අනුභවය නොමැතිව මානසික වශයෙන් ඒකට ඇලී ගැලී ඒ තුළම නිරතවීම තුළින් කෘෂ භාවයට පත් වීමේ අවධානමත් තිබේ.එය හොඳ තත්ත්වයක් නොවන අතර ඒ තුලින් විශාල ගැටළු රාශියකට මුහුණ දීමට ඔබට සිදුවේවි.

නොසන්සුන් භාවය නොවිසිලිමත් භාවය පහවී යයි.එහෙම කියන්න කාරණය තමයි මුලින් කිව්වා වගේ කාන්තාව කියන්නෙ සීමා රහිතව ලිංගික හැඟීම් උද්දීපනය වන කෙනෙක්. ඉතින් එහෙම අවස්ථාවක එවැනි අවශ්‍යතාවයක් තැනක් නොතැනක් නොබලා ඇති නොවී ඉවසීමට හැකි තත්ත්වයට ඇය පත්වේවි. අසීමිත ලිංගික අශාවන් පහව යාවි. එවිට මානසික වශයෙන් ඇයට සහනයක් ලැබේවි. ලිංගික ක්‍රියාවේ නිතරම නිරත වීමට අවශ්‍ය යැයි කියන කයට සහ මනස සැහැල්ලුවක් ලැබේවි.

මෙය ගැටලුවක් වන්නේ තමන්ගේ වැඩකටයුතු අහිමි කරගෙන මෙයට ඇබ්බැහි වුවොත් පමණි.මෙය රෝගයක් වෙන්නේ එවිටය.එහිදී මෙය නතර කරගැනීමට අපහසු වන තරම් ඇබ්බැහි වුවොත් මේ සඳහා උපකාර ඔබට අවශ්‍ය වේ.
-------------------------------------------------------
😏ඊළඟ ගැටලුව තමයි මේක ලිව්ව එකී ස්වයංවින්දනයේ යෙදෙනෙවද...??
නැහැ. කිසිසේත්ම නැහැ. මානසික ශාරීරික වශයෙන් මම යහපත් මට්ටමකට ඉන්නෙ. සමාජයේ මිනිස්සු අතර තියෙන ප්‍රශ්න තමයි මම ගලපල මේ විදියට ලියන්න..

😏අනෙක් කාරණය මේකි කොල්ලෙක් ද..? කෙල්ලෙක් ද..?
නෑ මම කොල්ලෙක් නෙවෙයි. ගැහැණු ළමයෙක්...

😏අනෙක් කාරණය මේක මම පැහැදිලි කරා විතරයි . කිසිවෙක් මේ කාර්‍යයට රෝගයක් වන මට්ටම ඇබ්බැහි වෙලානම් කරුණාකර වෛද්‍යවරයෙකු මුණ ගැසෙන්න.. 🤝

😏මේක ලියපු එකී සමලිංගිකද කොහෙද...😂...එහෙමත් හිතයි සමහරු.. අනේ නෑ මට විරුද්ධ ලිංගිකයන් සම්බන්ධයෙන් පමණයි හැඟීම් ඇති වෙන්නෙ..

ප්‍රශ්න ඉවරද...??
එහෙනම් එල 🤜🤛

ලයික් කමෙන්ට්ස් කරන්න අවශ්‍ය නැහැ. කියවපන් හොරෙන් හරි..

පෝස්ට් එක ඉස්සුවට කමක් නැහැ. හැබැයි පෝස්ට් එක විකෘති කරන්න එපා. ✋ කෑලි බෑලි මැදින් උඩින් යටි ඇඩ් නොකර එහෙම්ම උස්සහන්.ඒක අවුලක් නැහැ. 🤜🤛😊

😏අවසානෙට මට කියන්න තියෙන්නෙ මෙච්චරයි,
තමන්ගෙ මිනිහ දුරක රැකියාවක් කරනවනම්, පිටරටක ඉදල අවුරුදු ගාණකින් එනවනම්, උඹ ඔෆිස් යන බස් එකේ නාදුනන මිනිහෙක් එක්ක අසම්මතේ පැටලෙනවට වඩා, උදේ කෝච්චියෙ කාගෙ හරි අහිංසක ගෑණියෙක්ගෙ මිනිහෙක් අල්ලගෙන ජවුසන් නටනවට වඩා, නයිට් ඩියුටි කිය කිය වෙන ගෑණියෙක්ගෙ මිනිහෙක් එක්ක ලැඟුම්හල් වලට යනවට වඩා, අහිංසක කුරුලු කූඩු කඩා විසුරවනවට වඩා #ස්වයංවින්දනයෙ යෙදෙන එක #රෙස්පෙක්ට් 🤜🤛
------------------------------------------------------------------

ස්තුතියි 🙏

✍️ප්‍රභාවී 💛


This is the one and only positive sex educational website in south asia and written in Sinhala [සිංහල], Tamil [தமிழ்] and Urdu [ हिन्दी] languages.

ලිංගික හා ප්‍රජනන සෞඛ්‍ය අධ්‍යාපනය ලැබීම දරුවාගේ මානව හිමිකමකි.


ලිංගිකත්වය හා ප්‍රජනන සෞඛ්‍යය සම්බන්ධව පාසල් විෂය නිර්දේශයට හඳුන්වා දීමට නියමිතව තිබූ "හතේ අපේ පොත" සම්බන්ධව බරපතල විවේචනයක් මහාචාර්ය ධූරයක් දරන සහ ප්‍රසිද්ධියේ දේශපාලනයට සම්බන්ධ හිමිනමක විසින් කර තිබුණි. පසුගිය කාලවලදී දක්නට ලැබුණේ මනුෂ්‍ය ලිංගිකවත්වය සම්බන්ධයෙන් දේශපාලනඥාගේ අවිධිමත් මැදිහත් වීම වුව ද, දැන් දැන් ලිංගිකත්වය පාරාජිකාවක් වූ භික්ෂූන් වහන්සේලා පවා ඒ ගැන කතා කිරීමට පටන් ගෙන තිබේ.

පසුගිය කාල සීමාව තුළදී පරිපූර්ණ ලිංගික අධ්‍යාපනය මගින් සම්පූර්ණ විය යුතු මානව හිමිකම්, ස්ත්‍රී පුරුෂ සමාජභාවය, ලිංගික ආස්වාදය හා ජීවන කුසලතා යනාදිය ඉගෙනගැනීම ශ්‍රී ලංකාවේ දරුවන්ට අහිමිකර තිබුණි. පාසල් දරුවන්ට ලබාදෙන ලිංගික අධ්‍යාපනය සම්පූර්ණයෙන්ම තීරණය කරන්නේ සෞඛ්‍ය ක්ෂේත්‍රයේ නිරත අයවළුන් නිසා ඔවුන් උත්සාහ කරන්නේ සෞඛ්‍ය නිර්ණායකවලට අනුකූලව තමන්ගේ ඉලක්ක සපුරා ගැනීම පමණි. දරුවන්ගේ කුසලතාවන් හෝ, එකිනෙකාට ගරුකිරීම හෝ පිළිබඳ තැකීමක් ඔවුන්ට නැත. එක්සත් ජාතීන්ගේ සංවිධානයේ ආධාරය සහිතව එක්තරා වකවානුවක ‘උදාවූ යෞවනය’ නම් ලිංගික අධ්‍යාපනය සම්බන්ධ කෘතියක් පාසල් වලට බෙදා දී තිබුණි. මෙම පාඩම් ඉගැන්වීම ගුරුවරුවන් විසින් ප්‍රතික්ෂේප කළේ දරුවන් ඉදිරියට ගොස් ලිංගිකත්වය සම්බන්ධ සමහර මාතෘකා කතා කිරීමට තරම් ශක්තියක් ඔවුන්ට නැතැයි පවසමිනි. විශේෂයෙන් ලිංගික ක්‍රියාකාරකම්, ආරක්ෂිත ලිංගික සම්බන්ධතා, ශුක්‍රානු හා ඩිම්බ නිෂ්පාදනය වීම යනාදී සංවේදී මාතෘකා ඉගැන්වීමේදී පිරිමි දරුවන් විසින් නොමනා ලෙස හැසිරෙන බවත්, විවිධ ශබ්ද නගන බවත් පවසා බොහෝ ගුරුවරියෝ එම පාඩම් ඉගැන්වීම ප්‍රතික්ෂේප කළහ. එමෙන්ම දෙමව්පියන්ද , එවකට පැවති රජයට හා අධ්‍යාපන බලධාරීන්ට අම්මා මුත්තා මතක් කර බැණ වැදුනේ ඔවුන්ගේ දරුවන් පාසල් එවන්නේ කුණුහරුප ඉගෙනගැනීමට නොවන බව පවසමිනි. අවසානයේ සිදුවූයේ උදාවූ යෞවනය උදාවීමටත් ප්‍රථමයෙන් කුණු බක්කියට වැටීමය. පසුකාලීනව එය පාසලේ පුස්තකාලය තුළ උනු කැවුම් මෙන් කියවෙන හා අන් අයට හොරෙන් කියවන කාම කෘතියක් බවට පත්වූයේ සමස්ත තරුණ පරපුරම ලිංගිකත්වය ගැන අඹමල් රේණුවක දෙයක් නොදන්නා ලිංගික කුහකයින් බවට පත් කරවමිනි. පාසල තුළ පරිපූර්ණ ලිංගික අධ්‍යාපනයක් ලබා දිය නොහැක්කේ ඇයි? යන ප්‍රශ්නයට බොහෝ කාලයක් තිස්සේ අපි විසඳුම් සොයමින් සිටින්නෙමු. පසුගිය සතියක මැදවච්චිය ප්‍රදේශයෙන් පැමිණ සිටි ගුරු උපදේශිකාවක් මට හමුවිය. පරිපූර්ණ ලිංගික අධ්‍යාපනය සම්බන්ධ සැසියකදී ඇය පැවසූයේ වෙනත් ගුරු පරීක්ෂකවරුන් පාසල් නිරීක්ෂණය කිරීමට පැමිණෙන විට විදුහල්පති තුමා හා ගුරුවරුන් අකමැති නමුත් ඇය පාසල් නිරීක්ෂණයට පැමිණෙන තුරු සෞඛ්‍ය හා ශාරීරික අධ්‍යාපනය විෂයය උගන්වන ගුරුවරියන් බලා සිටින බවයි. එයට හේතුව එම ගුරුවරියන්ට ඉගැන්වීමට අපහසු ඇතැම් සංවේදී මාතෘකා ගුරු උපදේශකවරිය ලවා දරුවන්ට ඉගැන්වීමට හැකිවීම නිසාය. නමුත් ගුරු උපදේශක තුමිය පවා පැවසූයේ තවමත් ඇයට පවා උපත් පාලන කොපු භාවිතා කිරීම, අනවශ්‍ය ගැබ් ගැනීම්වලින් වැලකීමේ ක්‍රම වැනි මාතෘකා ප්‍රසිද්ධියේ දරුවන්ට ඉගැන්විය නොහැකි බවයි.
නව යෞවන වියේ පසුවෙන දරුවන්ට අත්‍යවශ්‍යම වන ලිංගික අධ්‍යාපනය ලබාදීමට ගුරුවරුන් මෙතරම් බිය වන්නේ ඇයි? බොහෝ විට මෙයට හේතුව ලිංගිකත්වය සම්බන්ධව ඔවුන් තුළද නිසි දැනුමක් නොමැතිවීම විය හැකිය. එසේත් නැතිනම් ලිංගිකත්වය යනු දොර වසාගෙන කළ යුතු හා වැටවල් මායිම් වල සිට කතා කළ යුතු මාතෘකාවක් වන නිසා විය යුුතුය.එසේත් නැතිනම් සංස්කෘතික වාරණ හා සමාජ සදාචාර කඩතුරාවලින් ඔවුන්ද වැසී ඇති නිසා විය යුතුය. යෞවනයින්ට ලිංගික අධ්‍යාපනය ලබාදීමේදී බොහෝ විට අසන්නට ලැබෙන ප්‍රශ්න කිහිපයක් හා ඒවාට ලබාදිය හැකි පිළිතුරු කිහිපයක් මෙම සටහන මගින් සාකච්ඡා කිරීමට තීරණය කළේ පසුගිය කාලය තුළ අප විසින් වෙහෙස මහන්සි වී ගනු ලැබූ උත්සාහයක් වතුරේ යැවීමට චීවරධාරීන්ට ඉඩ ලබා දිය යුතු නැති නිසාය.

ප්‍ර: නව යෞවන වියේ පසුවෙන ප්‍රජාවට ලිංගිකත්වය ඉගැන්වීම මගින් ඔවුන් ලිංගික ක්‍රියාවන්හි යෙදීමට පොළඹවනවාද? එය නොදැනුවත්ව සිදුවෙන ගැබ්ගැනීම් හා ලිංගිකව සම්ප්‍රේෂණය රෝගවලට අත වැනීමක්ද?

පි: නැත. තරුණ ප්‍රජාවට ඔවුන්ගේ ශරීරය, ලිංගිකත්වය හා සම්බන්ධතා ඉගැන්වීම මගින් පෙන්වා දෙන්නේ ඔවුන්ගේ සෞඛ්‍යය හා යහපැවැත්ම සම්බන්ධයෙන් ‘ආරක්ෂාකාරී’ විය යුතු බවයි. එමෙන්ම තරුණ ප්‍රජාවට පරිපූර්ණ ලිංගික අධ්‍යාපනය ලබාදුන් පසුව ඔවුන් ඉක්මන් ලිංගික අත්දැකීමක් වෙනුවෙන් ක්‍රියාත්මක වූ බවට සාක්ෂ්‍ය නැත. පර්යේෂණ මගින් පෙන්වා දෙන්නේ ගුණාත්මක ලිංගික අධ්‍යාපනයක් ලැබූ තරුණ ප්‍රජාව ඔවුන් ලිංගික ක්‍රියාකාරකම් සිදුකිරීමේදී උපත් පාලන කොපු පැළඳීමට හා උපත් පාලන ක්‍රම අනුගමනය කිරීමට පෙළඹෙන බවයි. තවද, ලිංගික අධ්‍යාපනය ලැබීම මගින් තරුණ ප්‍රජාවගේ ආත්ම අභිමානය ගොඩනැංවෙන අතර ස්වයං ධාරිතාවය වර්ධනය වී ආකල්ප, ස්ත්‍රී පුරුෂ සමාජභාවීය හා සමාජ ධර්මතා පිළිබඳ පවතින මිත්‍යාවන් වෙනස් කරගනී.
තරුණ ප්‍රජාවට ලිංගික හා ප්‍රජනන අධ්‍යාපනය ලබාදීම මගින් ඇතිවිය හැකි ධනාත්මක බලපෑම් පිළිබඳ පැහැදිලි උදාහරණ පවතී. විශේෂයෙන් එක්සත් ජාතීන්ගේ සංවිධානය, ලෝක සෞඛ්‍ය සංවිධානය යනාදියේ නිරීක්ෂණයෙන් සිදුකරන ලද ව්‍යාපෘති මගින් පැහැදිලි වන්නේ එම ව්‍යාපෘති ක්‍රියාවට නැංවූ ප්‍රදේශවල ලිංගිකව සම්ප්‍රේෂණය වන රෝග අවම කිරීමට, අපේක්ෂා නොකරන ලද ගැබ්ගැනීම් ප්‍රවනතාවන් අවම කිරීමට හැකිවූ බවයි. ලිංගික අධ්‍යාපනය මගින් තරුණ ප්‍රජාවට ලිංගික ක්‍රියාකාරකම් කිරීමට ඉක්මන් කරවනවා නොව ආරක්ෂිත ලිංගික චර්යාවන්හි යෙදීමට අවශ්‍ය දැනුම හා මඟ පෙන්වීම ලබාදේ. විශේෂයෙන් පාසල් පදනම් කරගෙන සිදුකරන ලිංගික අධ්‍යාපනය ලබාදීමේ වැඩසටහන් මගින් එච්.අයි.වී සම්බන්ධ දැනුම වැඩිකරන අතරම, ලිංගික ක්‍රියාවලියකදී ආරක්ෂිත කොන්ඩමයක් පැළඳීමේ වැදගත්කමද කියා දේ. එපමණක් නොව ලිංගික ක්‍රියාකාරකම් වලින් බැහැර වීමට හා එවැනි ආරාධනාවන් ප්‍රතික්ෂේප කිරීමට පවා අවශ්‍ය දැනුම ලබාදීමද, උපත් පාලන ක්‍රම ගැන සිතීමටද, ලිංගික සහකරුවන් ප්‍රමාණය සීමා කරගැනීමට මෙන්ම පළමු ලිංගික සංසර්ගයේ යෙදීම වෙනුවෙන් නිසි වයස පැමිණෙන තුරු ඉවසා සිටීමට අවශ්‍ය පන්නරය ලබාදීමද ලිංගික අධ්‍යාපනය මගින් සිදුකරයි.

ප්‍ර: දෙමව්පියන් විසින් ඔවුන්ගේ දරුවන්ට පාසලේදී හෝ නිවසින් පරිබාහිර ස්‍ථානයකදී ලිංගික අධ්‍යාපනය ලබාදීම ප්‍රතික්ෂේප කරනවාද?

පි: විවිධ කටකතා හා කේළම් පතුරුවන සමහර කණ්ඩායම්වලට රැවටුණු කිහිප දෙනෙකු හැරෙන්නට බොහෝ දෙමව්පියන් ඔවුන්ගේ දරුවන්ට ලිංගික හා ප්‍රජනන සෞඛ්‍ය අධ්‍යාපනය ලබාදීම වෙනුවෙන් සහයෝගය පළ කරයි. මෙහිදී පරිපූර්ණ ලිංගික අධ්‍යාපනය ලබාදීමේ වැඩසටහන් සංවිධානය කරන අයට පැවසිය යුත්තේ ලිංගික අධ්‍යාපන වැඩසටහන් වඩාත් ප්‍රතිඵලදායී කරගනු පිණිස, හා ලිංගික අධ්‍යාපනය මගින් ලබාදෙන දැනුම ආරක්ෂිතව ගොඩනංවනු පිණිස එම වැඩසටහන් සඳහා දෙමව්පියන්ද සම්බන්ධ කරගන්නා ලෙසයි. ඔබ පාසලේදී කුමනාකාරයේ ලිංගික හා ප්‍රජනන අධ්‍යාපනයක් ලබාදුන්නද, තරුණයා සම්බන්ධ වන්නේ පවුල ඇතුළු මහා සමාජය සමග නිසා තරුණයාට අමතරව අඩුම තරමේ ඔවුන්ගේ දෙමව්පියන්ද පරිපූර්ණ ලිංගික අධ්‍යාපනයෙන් පෝෂණය කළ යුතුය.

මෑතකදී චීනයේ පැවැත්වූ සමීක්ෂණයකදී සහභාගී වූ අයගෙන් 90% ක් පමණ වන දෙමව්පියන් පැවසූයේ දරුවන්ට පාසල මගින් ලිංගික අධ්‍යාපනය ලබාදීම ඔවුන් ඉතා සතුටින් අනුමත කරන බවයි. ඔවුන්ට අනුව දරුවන් සමග සමහර සංවේදී කාරණා සාකච්ඡා කිරීමට ඔවුන්ටද නොහැකි අතර ඒ සඳහා සුදුසුම අය වන්නේ ගුරුවරුන් වන බවයි. පවුල් සැලසුම්කරණය, ලිංගික ක්‍රියාකාරකම් සිදුකිරීමේදී ආරක්ෂා වීම, මාසික ඔසප් චක්‍රය හා ආර්තවය යනාදිය පිළිබඳව ඉගැන්වීමේ හොඳම පිරිස වන්නේ ගුරුවරුන් වන බවයි. යුරෝපයේ හා දකුණු අප්‍රිකාවේදී සිදුකරන ලද සමීක්ෂණයකට අනුව 60% කට වඩා වැඩිහිටියන් විසින් වයස අවුරුදු 12-14 ත් අතර තම දරුවන්ට කොන්ඩම් භාවිතය පිළිබඳ ඉගැන්විය යුතු බව පවසන ලදී.

ප්‍ර: ප්‍රාථමික ශ්‍රේණිවල සිටින දරුවන්ට පරිපූර්ණ ලිංගික අධ්‍යාපනය ලබාදීම සඳහා ඔවුන් කුඩා වැඩිද?

පි: එක්සත් රාජධානියේ මෑතකදී සිදුකළ සමීක්ෂණයකට අනුව සොයාගනු ලැබුවේ පාසලෙන් පරිපූර්ණ ලිංගික අධ්‍යාපනය ලබාගැනීමට ප්‍රථමව ප්‍රාථමික වයසේදීම වැඩිවියට පත්වූ ගැහැණු ළමුන් සිටින බවයි. විශේෂයෙන් විවිධ හෝමෝන වර්ග දමා නිෂ්පාදනය කරනු ලබන කෙටි කෑම වේලවල් ළමයින් වැඩි වශයෙන් ආහාරයට ගැනීමේ ප්‍රවනතාව එන්න එන්නම වැඩිවන නිසා ප්‍රාථමික වයසේදීම ගැහැණු ළමයින් වැඩිවියට පැමිණීමේ සම්භාවිතාවක් පවතී. දරුවන් හා නව යොවුන් වියට එළඹීමට සූදානම් දරුවන්ට තම ශරීරවල සිදුවිය හැකි වෙනස්කම්, හෝමෝන රටාවන් වෙනස්වීම යනාදිය පිළිබඳ ඉගෙනගැනීමේ අයිතිය පවතී. එහිදී සිදුකළ යුත්තේ ප්‍රාථමික වයසේ සිටින දරුවන්ට ලිංගික හා ප්‍රජනන අධ්‍යාපනය ලබානොදී සිටීම නොව ඔවුන්ගේ වයස් සීමාවේදී ඔවුන් දැනගත යුතුම කරුණු නිර්මාණශීලීව හා ප්‍රායෝගික ක්‍රියාකාරකම් සහතිව කියා දීමයි. උදාහරණ වශයෙන් වයස අවුරුදු 9-10 කාල සීමාව යනු දරුවන්ගේ මනෝ සංවර්ධන අවධීන්හි වැදගත් අවධියක් වන නිසා ඔවුන්ගේ පෞරුෂය සංවර්ධනය වන කාලසීමාව වන නිසා ලිංගික අධ්‍යාපනය තුළට ස්ත්‍රී පුරුෂ සමාජභාවීය අනන්‍යතා කියා දිය හැකිය. මව හා පියා විසින් නිවසේදී සිදුකරන කාර්යයන් ඔවුන්ට අඳින්නට හෝ වගුගත කරන්නට දී එම කාර්යයන් වෘත්තීමය වශයෙන් සිදුකරන ශිල්පි ශිල්පිනියන් හඳුන්වා දෙමින් ඔවුන් තුළ ස්ත්‍රී පුරුෂ සමාජභාවීය සමානත්ව අදහස් කුඩා කාලයේදීම ඇති කළ හැකිය. බෙදාහදාගැනීම, අන්‍යෝන්‍ය විශ්වාසය හා වගකීම සම්බන්ධ දේවල් ඔවුන් තුළ රෝපණය කළ හැකිය.
පර්යේෂකයින් පෙන්වා දෙන පරිදි වයස අවුරුදු 10-14 වැනි වයස්වල පසුවෙන දරුවන්ට ලිංගික හා ප්‍රජනන අධ්‍යාපනය ලබාදීමේදී වඩාත් ප්‍රවේශම් විය යුතුය. එයට හේතුව ඔවුන් ළමා අවධියේ සිට නව යොවුන් විය දක්වා පරිවර්තනය වන සංක්‍රාන්ති අවධියේ සිටින නිසා නිවැරදි දැනුම සමග, ආකල්ප කුසලතා යනාදියද ඔවුන් තුළ රෝපණය කළ යුතුය. විශේෂයෙන් තාක්ෂණය, ජංගම දුරකථන, අන්තර්ජාලය යනාදියට දරුවන් විවෘත වන අවධිය මෙම කාලසීමාවයි. ඔවුන් අන්තර්ජාලය මගින් අසභ්‍ය වීඩියෝ දර්ශන නරඹන්නේ හෝ, විවිධ ලිංගික අත්දැකීම් ලබාගැනීමට පෙළඹෙන්නේ හෝ මෙම වයස් සීමාවේදී ඇතිවන කුතුහලය හා දේවල් අත්හදා බැලීමේ හා අත්දැකීම් ලබාගැනීමට ඇති කැමැත්ත නිසාය. මේ නිසා දරුවන්ට ප්‍රාථමික අවධියේදීම ඔවුන්ගේ මනසට ගැලපෙන ආකාරයට ලිංගික අධ්‍යාපනය ලබාදිය යුතුවේ. විශේෂයෙන් සයිබර් අවකාශය හරහා සිදුවන විවිධ ඡායාරූප හුවමාරුවීම, දරුවන් ජාවාරම් කිරීම, කුට්ටනයට ලක්කිරීම හා දරුවන් රවටා විවිධ අපයෝජන සඳහා යොදාගැනීම වළක්වා ගැනීමට නම් ඔවුන්ට නිවරැදි ආකාරයට ලිංගික අධ්‍යාපනය ලබාදිය යුතුමය.
මීට අමතරව ජාත්‍යන්තර වශයෙන් පිළිගත් නිර්ණායකවලට අනුව ලිංගික අධ්‍යාපනය ලබාදීම ආරම්භ කළ යුත්තේ පූර්ව ළමා වියේදීය. එමගින් අදහස් වන්නේ දරුවන්ට ලිංගික ක්‍රියාකාරකම් ගැන ඉගැන්විය යුතුය යන්න නොවේ. අඩුම තරමේ ලිංගික වශයෙන් සිදුවිය හැකි විවිධ අපචාර පිළිබඳ හෝ ඔවුන් දැනුවත්ව සිටිය යුතුය. නොදන්නා පිරිමින්ගෙන් හා ගැහැණුන්ගෙන් ආරක්ෂා වීම, ඔවුන් විසින් විවිධ ආකාරයෙන් සිදුකළ හැකි ස්පර්ශ කිරීම් යනාදියෙන ‍පළා යන ආකාරය පිළිබඳ දරුවන් කුඩා කාලයේ සිටම දැනගත යුතුය. පූර්ව ළමා විය, නව යොවුන් විය හා තරුණ විය යනාදී ලෙස පියවරෙන් පියවරට ලිංගික අධ්‍යාපනය ලබාදීම මගින් වඩාත් පරිපූර්ණ හා සාර්ථක ජන සමාජයක් ගොඩනැගිය හැකි බව මෙම නිර්ණායක මගින් පවසයි.

ප්‍ර: ලිංගික අධ්‍යාපනය ලබාදීම වැනි මාතෘකා දරුවන්ට සුඛෝපභෝගී මාතෘකා නොවේද? මීට වඩා අවධානය යොමුකළ යුතු වෙනත් ප්‍රශ්න නැද්ද?

පි: ජනගහණ හා සංවර්ධන කොමිසම වැනි ජාත්‍යන්තර මානව හිමිකම් සංවිධාන විසින් දක්වන ආකාරයට සියලුම රජයන් විසින් අනිවාර්යයෙන්ම පරිපූර්ණ ලිංගික අධ්‍යාපනය දරුවන් වෙත ලබාදිය යුතුය. පරිපූර්ණ ලිංගික හා ප්‍රජනන අධ්‍යාපනයක් ලබාගැනීම යනු තරුණ ප්‍රජාව රටේ පුරවැසියන් ලෙස අභිමානයෙන් ජීවත්වීමට අවශ්‍ය දැනුම ලබාගැනීමකි. එමෙන්ම සෞඛ්‍යය හා ආරක්ෂාව සම්බන්ධයෙන් තොරතුරුවලින් සන්නද්ධ වීමකි. එමෙන්ම බොහෝ අය සිතා සිටින පරිදි ලිංගික හා ප්‍රජනන අධ්‍යාපනය ලබාදීමක් යනු කුණුහරුප ඉගැන්වීම පමණක්ම නොවේ. එමගින් ස්ත්‍රී පුරුෂ සමාජභාවීය වශයෙන් සමාන ආකාරයට එකිනෙකාට ගෞරව කිරීමට මිනිසුන් ඉගෙන ගනී. ලිංගිකව සම්ප්‍රේෂණය වන රෝග පිළිබඳ දැනුවත්වෙමින් තමන් ආරක්ෂා වන අතරම තම යහළු මිත්‍රාදීන් ආරක්ෂා කරගනී.
ලිංගික අධ්‍යාපනය ලබාදීම ශ්‍රී ලංකාව වැනි රටක අභියෝගාත්මක වී ඇත්තේ ඉහතින් දක්වා ඇති ආකාරයේ ප්‍රශ්න ජනතාව තුළ පවතින නිසාය. එහෙත් ඉහතින් දක්වා ඇති ආකාරයේ පිළිතුරු තේරුම්ගැනීමට හෝ, තෝරාගැනීමට මිනිසුන් සබුද්ධික වන්නේ නැත. රටක් වශයෙන් අප පළමුවෙන්ම සිදුකළ යුත්තේ ලිංගිකත්වය පිළිබඳ ඉගෙනගන්නා තරුණ ප්‍රජාවක් බිහිකිරීමට පෙර සබුද්ධික වැඩිහිටියන් පිරිසක් නිර්මාණය කරගැනීමයි.

අවසර, මහාචාර්ය ස්වාමීන් වහන්ස, පිරිමි ළමයින් දූෂණය කිරීම් සම්බන්ධව ලංකාවේ උසාවි වල ගොනුකර ඇති නඩුවල වැඩියෙන්ම චූදිතයින් වී ඇත්තේ බුද්ධපුත්‍රයන් වහන්සේලා බව අමතක නොකරන්න.

එච්.අයි.වී ඇතුළු ලිංගිකව සම්ප්‍රේෂණය වන රෝගවලට පරීක්ෂා කරගැනීමට හා ප්‍රතිකාර ලබා ගැනීමට බුද්ධපුත්‍රයන් වහන්සේලා අප හමුවීමට කලිසම් ඇඳගෙන පැමිණෙන බව මතක් කිරීමට කැමතිය.

ව්‍යාජ ෆේස්බුක් අකවුන්ට්ස් හදාගෙන මැසේන්ජර් හරහා වීඩියෝ කෝල්ස් ගන්නා අයවළුන් අතර නයියන්ඩි වන්නම පෙන්වන භික්ෂූන් වහන්සේලා ද සිටින බව අමතක නොකරන්න.

උන්වහන්සේලාටද පරිපූර්ණ ලිංගික අධ්‍යාපනය ලබා දිය යුතුය. ඒ නිවැරදි ලිංගික චර්‍යාවන් හා සෞඛ්‍ය පුරුදු ගැන ඉගැන්වීමට මිස උන්වහන්සේලාට සෙක්ස් කිරීමට උනන්දු කිරීමට නොවේ.

තුෂාර මනෝජ්


This is the one and only positive sex educational website in south asia and written in Sinhala [සිංහල], Tamil [தமிழ்] and Urdu [ हिन्दी] languages.

ලිංගික අධ්‍යාපනය හා අපි!

 
මම උදේම කියෙවුවෙ කුශාන් ප්‍රේමසිරි මල්ලිගෙ ලිපියක්. ඔහු හරි අපූරුවට අපේ සමාජයේ බහුතරයක් පිරිස ගැන ලියලා තිබ්බා , ශිෂ්ණය පෙන්නලා මොකද්ද මේ ඇහුවම ඒකට කියන වචන ලිස්ට් එකක් ගැනම ඔහු ලියලා තිබ්බා. ඔහු ගේ හැම වචනයක් එක්කම මම එකඟයි. මොකද මමත් අත්දැකීමෙන්ම දන්නවා අපේ සමාජයේ අම්මලා තාත්තලා ගොඩක් වෙලාවට හැසිරෙන්නෙ ලිංගිකත්වය කියන්නෙ අනෙ අම්මෝ වගේ සංකල්පයක් ඔලුවෙ තියාගෙන කියන්න කියන එක ගැන.

මීට සෑහෙන්න කාලෙකට කලින් මම එක්තරා පත්තරේක ගියපු ලිපියක් කියෙවුවා , මට දැන් ඒ පත්තරේ නම මතක නෑ , ඒත් ඒ ලිපිය මතකයි , ඒ ලිපියේ තිබ්බා මෙහෙම , අම්මා මල්ලිව ( අලුත උපන් ) නාවලා ඇඳෙන් තියලා අන්දන්න ලෑස්ති වුනාම එතන්ට අක්කා එනවා ( ඇයට අවු. 2 ක් හෝ 3 ක් ) ඇය අහනවා අම්මේ මොකද්ද මේ නැට්ටක් කියලා මල්ලියේ රහස් අවයවය පෙන්නමින්. අම්ම කියනවා ආ මේ වැඩි කෑල්ලක් පස්සෙ කපන්න ඕන කියල. ඒ මොහොතෙ ම නිවසේ බෙල් එක වදින නිසා අම්මා යනව කවුද බලන්න , විනාඩි දෙකක් වගේ කාලයකින් අලුත උපන් බබා යටිගිරියෙන් අඬන හඬ එන්න අම්මා එනව කාමරේට. ඇය දකින්නේ කතුරක් අතේ තියන් ඉන්න අක්කා හා රහස් අවයවය අහිමි මල්ලිව. අක්කා අම්මට කියනවා , අම්මේ ඔයාට ලේසි වෙන්න ඔන්න මම ඒක කපල දැම්ම කියල.

මේ තමයි නූගත්කමට දෙන්න පුලුවන් හොඳම උදාහරණය !

ඇයි මේ දේවල් ළමයින්ට මැජික් කරල තියෙන්නෙ ?

මම අනුන්ගේ පවුල් ගැන නොදන්න නිසා මම කතා කරන්නම් මගේ පවුල ගැන.

මගේ පුතාට මේ වෙද්දි අවු. 9 කට මාස 3 ක් අඩුයි. ඔහු මේ වෙද්දි බොහෝ දේ දන්නවා. මමත් මගේ සැම්යාත් , 1 වසරේ සිට ලැබෙන පාසැල් අධ්‍යාපනයත් ඔහුට කියා දී තියෙනවා හැම දේ ගැනම. ගැහැණු ළමයෙක් හා පිරිමි ළමයෙක් වෙනස් වෙන්නෙ කොහොමද කියන්න ඔහු දන්නවා. වැඩිවිය පැමිණීම කියන්නෙ මොකද්ද කියන්න ඔහු දන්නවා. තමන්ගෙ මව මාසෙකට වරක් ගෙවන අපහසු දින කීපය ගැන දන්නවා. මාසෙ මුල සුපර්මාර්කට් එකෙන් බඩු ගන්නකොට පෑඩ් පැකට් ගන්න ඕන කියලත් ඒ ඇයි කියන්නත් ඒක පාවිච්චි කරන්නෙ කොහොමද කියන්නත් ඔහු දන්නවා. තමන්ගේ ශිෂ්ණය පිරිසිඳු කරගන්න ඕන කොහොමද කියන්න හොඳ අවභෝදයක් තියනවා. දරුවෙක් පිළිසිඳගන්නේ කොහොමද කියන්න ඔහු දන්නවා. ඒ වගේම ඝය් හා ළෙස්බිඅන් දෙක වෙන් වෙන්නේ කොහොමද හා ඒ අයගේ සිතුවිළි කොහොමද කියන්න දන්නවා !
මෙන්න මේ කරුණු නිසා මගේ පුතාට එයාගෙ අම්මා බිකිණි එකක් ඇඳන් ඉන්න එක මැජික් එකක් නෙමෙයි ! ඒ වගේම තමන්ගෙ රහස් අවයව හා තමන්ගෙ පියා යට ඇඳුමෙන් ඉන්නකොට දකින ස්වරූපය හෝ මැජික් එකක් නෙමෙයි. අනේ මේ මොකද්ද කියා අහන්න ඔහුට අවශ්‍යතාවක් නෑ. මොකද ඔහු දන්නවා මේ කිසිවක් මැජික් නොවන බව !

ඒත් කියන්න හරිම කණගාටුයි , අපේ සමාජෙ බහුතරයක් ඉන්නේ තමන්ගේ පියාගේ හා සහෝදරයාගේ අවයවය ගැන බොරු කතා කියා දෙන අම්මලා වගේම , කොහෙන්ද අම්මේ නංගි / මල්ලි ගෙනාවෙ කියල ඇහුවම රෝස කැලෙන් කියන අම්මලා. මේක අදටත් එහෙම්මම තමයි. ඒකෙ කිසිම වෙනසක් නෑ. මොකද මම එහෙම කෙටි ලිපියක් හා ඒකට අදාල කමෙන්ට් කියවලා ඇවිත් තමා මේක ලියන්නෙ. ( දැන් අහන්නෙපා කොහෙන්ද දැක්කෙ කියලා , මොක්ද මගෙ ප්‍රතිපත්තිය තමයි කිසිම සමූහයක් ගැන හෝ එකී සමූහ වල සක්‍රීය කුළක ගැන ප්‍රසිද්ධියේ කතා නොකිරීම )

මේ තත්වය වෙනස් විය යුතුයි. මම පොඩි කාලෙ මට ලැබුන ලිංගික අධ්‍යාපනයක් නෑ. කාලයක් යනකල් මම හිතාගෙන හිටියේ දූෂණය කරනව කියන්නෙ හිංදි නිළියන්ගේ හැට්ටෙ ගලවන එකට කියල.මොකද හැම හින්දි චිත්‍රපටයකම නිළිය බචාඕ බචාඕ කිකිය දුවන්නෙ හැට්ටෙ බේරගන්න නිසා. ඒත් කාලය එක්ක 11 වසරට ආවම තමා ඒ ගැන යම් අවභෝදයක් ලැබුනේ මොකද්ද මේ වෙන්නෙ කියල. ඒත් ඒ අධ්‍යාපනය ලැබෙන්න ඕන අවු. 6-10 වයස් කාණ්ඩ වලට. මොකද ඒ දරුවන්ට තමයි කුතුහලය උපරිමයෙන් තියෙන්නෙ. බහුතරයක් ලාංකික දරුවන්ගේ ලිංගික අධ්‍යාපනය තියෙන්නේ පහල මට්ටමක. එතනින් මිදිලා , හතේ පොත කියා ලබාදෙන අධ්‍යාපනයටත් අකුල් හෙලන සමාජයක් තමා අපිට තියෙන්නෙ. ඇත්තටම ඒ පොත දෙන්න ඕනා හත වසරට නෙමෙයි එහි මූලික අදියර දෙන්න ඕනා 1 වසරට.

ඊටත් කලින් අම්මා තාත්තා කියා දෙන්න ඕනා පුතේ මේකෙ නම චූ පැටියා - ජුංඩා - රං කුරුල්ලා නෙමෙයි , මේකෙ හරි නම ශිෂ්ණය , මේකෙන් වෙන්නෙ මෙන්න මේක , ශිෂ්ණය කියල කියාගන්න බැරි නිසා මගෙ පුතා මේකට ඕන නමක් කියන්න මේක නංගිට නෑ මොකද , ඒක නැති නිසා තමයි නංගි ගෑනු කෙනෙක් වෙලා ඔයා පිරිමි කෙනෙක් වෙලා තියෙන්නෙ , තාත්තා ට මේක තියනව අම්මට මේක නෑ ඔයාගෙ ඇඟේ වටිනාම කොටස් වලින් එකක් මේක , ඒ නිසා මේක පරිස්සම් කරගන්න , කාටවත්ම අතපත ගාන්න දෙන්න එපා කියල ! ඒ වගේම දුවෙක් ටත් ඒකම අනිත් විදියට කියා දෙන්න ! මේ එකක්වත් මැජික් නොවන බව ඔබේ දරුවන්ට වටහා දෙන්න !

©️ප්‍රභානී තෙන්නකෝන්.


This is the one and only positive sex educational website in south asia and written in Sinhala [සිංහල], Tamil [தமிழ்] and Urdu [ हिन्दी] languages.

බඩ වෙනකං නොදන්න රෙද්දෙ හැදියාව.

ස්ත්‍රී ලිංගය, පුරුෂ ලිගුව, ගුද මාර්ගය, කලවය, ගර්බාෂය, ශුක්‍රාණු පහවීම, දන්නේ නැති තරුණයන්, තරුණියන්, බැදපු ගෑනු, බැදපු පිරිමි...

මොන රෙද්දක්ද.....


උබල කොන්ඩෙ වවල හිටියත් තට්ටෙ ගාලා හිටියත් අවුරුදු 12, 13 වෙන්කොට අමුතු කිචියක් ආවා මතක නැද්ද? සුචරිතවාදීන් හැම එකාම ඒ කාලේ තනියෙන් පුරුෂ ලිංගය අත ගා ගන්න ඇති. එතකොට ඒක කෙලින් වෙන්නත් ඇති. මුල් කාලෙ නම් ඉතින් සුදුපාටට මොනවදෝ ගියෙ නැහැ නේද?
හිරි වැටිලා ඉවර වුනා නේද?

කිහිල්ලේ මයිල් එනකොට, රහසගේ රෝම වැවෙනකොට මතකකද ගෑනු ලමයි ගැන දැනුන හැගීම.

අපිට එහෙම වෙනකොට පංතියේ සමහර ගෑනු ලමයි හදිසියේම ගෝනි බිල්ලො වගේ වහලා අරන් ගිහින් ටික දවසකින් කැවුමුත් අරන් ආවා මතක ද? උන් බලන් ඉද්දි බෝල උනා මතකද?

මේ රටේ උසාවියකට ගියොත් නඩු ගොඩක් කැරකෙන්නෙ යෝනිය වටේ කියලා සුචරිතවාදීන් ට තේරෙයි. ස්ත්‍රී දූෂණ, අස්වාභාවික ලිංගික හැසිරීම්, නඩත්තු දික්කසාද ඉන් ප්‍රධානයි.

ස්ත්‍රී දූෂණයක් කියන්නේ ගැහැනියෙකුට පිරිමියෙක් වෙත එල්ල කල හැකි ඉතාම පහසු චෝදනාවක්‍ බව මම සිතන්නේය. එලෙසම පිරිමියෙකු ට ගැහැනියෙක් හට කල ගැකි තිරිසන්ම ක්‍රීයාවද එයම වන්නේය.

ලංකාවේ වැඩිපුරම ලිංගික අපරාධ නඩු ( ජනගහනයට සාපේක්ෂව ) තියෙන්නේ උතුරු මැද කියලා ය මට හිතෙන්නේ. මා දන්නා පරිදි ලමයින්‍ ට සිදු වූ ලිංගික අපරාධ වෙනුවෙන් නඩු අහන්නටම වෙන් වූ එකම මහාධිකරණය අනුරපුර විශේෂ මහාධිකරණ යයි. පූජනීය පින් බිම අනුරපුරයි.

කොලඹට වෙලා කෑ ගහන්න කලින් මෙහේ උසාවියක දවස් දෙකක් වාඩි වෙලා ඉදලා බලාපල්ලා කරුමයක තරම. දරුවන්ගේ කතා....ලැජ්ජයි යකෝ...

තාත්තා දුව ලග නිදාගත් හැටි,

ගුරා ගෝලයාගේ කකුල ලස්සනයි කියපුවා,

හාමුදුරුවෝ සාමනේරනමට වැලි මලුවේ දිගා කර චන්ද්‍රගහනය පෙන්නපුවා,

සීයා මිනිපිරීට ඩාං ඩූංං කරපුවා,

අම්මාගේ දෙවෙනි ආදරේ කලින් කසාදේ ලමයින්ව අස්ස ගුඩුං අරන් ගිය ඒවා,

ටියුෂන් ගුරා හා අමතර පංතිය,

අල්ලපු ගෙදර මාමා කඩේ එක්කන් ගිය හැටි.

ලී කපන්න ගිහින් කෝටු කපපු හැටි,

කුලියට වැඩ කල මාමා හේනේ ලී කොට ඉරපු ලස්සන,

බන්ඩියාගේ චුං කුරුල්ලා,

මලීගෙ ච්ච්ච් පැටියා,

හදපානේ යන විට කෙලවුන හැටි,

බාප්පා එක්ක හේනේ අලි එලවපු හැටි,

අල්ලපු ගෙදර අයියා ගලේ කෙටූ හැටි,

පොඩි මල්ලියි ලොකු මල්ලියි පූට්ටු වූ හැටි,

කඩේ මුදලාලි ටොපි දීලා ලොලිපොප් කවපු හැටි,

දන්නෙම නැතුව බඩ ලොකු උන හැටි,

බඩේ ගෙඩ්යක් කියලා බෙහෙත් ගන්න කියලා ගියාම බඩේ මං වගේම පොඩි එකෙක් කියල දැන ගත් හැටි.

මේ රෙද්දවල් 75%කටත් වඩා මුල දරුවන්ගේ ලිංගික දානුම නැති වීම බව පිලිගනිල්ලා. පිලි ගන්න බැරි නම් අනුරපුරේ , පොලොන්නරුවේ , මොනරාගල, හම්බන්තොට මහාධිකරණයක රේප් කේස් දෙකක් බලන් හිටපල්ලා.

ලමයි නෙමේ මහ ගෑනුත් ස්ත්‍රී ලිංගය ඇතුලට පුරුෂ ලිංගය දා ගන්න දන්නේ නැහැ. ලමයි හම්බුන ගෑනුත් දන්නේ නැහැ යෝනි මාර්ගයයි මුත්‍රා මාර්ගයයි දෙකක් කියලා. ලමය බඩට ආවෙ කොහොමද කියල දන්නෙත් නැහැ. පිරිම්න් හා ගැහැනුන් සුරාන්තයට පත් වෙන බව දන්නෙ නැහැ. ගැහැනුන්ට එහෙම එකක් තියෙනවා කියලා සමහර පිරිමින් දන්නෙත් නැහැ.

පැමිනිල්ලේ ලෝයර් කොහොමද මිනිසුන්ට යුක්තිය ඉටු කර දෙන්නේ. සාක්කි දෙනකොට කියන්නේ එක්කෝ ලීයක් වගේ එකක් ඇතුල් කලා. මොකක්දෝ එකක්, අනේ මට ලැජ්ජයි, කියන්නෙ තේරෙන්නෙ නැහැ. චුයියා එක ඌයියා එකට දැම්මා. මේ ලෝකෙ නැති වචනය.

දිනක් එක්තරා මහාධිකරණයක රජයේ ලෝයර්තුමා වතුර බිබී ඔය වගේ සිද්ධියක් අහනවා මම දැක්කා. එතුමාට මල. මොන වදයක්ද විත්ති කූඩුවේ එකා මහ උලු ගෙදර යවන්නට ගෑනි කතාව කියන්නම ඕනෑය. පැය බාගෙක ඔට්ටු විල්ලකින් පසු ගැහැනිය නඩුකාරතුමන්ගෙන් අහන්නේ හාමුදුරුවනේ එහෙනං කියන්නද කියාය. එතුමාටද ඉවසීමේ සීමාව පැනලාය. තෝල්කයයා වෙව්ලන්නේය. විත්තිකරුට ජොලිය. ප...( යන්නෙන් පටන් ගන්න එක) හු ...
(යන්නෙන් පටන් ගත්ත )එකට දැම්මා සුවාමීනි .... කැ.... ( වලින් පටන් ගන්න ඒවාත්) ත් ගියා. උසාවිය මීයාට පිම්බා වැනිය. ඇප්රෙන්ටිස් කෙල්ලෝ දුවන්නේය. ස්ටෙනෝ රතු වෙන්නේය. ගෝෂකයා උඩ බලන්නේය. රජයේ ලෝයර් තව වතුර බොන්නේය. ලේඩි ලෝයර්ලා බොරුවට හෑන්ඩ් බෑග් අදින්නේය. පිරිම් ලෝයර්ලා පොත් පෙරලන්නේය. නඩුකාරතුමා පමනක් නිසොල්මනේය.

මෙසේ ලීවාට කියවන්නාගෙන් සමාව අයදින්නේය. එහෙත් මෙය ඇත්‍තකි. මෙහි හිනාවට කාරනයක් නොමැත. ඇත්තේ ලිංගික අද්‍යාපනයේ හිඩැස නොවේද?
සිද්ධිය ඉවර නැත. සාක්කිකාරිය කියපු හු.. එකයි ප.. එකයි පුනරුච්චාරනය කරමින් මේක අසනවා හැර රජයේ ලෝයර්ට විකල්පයක් නැත. එතුමා නන්නත්තාරය.

විනිසුරු අසුනෙනෙන් සිනාසෙමින් ඉංගිරිසියෙන් ඇසුවේ නීතිපතිතුමා කුනුහරප කියන එක සුදුසු නැහැ නේද කියලාය. තවත් පැය බාගයක් ඔට්ටු වී විත්තියේ ලෝයර්ගේ විරෝධතා නැති වූ තැන උත්තරය කටට දී අසා ගත්තේය. විත්තියේ ලෝයර්ලාද මිනිසුන්‍ ය.

කුනුහරුප කියා යුක්තිය ඉටු කර ගන්නට බැරිය.

ලිංගික අපරාධ වලට ලක් වී පැමිනෙන බොහෝ දෙනා අන්ත දරිද්‍රය. විත්තිකරුවන් ද එම සමාජ මට්ටමේමය. අතවරයට පත් වූ දරුවන් රු. 100 බස් ගාස්තුව නැතිව උසාවි නොපැමින අන්තිමට වරෙන්තු වී අල්ලන් එන්නේය. වදින්න ගිය දේවාලේ හිසේ කඩා වැටීය. ඉගෙනුම 9 ටවත් නැතිය.

ලිංගික අධ්‍යාපනය එපා කියන්නෙ මේ හිඩැස් එන්ජෝයි කරන්නට කැමති එවුන්‍ ය. එය එපා කියනේ ඒ දැනුම තියෙනා එවුන් ය. පහල පංතියට එය දැනටමත් ප්‍රමාද වී ඇත්තේය.

බම්බලපිටිය ට, වැල්ලවත්ත ට එය එපා උනාට හොරොව්පතාන, වැලිකන්ද, රදවිගෙඔය, ගෝමරන්කඩවල හේනට, වෙලට, කැලයට එය ඕනෑමය. වැක්ස් කරන එවුන්ට ඉගෙනුමට දෙයක් නැති උනාට කැලේ වැවුන එවුනට බොහෝ තිබෙන්නේය. එපා කියන්නවුන්ට මයික් ඇල්ලුවාට ඕනෑ කියන්නවුන් ගොලුය. හොරොව්පතානෙන් වොයිස් කට් නොගන්නේය.

ලිංගික අධ්‍යාපනය ලබ දීම ඍජුවම දරුවන් ලිංගික අතවර වලින් බේරා ගැනීමට දායක වනු ඇත. එමෙන්ම අවාසනාවන්ත ඉරනමකට ගොදුරු වූ විට කදී එය නීතිය ඉදිරියට ගෙනවුත් යුක්තිය ඉල්ලා හඩ නගන්නට ශක්තියක් වනු ඇත.

එසේ නොමැති රටක් තල්ලු වන්නේ
දරුවන් අනාරක්ෂිත, සැකකරුවන්ට ගල් ගහන උසාවිය ට හූ කියන ගෝත්‍රික සමාජයකටය.

තීරනය අපි අතේය!

(ප්‍රදීප් සමරනායක)


This is the one and only positive sex educational website in south asia and written in Sinhala [සිංහල], Tamil [தமிழ்] and Urdu [ हिन्दी] languages.

Postinor 01 කියන්නේ මොනවද?


කාන්තාවෝ පමණක් නෙවෙයි පිරිමි අය පවා මේ Postinor 01 කියන නම හොඳට අහලා ඇති. ඒත් මේ ලිපිය වැදගත් වෙන්නේ මේ ගැන අහලා තියන සහ මේ ගැන හරියට නොදන්නා අයට. මොකද නොදන්න දේ දැනගැනීම වගේම ජීවිතේට කවදාහරි අවශ්‍යවන දෙයක් දැනගන්න එක ඉතාම වැදගත් නිසා.

මුලින්ම කිව යුතු දේ තමයි Postinor 01 කියන්නේ උපත් පාලන පෙති වර්ගයක්. මෙයට Morning Pill කියන නමත් මෙය භාවිතා කරන අය අතරේ ප්‍රසිද්ද නමක්. ඇත්තටම උපත් පාලන ගිලින පෙති (Oral Contraceptives) වර්ග දෙකක් ලෝකයේ තිබෙනවා. එකක් තමයි සාමාන්‍ය උපත් පාලන පෙති වර්ග. ඒ කියන්නේ හරියටම අපි කලින් ලිපියක කතාකරපු ‘මිතුරි’ වගේ ඒවා.

අනිත් වර්ගය තමයි හදිසි උපත් පාලන පෙති (Emergency Contraceptive Pills) කියන වර්ගය. හැබැයි මේ වර්ගය නිතර ගැනීම සුදුසු වන්නේ නෑ. ඒ වගේම මේ පෙති වර්ග දෙකම භාවිතා කල යුත්තේ කාන්තාවන් විසින්. Postinor 01 කියන්නෙත් හදිසි උපත් පාලන පෙති වර්ගයක්.

කාටද?

Postinor 01 පෙති වර්ගය වැදගත් වෙන්නේ ගර්භනී තත්වයක් අපේක්ෂා නොකර (ඒ කියන්නේ දරු උපතක් තාවකාලිකව පමාකරන හෝ දරු උපත් වලින් පසු නැවත දරු උපතක් අපේක්ෂා නොකරන) කාන්තාවන්ටයි. අනාරක්ෂිත ලිංගික එක්වීමකින් පසු (කොන්ඩම් පැළඳීමකින් තොරව අභ්‍යන්තරව ලිංගිකව එක්වීම) Postinor 01 පෙත්තක් ගැනීම සිදුකල යුතුයි.

ඒ වගේම ඔබ දැනට සාමාන්‍ය උපත් පාලන පෙති වර්ගයක් හෝ වෙනත් උපත් පාලන ක්‍රමවේදයක් (ලිංගිකව එක් නොවී සිටීම, උපත් පාලන එන්නත් ලබාගැනීම, Implant හෝ IUD පැළඳීම) භාවිතා නොකරනවනම් පමණක් මෙය භාවිතා කළ යුතුයි. මෙන්ම


  • උපත් පාලන කොපුව (කොන්ඩමය) ලිංගිකව එක්වීමේදී ඉරී ගිය අවස්ථාවක.
  • ආරක්ෂිත කාලය (දින ගණන) හරියාකාරව ගණනය කිරීමට නොහැකිවූ අවස්ථාවක.
  • සාමාන්‍ය උපත් පාලන පෙති දින ගණනාවක් තිස්සේ භාවිතා කිරීම අතපසුවී අනාරක්ෂිතව ලිංගිකව එක්වීමකදී.
  • වෙනත් උපත්පාලන ක්‍රමවේද හරියාකාරව ක්‍රියාත්මක වේදැයි ඔබට සැක සහිත අවස්ථාවක.
  • අභ්‍යන්තරිකව ලිංගික අතවරයකට හෝ දූෂණයට ලක්ව ඇති මොහොතක.

කාන්තා ඔබේ ආරක්ෂාවට Postinor 01 පෙත්තක් ගන්න එක වඩා හොඳයි.

භාවිතා කරන්නේ කොහොමද?

සාමාන්‍යයෙන් Postinor 01 පැකට්ටුවක අඩංගු වන්නේ එක පෙත්තක් පමණයි. නමුත් Postinor 02 පෙති පැකට්ටුවේ පෙති දෙකක් අඩංගු වෙනවා. ඉතින් ඔබ මිලට ගෙන තියෙන්නේ Postinor 01 පැකට්ටුවක් නම් එහි ඇති එකම පෙත්ත අනාරක්ෂිත ලිංගික එක්වීමකට පස්සේ පැය 72ක් ඇතුලත (හැකිතාක් ඉක්මණින් ගන්න පුළුවන්නම් වඩාත් හොඳයි) භාවිතා කලයුතුයි. ඒ මගින් අනවශ්‍ය ගැබ්ගැනීම් ඇතිවීම වැලැක්වීම සිදුවෙනවා.

විශේෂ ලක්ෂණ මොනවාද?

පෙති දෙකක් ගැනීමේදී එක පෙත්තක් භාවිතා කරලා නැවත දෙවැනි පෙත්ත ගන්න අමතකවීම නිසා සිදුවෙන අපහසුතාවයන් Postinor 01 වලදි මගහැරෙනවා. මොකද එක පෙත්තක් පමණක් ඇති නිසා එක්වරක් භාවිතා කිරීම ප්‍රමාණවත්.

මිලෙන් අඩුවීම. සාමාන්‍යයෙන් රුපියල්. 180 ක වගේ මිළකට ඕනෑම ෆාමසියකින් හෝ වෛද්‍ය මධ්‍යස්ථානයකින් මිළට ගන්න පුළුවන්. කාන්තා පිරිමි ඕනම කෙනෙක්ට මිළට ගන්න පුළුවන් වගේම වෛද්‍යවරයෙක්ගේ වට්ටෝරුවක් අවශ්‍යවන්නේත් නෑ.
99% ක් පමණ සාර්ථක ප්‍රතිඵල තිබෙනවා. ඒ කියන්නේ සමහරවිට මේ ක්‍රමය සාර්ථක නොවන අයත් ඉන්න පුළුවන්. හැබැයි අති බහුතරයකට මේක ආරක්ෂිත හදිසි උපත්පාලන ක්‍රමවේදයක්.
විශේෂයෙන්ම මෙය වඩාත් සුදුසු වන්නේ විවාහක කාන්තාවන්ටයි.

සෞඛ්‍යට අහිතකරයිද?

මේ වගේ මිත්‍යා මත බොහෝ කාන්තාවන්ගේ වගේම පිරිමින්ගේ හිත්වලත් පැලපදියම් වෙලා තියනවා. නමුත් Postinor 01 කියන්නේ Progesterone අඩංගු හෝමෝන පෙත්තක්. මෙය මගින් කාන්තා ශරීරයේ හෝමෝන තාවකාලිව අසමබර කරලා ගැබ්ගැනීමක් ඇතිවීම තාවකාලිකව වල්කවනවා. කිසිම ලෙසකින් මේ නිසා පසුකාලීනව ගබ්සාවීමක් හෝ දරුණු ගණයේ සංකූලතා ඇතිවෙන්නේ නෑ.

අතුරු ආබාධ එහෙම තිබෙනවද?

සමහර කාන්තාවන්ට Postinor 01 භාවිතා කලාට පස්සේ පැය දෙකක් වගේ ඇතුලත වමනය වගේ තත්වයක් ඇතිවෙන්න පුළුවන්. ඒක සාමාන්‍ය තත්වයක්. මේ තත්වය වලක්වන්න ඔබට Postinor 01 පෙත්ත කිරි වීදුරුවක් එක්ක හෝ ජූස් වීදුරුවක් එක්ක ගන්න පුළුවන්. හැබැයි දිගින් දිගටම වමනය සහ හිසරදය පවතිනවනම් ආසාත්මිකතාවයක් වෙන්න පුළුවන් නිසා ඉක්මණින් වෛද්‍යවරයෙක් හමුවිය යුතුයි.

මේ පෙත්ත ඔබේ ආර්තව චක්‍රයේ ඕනෑම කාලයකදී භාවිතයට සුදුසුයි. ඒත් මේ පෙත්ත නිතර හෝ දිනපතා ගැනීම ඉතාම අහිතකරයි. මොකද මෙහි අඩංගුවන ද්‍රව්‍ය දිනපතා ශරීරගතවීම සුදුසු නැති නිසා. ඒ වගේම මේ පෙත්ත කිරිදෙන මව්වරුන්ට පවා ගැටළුවකින් තොරව භාවිතා කළ හැකියි.

ඒත් මේ පෙත්ත ගැබිණි මව්වරුන් විසින් භාවිතා නොකළ යුතුයි වගේම මේ මගින් ලිංගාශ්‍රිතව පැතිරෙන රෝග වලින් ඔබව ආරක්ෂා කරන්නෙත් නෑ කියන එක මතක තබාගත යුතුයි.

Postinor 01 විශ්වාසවන්තයිද?

මෙය හංගේරියාවේ නිෂ්පාදිත උපත් පාලන පෙති වර්ගයක් වීම නිසා ඉතා උසස් තාක්ෂණයක් භාවිතා කරගෙන ගුණත්වයෙන් ඉහළ අමුද්‍රව්‍ය වලින් නිෂ්පාදනය වෙන පෙති වර්ගයක්. ලංකාවේ ගෙන්වා බෙදා හැරීම සිදුකරන්නේ ශ්‍රී ලංකා පවුල් සංවිධාන සංගමයේ අලෙවිකරණ අංශය විසින්. ඒ නිසා විශ්වාසය සම්බන්ධයෙන් ගැටළුවක් නෑ.

This is the one and only positive sex educational website in Sri Lanka and written in the Sinhala language

පිරිමි බය කරන බෙලහීනතාව.


පිරිමින්ගේ ඇතිවන ලිංගික අප්‍රාණිකත්වය හෙවත් ලිංගික කාර්යයේදී ශිෂ්ණය නිසි ලෙස ප්‍රාණවත් කර ගැනීමට ඇති නොහැකියාව හෝ ප්‍රාණවත් වූ ශිෂ්ණය ලිංගික කාර්ය අවසාන වන තෙක් පවත්වා ගැනීමට ඇති නොහැකිව ලිංගික බෙලහීනතාවය (Erectile Impotence) ලෙස පසුගිය සතියේ අපගේ ලිපියෙන් හඳුනා ගත්තෙමු. මෙයට බලපාන ශාරීරික හා මානසික හේතු පිළිබඳවත් යම්තාක් දුරට එම ලිපියෙන් විග්‍රහ කළෙමු. ලිංගික බෙලහීනතාවය වටා අපගේ ආකල්ප, විශ්වාස සහ පරිසරාත්මක සාධක බොහොමයක් ඇති බව දැනටමත් අවබෝධ වී ඇත. ලිංගික බෙලහීනතාවයට කෝකටත් තෛලයක් ලෙස ‘ව්‍යාඝ්‍රා’ (Sildenafil) පෙති ගිලීමේ මිත්‍යාවද පළමු ලිපියෙන් යම්තාක් දුරට විස්තර කළෙමු. අපි අද ලිපියෙන් තවදුරටත් ගැඹුරෙන් ලිංගික බෙලහීනතාවය පිළිබඳ කරුණු විමසා බලමු.

සාර්ථක ලිංගිකත්වයකට නිවැරදි ආකල්ප වර්ධනය කුඩා කල සිටම සිදුවිය යුතුය. සමහර වැරදි ආකල්ප අපගේ මනසට කුඩා අවදියේම ඇතුළුවීම ලිංගිකත්වයට බාධාවකි. නිවැරදි ආකල්ප දරුවා තුළ වර්ධනය කිරීම දෙමාපියන්ගේ රාජකාරියකි. ලිංගිකත්වය පිළිබඳ කරුණු දරුවාගේ මනසට කුඩා අවධියේ සිටම ක්‍රමක්‍රමයෙන් ඇතුළු වේ. ඒවා වැරදි ලෙස දැකීම දරුවාගේ ආකල්ප වර්ධනයට විශාල බාධාවකි. මෙය පහත කතාවලින් අවබෝධ කර ගනිමු.

පසන්ගේ කතාව

පසන්ගේ වයස අවුරුදු 20යි. ඔහු ගණකාධිකාරීවරයකු වීමට වැඩිදුර අධ්‍යාපනය ලබමින් සිටී. පසන් සමඟ නිමේෂා ප්‍රේමයෙන් බැඳී දැනට අවුරුදු 2කි. දෙදෙනා අතර ලිංගික සබඳතාවයක්ද පැවතුණි. නමුත් පසන්ට තිබූ ගැටලුව වූයේ නිමේෂා සමඟ ලිංගික සංසර්ගයට යාමේදී ශිෂ්ණය නිසි ලෙස ප්‍රාණවත් නොවීමයි. ඔහුගේ ගැටලුව මෙසේ ඔහු ඉදිරිපත් කළේය.

“මම නිමේෂාට ආදරෙයි. අපි දෙන්නා අතර වෙන කිසිම ගැටලුවක් නැහැ. නමුත් ඇය සමඟ ලිංගික සංසර්ගයේ යෙදෙන විට විනාඩි දෙකක්වත් යාමට පෙර ශිෂ්ණයේ ප්‍රාණවත් වීම නැති වෙනවා. මට මේක ලොකු ගැටලුවක්. මට එකපාරටම හිතෙනවා මෙහෙම නිමේෂාත් එක්ක එකතුවෙන එක වැරදියි කියලා. නිමේෂාගෙ නිරුවත දකින විට ක්ෂණිකව මම කලබල වෙනවා. දැඩි ආශාවක් සමඟ බයක් දැනෙනවා.” අපි තවදුරටත් පසන්ගේ ළමා කාලය පිළිබඳව විමසා බැලුවේය.

“එතකොට මගෙ වයස අවුරුදු 10ක් විතර ඇති. අම්මා නානකොට, ඇඳුම් මාරු කරනකොට ඇය දිහා බලන් ඉන්න මම හරි ආසයි. මම මෙහෙම බලන් ඉන්නවා කියලා මට ගහපු වාර ගණන අනන්තයි. ඉන් පස්සෙ මට කාන්තාවකගෙ ඇඳුම් නැති පින්තූරයක් දැක්කත් අමුතුම බයක් එනවා.”

පසන්ගේ භීතිය සහ ලිංගික අප්‍රාණිකත්වයට හේතුව අම්මා විසින් දරුවා තුළ ලිංගිකත්වය පිළිබඳ ඇතිකර තිබෙන භීතියයි. මනෝ විශේෂඥයන්ට අනුව කුඩා දරුවකුට ඔහුට හෝ ඇයට ඇතිවන කුතුහලය නිසා දෙමාපියන්ගේ නිරුවත දැකීමට යම් ආකාරයක ආශාවක් ඇතිවේ. එසේ දැකීම දරුවාගේ මනසට කිසිම හානියක් ඇති නොකරයි. මෙය කුතුලය අවම කර ලිංගිකත්වය පිළිබඳ නිවැරදි ආකල්ප ඇති කිරීමට ඉවහල් වේ.

රශ්මිගේ කතාව

රශ්මිගේ වයස අවුරුදු 25යි. රශ්මි විවාහ වී වසර දෙකකි. සුනිමල්ට තිබූ ගැටලුව නම් තම බිරිඳ සමඟ එකතු වීමේදී ලිංගික කාර්යයේ නිසි ලෙස යෙදීමට අවශ්‍ය තරම් ශිෂ්ණයේ ප්‍රාණවත් වීම නැති වීමයි. සුනිමල් ඔහුගේ කතාව මෙහෙම කීවේය.

“මම මගේ බිරිඳට හරිම ආදරෙයි. ඒත් මට ඇය සමඟ ලිංගිකව එකතුවන විට අමුතුම බයක් සහ ලජ්ජාවක් දැනෙනවා. ලිංගික සංසර්ගයේදී ඇය මාව හරිම ඕනකමකින් උත්තේජ කරනවා. ඒත් sex කරන්න තරම් අවශ්‍ය තරමට මගේ ශිෂ්ණය ශක්තිමත් වෙන්නෙ නැහැ. ශුක්‍රාණු පිට කරන්නෙත් හරිම අමාරුවෙන්.” අපි සුනිමල්ගෙන් ඔහුගේ ළමා කාලය පිළිබඳ තවදුරටත් කරුණු විමසුවෙමු. ඔහු මෙසේ කීවේය.

“එතකොට මගේ වයස අවුරුදු 12ක් විතර ඇති. උදේ නැගිටින විට මගේ ශිෂ්ණය ප්‍රාණවත් වෙලා තියෙනවා. ඉතින් සමහර දවසට මම අතින් පිරිමැද ස්වයං වින්දනය කරනවා. දවසක් මෙහෙම කරගෙන ඉන්න විට මගේ අම්මා කාමරේට ආවා. ඇය මේක දැකලා මට හොඳට බැන්නා. ඕවා කළාම ශරීරය සහ මනස දෙකම දුර්වල වෙනවා කියලා අම්මා කීවා. මට ලොකු බයක් වගේම ලජ්ජාවක් ඇතිවුණා. මම කරන්නෙ ලොකු වරදක් කියලා නිතරම මට හිතුණා. ඉතින් ඊට පස්සෙ මේ ගැන යාළුවන්ගෙනුත් ඇහැව්වා. හුඟක් යාළුවෝ කීවෙ ස්වයං වින්දනය කිරීමෙන් ධාතු පිටවීම නිසා ශරීරය දුර්වල වන බවයි. ඒ ඇතිවුණු බය මට තවම තිබෙනවා.”

පිරිමි දරුවකුගේ වයස අවුරුදු 10ක් 15ක් වගේ අතර ලිංගික ආශාවන් උද්දීපනය වෙනවා. මෙහිදී එම ආශාවන් සමඟ ප්‍රාණවත් වූ ශිෂ්ණය ඔවුන්ට අලුත් අත්දැකීමක් වන අතර එහිදී ස්වයං වින්දනයේ යෙදෙනවා. ද්විතීක ලිංගික ලක්ෂණ සමඟ හෝමෝනවල ඇතිවන වෙනස් වීමද සමඟ මෙම ආශාව සම්පූර්ණයෙන්ම ස්වාභාවික ආශාවක්. එය කිසිසේත්ම මනසට හෝ ශරීරයට හානිකර නෑ. ස්වයං වින්දනය පිළිබඳ වැරදි ආකල්ප සමාජය තුළ එමටයි. දෙමාපියන් මේ ගැන ප්‍රවේශමෙන් ක්‍රියා කළ යුතු වෙනවා.

අඹු සැමි සබඳතාවයකදී ඇතිවන සමහර මානසික ගැටලු පිරිමින්ගේ ලිංගික අප්‍රාණිකත්වයට තවත් ප්‍රබල හේතුවක්. ජීවත් වන පරිසරය සහ එහි වටා සිටින පුද්ගලයන් සාර්ථක ලිංගික ජීවිතයකට ඉවහල් වන සාධක බව බොහෝ දෙනා දන්නෙ නැහැ. මෙහි පහත එන මාධවගේ කතාව මීට කදිම නිදසුනකි.

මාධවගේ කතාව

මාධවගේ වයස අවුරුදු 35යි. ඉංජිනේරුවරයකු ලෙස සේවය කරන මාධව විවාහ වී දරුවන් දෙදෙනෙක් සිටිනවා. මාධව දිලිනි සමඟ අවුරුදු 5ක ආදර සම්බන්ධතාවයකින් පසු විවාහ වී තිබෙනවා. දැනට අවුරුදු 3ක් පමණ කාලයක් තුළදී බිරිඳ සමඟ එකතු වීමේදී ශිෂ්ණය නිසි ලෙස ප්‍රාණවත් කර ගැනීමට නොහැකි බව අපට පැවසුවා. මාධව අපට මෙසේ පැවසීය.

“දැන් අවුරුදු 5ක් වෙනවා මම ඉන්නෙ බිරිඳගෙ ගෙදර. ඉස්සර අපි හිටියෙ මාතර අපේ ගෙදර. දරුවො දෙන්නා පාසලකට දාන්න ඕන නිසා කොළඹට ආවා. බිරිඳගෙ මහගෙදර තියෙන්නෙ කොට්ටාවෙ. අපි දැන් ඉන්නෙ කොට්ටාවෙ. මේ ගෙදර මහ අපායක්. මගේ බිරිඳගෙ තාත්තත් බේබද්දෙක්. මාමයි නැන්දම්මයි අතර හැම තිස්සෙම රණ්ඩු. අපිට කිසිම වැඩක් නිදහසේ කරන්න බැහැ. නැන්දම්මා හරිම නපුරුයි. හරිම කුහකයි. අපි දෙන්නා තනියම කාමරේ කතා කර කර හිටියත් එතනටත් ඇවිත් එබෙනවා. මේක මගේ මනසට හරිම පීඩනයක්. මගේ බිරිඳ ගැන එච්චර ආශාවක් දැන් ඇතිවෙන්නෙ නැහැ. ඇයත් මේ නැන්දම්මගෙ දුව කියල තමයි මට නිතරම හිතෙන්නෙ. ලිංගිකව එකතු වෙන්න ගියත් මට ලොකු ආදරයක් ආශාවක් ඇය ගැන ඇතිවෙන්නෙ නැහැ. එකතුවෙලා විනාඩි තුනක් හෝ හතරක් යන්නත් ප්‍රථමව ප්‍රාණවත් වීම නැතිවී යනවා.”

පිරිමින්ගේ ලිංගික බෙලහීනතාවයට දෙදෙනා අතර ඇති සම්බන්ධතාවය සහ ජීවත් වන පරිසරය ඉතා වැදගත් සාධකයක් බව බොහෝ දෙනා නොදන්නා කරුණකි. ආදරය ප්‍රේමය සහ ආශාව තනිව බෙදාගත හැකි සුසංයෝගයක් නොවේ. එකිනෙකා අතර බෙදාගෙන රසවිඳිය හැකි සම්බන්ධතාවයකි. මිනිසාට ජීවිතය විඳීමට සාමූහිකත්වයේ ඇති වැදගත්කම මෙම කතාවෙන් පැහැදිලි වේ.

►කිරිබත්ගොඩ මූලික රෝහලේ මානසික වෛද්‍ය: නයනානන්ද කුමාරනායක

This is the one and only positive sex educational website in sri lanka and written in Sinhala language

සුරාන්තය ප්‍රමාද කරමු!


සුරාන්තය කියන්නේ ඉතින් සරලව කියනවනම් ලිංගික සංසර්ගයකදී (යෝනි, මුඛ හෝ ගුද) හෝ ස්වයං වින්දන ක්‍රියාවලියක් අවසානයේ පිරිමි කට්ටියගේ ශුක්‍රාණු පිට වීමේ ක්‍රියාවලියට.. ගැහැණු අයගෙත් සුරාන්තයේදී තරලයක් පිට වීමක් සිදු වෙනවා...

හරි ඉස්සෙල්ලාම අපි බලමු කොහොමද මේ සුරාන්තයට පත්වීම සිදුවන්නේ කියලා ඉතාමත් කෙටියෙන්. ඒ ක්‍රියාවලිය පාලනය කරන්නේ මධ්‍යය ස්නායු පද්ධතියේ මැදිහත්වීමෙන්.ඒ සඳහා අනුවේගී සහ ප්‍රත්‍යයානුවේගී කියන ස්වයං සාධක ස්නායු පද්දතිය බලපානවා....

අපේ ශිෂ්ණයේ ඉදිරියෙන්ම තියනවා ශිෂ්ණ මුණ්ඩය (Glans Penis) කියලා කොටසක්.. ඒක ආවරණයකින් එහෙමත් නැත්නම් පෙර සමකින් (Foreskin) කියලා එකකින් ආවරණය වෙලා තියෙන්නේ. 



ඒ ආවරණය ශිෂ්ණ මුණ්ඩය දක්වා විතරයි ලිංගිකව එකතු නොවුන කෙනෙක් ගේ පසු පසට ඇදෙන්නේ.. නමුත් රළු විදිහට ලිංගිකව එකතු උනහම මේ ආවරණය ශිෂ්ණ මුණ්ඩය ඉක්මවා පහලට යෑම සිදුවෙනවා.. ඒකට තමයි අපේ කට්ටිය ඔය නූල කැඩෙනවයි (Tearing of the frenulum) කියන්නේ.

ආයේ ට්‍රැක් එකට පනිමු.. ඔය ශිෂ්ණ මුණ්ඩයේ තියන සංවේදී ප්‍රතිග්‍රාහක උත්තේජනය වීමෙන් සංවෙදන මධ්‍යය ස්නායු පද්ධතියට ගොහින් ලැබෙන ප්‍රතිචාරයේ අවසන් ප්‍රතිපලය තමයි සුරාන්තය විදිහට ශුක්‍ර තරලය පිටවීමකින් අවසන් වෙන්නේ...

සුරාන්තය ප්‍රමාද කරන්න පුලුවන් ක්‍රම ගොඩාක් තියනවා.

1.ආරක්ෂිත කොපු පැලදීම.

ආරක්ශිත කොපු පැලදීමෙන් සුරාන්තය අනිවාර්‍යයෙන්ම දිගු වෙනවා... ඒකට අදාල හේතුව මම උඩ පැහදිලි කල බයිලාවෙන් අවබෝද කරගන්න පුලුවන්.. ශිෂ්ණ මුණ්ඩයේ තියන සංවේදී ප්‍රතිග්‍රාහක උත්තේජනය වීම තරමක් දුරට ආවරණයක් වීම සිදුවෙනවා කොන්ඩම් පැළදිම මගින්.. 

ඒ නිසා කොන්ඩම් නොදා ලිංගික එක්වීමකදී සුරාන්තයට පත්වීමට ගතවන කාලයට වඩා වැඩි කාලයක් කොන්ඩම් දැමීමෙන් අල්ලලා ඉන්න පුලුවන්.ඔය වැඩේ සාමාන්‍යය කොන්ඩමයක් පැලදීමෙනුත් කළ හැකියි.. ඒ වගේම කොන්ඩම් එකේ ඝනකම වැඩිවෙන තරමට අල්ලලා හිටින්න පුලුවන් කාලයත් වැඩියි...

ඒ වගේම තියනවා නිර්වේදනික ජෙල් ආවරණයක් සහිත කොන්ඩ්ම් විශේෂ.. ඒකෙනුත් කරන්නේ ශිෂ්ණ මුණ්ඩයේ තියන සංවේදී ප්‍රතිග්‍රාහක උත්තේජනය වීම ප්‍රමාද කිරීමයි.. 

හැබැයි රජෝ එතකොට ඔය දැනෙන හැගීම දැනෙන්නේ නැහැ.. මොකද ශිෂ්ණය හිරි වැටීමකට ලක්වෙලා තියන නිසා.. එමගින් තම සහකාරියට වැඩිවේලාවක් ලිංගික තෘප්තිය දෙන්න පුලුවන් උනාට පිරිමියට මෙලෝ ආතල් එකක් නැති වෙනවා... 

හැබැයි පු‍තෝ කොන්ඩම් එකේ හරි පැත්ත දාගන්න ඕනේ... ඒ කිව්වේ ජෙල් එක ශිෂ්ණය ඇතුලට දමන පැත්තට... 

නැත්නම් ප්‍රමාද වීම කෙසේ වෙතත් හයියෝ මූ පැයක් විතර දැඟලුවාට මටනම් දැනුනෙවත් නෑ කියලා තමුන්ගේ ප්‍රියම්බිකාවගෙන් ඇනුම් පද අහගන්න තමයි වෙන්නේ... ඇයි යකෝ ජෙල් එක ගෑවෙන තැනනේ හිරි වැටෙන්නේ. 

2.නිර්වින්දක ක්‍රීම්, ජෙල් ආලේපනය.

ලිංගික ක්‍රියාවලිය නිරත වෙන්න කලියෙන් නිර්වින්දක ක්‍රීම් හෝ ජෙල් ශිෂ්ණ මුණ්ඩයේ ආලේප කර මද වෙලාවක් සිටීමෙන් අනතුරුව ලිංගික ක්‍රියාවලියේ යෙදීමෙනුත් සුරාන්තය ප්‍රමාද කරගන්න පුලුවන්.

හැබැයි කලින් කිව්වා වගේ හැගීම් දැනීම් පිරිමියට අඩු වෙන්න පුලුවන් හිරි වැටීමකට ලක්වෙන නිසා.. ඒ වගේම ගැහැණු කෙනාටත් දීර්ඝ කාලයක් සංසර්ගයේ යෙදීම කරදරයක් වෙන්න පුලුවන්..ජෙල් එක හොදලා යැව්වාම ආයේ සාමාන්‍යය විදිහට දැනීම ඇති වෙනවා...

3.සෘජු පීඩනයක් යෙදීමේ ක්‍රමය.

මේකෙදි වෙන්නේ සුරාන්තයට පත්වෙන්න ආසන්නයි කියලා තමුන්ට දැනෙන කොටම සෘජුව පීඩනයක් එල්ල කිරීමෙන් ටිකක් ප්‍රමාද කරගන්න පුලුවන්... කොහෙටද දැන් ඔය පීඩනය යොදවන්නේ...???

3.1.වුෂණ කෝශයයි ගුද විවරයයි අතර මැදි ප්‍රදේශයට (Perineal region) පීඩනය එල්ල කරන්න පුලුවන්.වුෂණ කෝෂයේ නිපදවන ශුක්‍රණු සහිත ශුක්‍ර තරලය මුත්‍රා මාර්ගයට එකතු වෙන්නේ පුරස්ති ග්‍රන්තිය (Prostate) කියලා ග්‍රන්තියක් හරහා.

ඔය ග්‍රන්තිය තද කිරීමකට ලක්කරගන්න පුලුවන් පීඩනයක් ඔතනට එල්ල කිරීමෙන්..එමගින් සුරාන්තය ප්‍රමාද කරගන්න පුලුවන්... ඒ සදහා තමුන්ගේ බිරිදටම කියන්න පුලුවන් තමුන්ගේ ඇඟිලි වලින් එතන තද කරන්න කියලා.

3.2.සුරාන්තයට පත්වෙන්න ආසන්න වෙද්දී වුෂණ කෝෂ සහිත මල්ල (Scrotum) ශරීරය ආසන්නයට ඇවිත් තදවීමක් වෙනවා.. ස්වයං වින්දනය කරන අපේ සහෝදරයොත් ඒක දන්නවානේ.දන්නේ නැත්නම් අද රෑට බලා ගන්නකෝ..

සුරාන්තයට පත්වෙන්න ආසන්නයි කියන හැඟීම එන කොට ඒ මල්ලේ උඩ කොටසින් අල්ලලා පහලට ඇදීමක් කිරීමෙන් ශරීරයෙන් ඉවතට ඇදීමෙන් පීඩනයක් ඇති කරන්නත් පුලුවන්.. 

ලිංගික එකතු වීමකදී ශිෂ්ණය යෝනී මාර්ගය ඇතුලේ තියෙද්දිම කරන්න පුලුවන් ක්‍රමයක් වීමයි මේ ක්‍රම දෙකේ තිබෙන වාසිය.

4.නැවතීමේ හා යලි පටන් ගැනීමේ ක්‍රමය.

මේක නම් බොහොම සරල ක්‍රමයක්.. ලිංගික එකතු වීමකදී සුරාන්තයට පත්වීමට ආසන්න වන විටක තව දුරටත් මහන්සි වෙන්නේ නැතුව ශිෂ්ණය යෝනි මාර්ගයෙන් පිටතට අරගෙන තත්පර 30 ත් පමණ කාලයක් මොකුත් නොකර නැවතී සිටින්න පුලුවන්.. ඊට පසුව නැවත් සුපුරුදු පරිදි මහන්සි වෙන්න පුලුවන්.. ඔය ක්‍රමය මගින් තමුන්ට ඕන වෙලාව දක්වා දික් කරගන්න පුලුවන්.. 

5.අග මිරිකීමේ ක්‍රමය

මේකත් හරිම සරල ක්‍රමයක්... ලිංගිකව ලිංගික එකතු වීමකදී සුරාන්තයට පත්වීමට ආසන්න වන විටක කලින් වගේම තව දුරටත් මහන්සි වෙන්නේ නැතුව ශිෂ්ණය යෝනි මාර්ගයෙන් පිටතට අරගෙන ශිෂ්ණ මුණ්ඩයත් ශිෂ්ණ දඩු කොටසත් හමුවෙන තැන.. ඒ කිව්වේ ශිෂ්ණ ගෙල කොටස මහපට ඇගිල්ලත් දබර ඇගිල්ලත් උපයෝගී කරගෙන තත්පර 10 ක් පමණ තද කරගෙන සිටීම් කරන්න ඕනේ..

ඊට පස්සේ තවත් තත්පර 30 ක් පමණ පොඩ්ඩක් මහන්සි ඇරලා ආයෙත් වැඩ පටන් ගන්න තියෙන්නේ.

4 ක්‍රමයට වඩා මෙම ක්‍රමය සාර්ථකයි... 4,5 ක්‍රම දෙකෙම සාර්ථක පහසු ක්‍රම උනාට යෝනි මාර්ගයෙන් ශිෂ්ණය පිටතට ගැනීම සිදු කරන්න වෙන එක අවාසියක්.

6.සංසර්ග වේගය අඩු වැඩි කිරීම.

මේකදි තියෙන්න සංසර්ගය කරන වේගය අඩු වැඩි කිරීම.. ඔය සමහර ලිංගික එකතු වීම් තියෙනවා හරියට නිකන් ලී මෝලේ කොට ඉරන්නම් වගේ...ක්‍රියාකාරීත්වය උපරිමයි... ලිංගික එකතු වීමේ වේගය ඒ කිව්වේ යෝනී මාර්ගයට ශිෂ්ණය ඇතුලු කිරීමත් එලියට ගැනීමත් කියන දෙක සිදුකරන වේගයඉතාමත්ම වැඩියි...

එහෙම උනහම වෙන්නේ කොහොමත් ඉක්මනින් ශිෂ්ණ මුණ්ඩය උත්තේජනය වෙලා සුරාන්තයට පත්වීම ඉක්මන් වෙන එක... එහෙනම් මොකක්ද මේකට කරන්න ඕනේ...??? 

ලිංගිකව එකතු වීමේදී සමහර තැන් වලදී වේගය වැඩි කිරීමත් සමහර තැන් වලදී වේගය අඩු කිරීමත් ක්‍රමානුකූලව නියමිත පරතරයන් ඇතුව කිරීම මගින් සුරාන්තයට පත් වීම ප්‍රමාද කරගන්න පුලුවන්... 

7.හැඟීම් හා සිතිවිලි පාලනය.

මේ ක්‍රමය ඇත්තටම මානසිකව පාලනය කිරීමේ ක්‍රමයක්.. 

a.අපේ හිතේ පීඩනයක් තියනවනම් එහෙමත් නැත්නම් ඔය සමහරු සිංහලෙන් කියන Stress තත්වයකින් හිත අවුල් වෙලා නම්; සරලවම කියනවනම් හිතේ අනම් මනම් ප්‍රශ්ණ පුරවගෙන ලිංගික කාර්‍යයේ යෙදෙනවනම්  එහෙම කෙනෙක්ගේ සුරාන්තයට පත් වීම ඉක්මනින් සිදුවෙන්න පුලුවන්... දැන් මොනවද ඔය ප්‍රශ්ණ...???

කෙනෙක් හිතනවා තමුන්ගේ සුරාන්තයට පත්වීම ඉක්මන් වැඩී කියලා, තව කෙනෙක් හිතනවා තමුන්ට තමුන්ගේ ප්‍රියම්බිකාව තෘප්තිමත් කරන්න බැහැ කියලා, සමහරු හිතනවා තමුන්ගේ ශිෂ්ණය කුඩා සයිස් හා ඒක ප්‍රමාණවත් මදි කියලා.. ඔන්න ඔය වගේ ප්‍රශ්ණ ගැනයි මම කිව්වේ... 
අන්නඑහෙම ලිංගික ප්‍රශ්ණ ඔලුවේ පුරවගෙන ලිංගිකව එකතු වෙන්න ගියාම සුරාන්තයට පත් වීම කොහොමත් ඉක්මනින් වෙනවා.ඒ සදහා තමුන්ගේසහකාරියගෙන් දැනුවත්ව හෝ නොදැනුවත්ව එල්ල වන පීඩනයත් බලපානවා.. එහෙනම් මේකට අපි මොකක්ද කරන්න ඕනේ...??? 

ලිංගිකව එකතු වීමේඅවසානය සුරාන්තයකින්ම අවසන් වෙන්න ඕනේ කියන හැගීම යටපත් කරගන්න පුලුවන් ඒ කිව්වේ අනේ මට යන්න වගේ යන්න වගේ කිය කියා හිතන්නේ නැතුව කිරීම, ලිංගිකව එකතු වීම මේ ප්‍රියම්බිකාව පිට නොයා තියා ගන්න කරන්න ඕනේ දෙයක් කියලා හිතන්නේ නැතුව තමුන්ගේත් ප්‍රියම්බිකාවගේත් වින්දනය උදෙසා කරන්න ඕනේ දෙයක් කියලා හිතට කාවද්ද ගන්න ඕනේ, ලිංගික එකතු වීමේදී තමුන්ගේ සහකාරියට තමුන්ගෙන් අවශ්‍යය දේ අහලා බලලා ලබා දෙන්න ඕනේ... ඒ ගැන ලැජ්ජා නොවී එයා සමග කතා කරන්න ඕනේ එකතු වෙන ගමන් ඔය යාලු වෙලා ඉන්න කාලේ කියන චා‍ටු කතාවක් දෙකක් කියන්න ඕනේ...

එහෙම කරන කොට අර හිතේ තියන පීඩනය, නැත්නම් සහකාරියගෙන් දැනුවත්ව හෝ නොදැනුවත්ව එල්ල වෙන පීඩනය නැති වෙලා යනවා... 
එහෙමත් නැත්නම් ලිංගිකව එකතු වෙන්න පෙර භාවනා කිරීමෙන් එහෙමත් නැත්නම් ලස්සන හිත එක්කලාසයක් කරන සිංදුවක් වගේ එකකට ඇහුම්කන් දීලත් වැඩ අල්ලන්න පුලුවන්....

b.හැගීම හා සිතිවිලි පාලනය කරගන්න කරන්න පුලුවන් තවත් දෙයක් තමයි හිත වෙන දෙයක් වෙත යොමු කිරීම..ඒ කිව්වේ මචංලා තමුන්ගේ සහකාරිය එක්ක ලිංගිකව එකතු වෙද්දි රාණි මුකර්ජී ගැනවත් ඇන්ජලීනා ජොලී ගැනවත් හිතන එක නෙමෙයි.. ලිංගික නොවන දේවල් ගැන හිතීමයි...

උදාහරණයක් ගැන කියනවනම් ඔය පැට්ට්‍රල් රුපියල් 10 කින් වැඩි වෙලා, හෙට අනිද්දා පාන්, බනිස් වැඩි වෙනවා, ලසිත් මාලිංගගේ පන්දු යැවීම වගේ  හැගීම් ගැන සුරාන්තයට පත්වීමට ආසන්නයි කියලා තේරෙද්දී හිත යොදවන්න පුලුවන්නම් සුරාන්තයට පත්වීම ප්‍රමාද කර ගන්න පුලුවන්... 

හැබැයි ඉතින් මනෝ ගගහා විනාඩි ගනන් හිටියොත් නම් ශුවර් සහකාරිය හිතාවි තමුගේ මනුස්සයා ඇන්ජලීනා ජොලී ගැන තමයි හිතන්නේ කියලා.. ඒ නිසාතත්පර 10 - 15 ක් වගේ කාලයක් ඒ වගේ දෙයක් ගැන හිතන පුලුවන්... පස්සේ ආයේමත් තමුන්ගේ සුපුරුදු සිහියට ඇවිලා කරන වැඩේ සිහියෙන්කරගන්න පුලුවන්... එහෙම කරලත් සුරාන්තය ප්‍රමාද කරගන්න පුලුවන්...

දැන් සමහරු මගෙන් අහවී පලවෙනි පෝස්ට් එකේ කිව්ව විදිහට ශිෂ්ණ මුණ්ඩය උත්තේජනයකින් නම් සුරාන්තයකට පත් වෙන්නේ හැඟීම් වලින් ඇති වෙනබලපෑම මොකක්ද කියලා... ඕක මේක කියවන උඹලාට වැඩක් නැති වෙන්න පුලුවන්.. ඒත් මෙතන ඉන්න සමහරු; මම දන්නවාද බලන්න අහන්න පුලුවන්.. විශේෂයෙන් ඒ ගැන දන්න උන්ම තමයි අහන්නේ..ඒ නිසා හැමෝම සනසවන්න බැරි උනත් පුලුවන් උපරිම සනසවන්න ඕනේ නිසා ඒ දේ වෙන විදිහත් මම ඉතාමත් කෙටියෙන් කියන්නම්... 

අපේ ශරීරයේ ස්නායු ඔස්සේ මධ්‍යය ස්නායු පද්දතියට ආවේග ගෙන යද්දි ඒ ගෙනයන ආවේග කපා හැරීමකට ලක් කරන්න පුලුවන් සිතිවිලි මැදිහත් වීමකින්.කෙටියෙන් කියනවනම් ඒ ක්‍රියාවලිය Stress-induced Analgesia කියලා කියනවා...

උදාහරණයක් කියනවනම් යුද්දෙට යන හමුදා සෙබලෙක්ට වෙඩි වැදිලා තමුන්ගේ කකුලෙන් ලේ ගැලීමක් සිදු වෙන්න පුලුවන්.. ඒත් එම අවස්තාවේදී තමුන්ගේ හිතේ තියෙන්නේ වෙනත් අරමුණක් නිසා ඒ අරමුණ ඉ‍ටු වෙනකන් අර වෙඩි වැදිලා දැනෙන කැක්කුම දැනෙන්නේ නැහැ.. තවත් විදිහකට පැහැදිලි කරනවනම් හිතපල්ලා එකෙක් උඹට ගැහුවා අත දිග ඇරලා කම්බුලට ඒ වෙලාවේ උඹට මල පැනලා අරූට ගහනවා ගැහිල්ලක් දුවන්නම... ඔක්කොම ඉවර වෙලා බලද්දි මෙන්න බොලේ අරූ ගහපු කනේ පාරට තොලත් පැලිලා ලේ ගලනවා... එතකොටයි තුවාලේ කැක්කුම එන්නේ... 

අන්න ඔය උඩ කිව්ව සංසිද්දිය නිසා අපේ හිතේ හැඟීම් පාලනය කිරීමෙන් සුරාන්තය ප්‍රමාද කරන්න පුලුවන්... 

8.ලිංගික ඉරියව් වෙනස් කිරීම.

සමහර ලිංගික ඉරියව් තියනවා ශිෂ්ණ මුණ්ඩය මත අඩුවෙන් පීඩනයක් ඇති කිරීමෙන් එය උත්තේජනය කිරීම අඩු කරන.. තවත් සමහර ඉරියව් තියනවා ශිෂ්ණමුණ්ඩය මත වැඩියෙන් පීඩනයක් ඇති කිරීමෙන් එය උත්තේජනය කිරීම වැඩි කරන.

සුරාන්තයට පත්වීම ප්‍රමාද කරගන්න ඕනේනම් ඒ ඒ ඉරියව් ‍තෝරා බේරාගෙන මුලින් සහ පසුව කිරීමට යොදා ගන්න...

උදාහරණයක් කියනවනම් Woman-on-top (පොල් ලෙලි ගැසීම්  හා ඒ ඉරියව්වට සමගාමී ඉරියව්) Side-by-side, Spooning වගේ ඉරියව් වලින් උත්තේජනය කිරීම අඩු කරන අතර Missionary, Rear-entry(Doggy Style) වගේ එව්වා වලින් උත්තේජනය කිරීම වැඩි කරනවා... 

හැබැයි ඉතින් හැමදාමත් පොල් ලෙලි ගහන්න යන්න එපා එතකොට ප්‍රියම්බිකාව කෑම බීම හදන්න පොල් ලෙලි ගහන්න කලින් තමුන්ට කතා කොරලා පොල් ගෙඩිය දෙන්න බැරිකමක් නෑ "ගහපිය ලෙලි තමුසෙට හොදටම පුලුවන් මේකනේ" කියලා...

9.Kegel exercises භාවිතය.

සුරාන්තය ප්‍රමාද කිරීමට කරන්න පුලුවන් අතිශයින්ම සාර්ථක ක්‍රමයක් තමයි Kegel exercises කියන්නේ... 

අපේ ශරීරයේ ලිංගික ප්‍රදේශයේ තියනවා Pubococcygeus (PC) muscle කියලා මංශ පේශියක් .. අවබෝද කර ගැනීම පිණිස පහලින් පින්තුරයක් දාන්නම්.


මේ මංශපේශිය තද කිරීමේන් මිරි කීමකට ලක් කිරීමෙන් සුරාන්තය ඉතාමත් සාර්තක විදිහට පාලනය කරගන්න පුලුවන්... කරන්න ඕනේ සුරාන්තයට පත්වෙන්න ආසන්නයි කියලා දැනෙන කොට එම පේශිය තද කරලා මිරිකගෙන තත්පර 10 - 15 ක් සිටීම පමණයි..හැබැයි පු‍තෝ ඔය මිරිකිල්ල ලේසී නැහැ නිකන් බෙල්ල මිරිකනවා වගේ වැඩක්.. 

අන්න ඒ නිසා ඒ මාංශ පේශිය මිරීකීමට තද කිරීමට ලක් කරගන්න පුහුණු වෙන්න ඕනේ.. අන්න ඒ ක්‍රියාවලියටයි Kegel exercises කියන්නේ.. Kegel exercises ගැන හරියටම මෙතන කියන්න ගියොත් පෝස්ට් එක මාගලක් වගේ දික් වෙනවා.. ඒ නිසාඉතාමත් සරළව කියන්නම් කෙටියෙන්.. 

හරි ඉස්සෙල්ලාම කියන්න එපායෑ කොහොමද Pubococcygeus (PC) muscle කියන මාංශපේශිය තියෙන තැන අල්ල ගන්නේ කියලා.. මෙහෙමයි මුලින්ම නාන කාමරයට ගිහිල්ලා දොර එහෙම වහගෙන  තමුන්ගේ වුෂණ කෝෂ සහිත මල්ලට පිටිපස්සෙන් අතේ ඇඟිලි දෙකක් හෝ තුනක් තියාගන්න තියාගෙන මුත්‍රා කරන්න කරන අතර තුරේ එක පාරට මුත්‍රා කිරීම නවත්තන්න උත්සහා කරන්න..එතකොට ඔයාට තේරේවි මාංශ පේශියක් තද වීමකට ලක් වෙනවා... අන්න ඒකට තමයි Pubococcygeus (PC) muscle කියන්නේ... 

දැන් මාංශ පේශිය තියන තැන දැන ගත්තනේ.එහෙනම් දැන් තියෙන්නේ දවසට තුන් පාරක් විතර වරකට 20 - 30 වාරයක් ඔය මාංශ පේශිය තද කිරීම ලිහිල් කිරීම කියන ව්‍යයාමය කිරීමයි.. ඕක කරන්න තැනක් ඕනෙ නෑ පාඩම් කරලා බෝරිං වගේ නම් අතර මැද්දේ, පු‍ටුවේ වාඩි වෙලා පත්තරේ කියෝන ගමන්, වාහනේ ට්‍රැ‍ෆික් එකේ නවත්තගෙන ඉද්දි වගේ ඕනේ වෙලාවක අවුලක් නැහැ.. 

හැබැයි කාටවත් පේන්න කරන්න එපා එතකොට දකින එකා හිතාවි එක්කො මූ කොලු කාරයෙක් නැත්නම් මානසික පිස්සෙක් කියලා..මාසයක් දෙකක් ගත වෙද්දි ඒ පේශිය වඩා සවිමත් වීමත් ඒ වගේම සුරාන්තයට ලක් වෙද්දි පහසුවෙන් මිරිකීමටත් ලක් කරගන්න පුලුවන්... 

එමඟින් සුරාන්තය ප්‍රමාද කරගන්නත් පුලුවන්...තවත් විස්තර ඕනේ නම් ගූගල් දෙයියන්ගේ Kegel exercises කියලා ගහලා බලන්න...

10.ඔයිට අමතරව 

තව තෙත තුවායකින් ශිශ්ණය පිසීම, ලිංගික ක්‍රියාවලිය අතර මැද නවත්වා තොල් දැමීම, හංස යුවල සුරතල් කිරීම වගේ එව්වා කරන්නත්පුලුවන්.. 

මොකද මානසික බලපෑම් නිසා ක්ෂණිකමෝචනය කියන එක ඇති වෙන්න පුලුවන්.. ඒක තමයි අන්තිම විකල්පය.උඩ කියපු එකකින්වත් කරගන්න බැරිනම් ප්‍රශ්ණෙට විසඳුම අනිවා මේකෙන් ලැබෙනවා බොහෝම වගකීමෙන් කියන්නේ.. 

ඒක ලැජ්ජ වෙන්න ඕනේ දෙයක් නෙමෙයි.මානසික ලෙඩක් තියනවයි කියලා හිතන්න එපාලා.. ගිහින් හම්බුවෙලා කතා කරන්න..වෛද්‍යයවරයා සමහර විට උපදෙස් විතරක් දේවී, නැත්නම් මානසික තත්වය සමතයකට පත් කරවන්න බෙහෙත් දේවි.ඒ බෙහෙත් අවශ්‍ය නම් මට ඒක ලබා දෙන්න පුළුවන්

එහෙනම් හැමෝටම සාර්තක ලිංගික ජීවිතයක් ගත කරන්න ශක්තිය, ධෛර්‍යය ලැබේවා කියලා ප්‍රාර්තනා කරනවා...ජය වේවා.....!!!

This is the one and only positive sex educational website in sri lanka and written in Sinhala language

පිරිමිකම නසන මහ ලෙඩේ!

පිරිමියෙකුට නිසි ලිංගික කාර්යයක යෙදීම සඳහා තම ශීෂ්ණය නිසි ලෙස ප්‍රාණවත් විය යුතුය. සමහර විට ප්‍රාණවත් කිරීමට ඇති අපහසුව, ප්‍රාණවත් වූ ශීෂ්ණය ලිංගික කාර්ය අවසාන වනතෙක් ඍජුව තබාගැනීමට නොහැකි වීම. එසේත් නොමැති නම් ලිංගික කාර්යයේ යෙදෙන අතර ප්‍රාණවත් වූ ශීෂ්ණයේ එම ප්‍රාණවත් ගතිය නැතිවීම, ලිංගික බෙලහීනතාවයක් ලෙස හඳුන්වනු ලැබේ. මෙම බෙලහීනතාව අඹු සැමියන් අතර බොහෝවිට රහසක්ව පවතී. අඹුසැමියන් අතර ගැටලු ඇතිවී සමහර විට පවුල් අවුල්වීම, දික්කසාදවලින් කෙලවර වීම වැනි තත්ත්වයන්ගෙන් මෙය අවසන් විය හැකියි. මෙවැනි ගැටලු විසඳාගැනීමට ඇති ප්‍රධාන බාධාව නම් මෙම ප්‍රශ්නයට මුහුණ දුන් අඹුසැමියන් සමහර වෛද්‍යවරුන්ට යොමුවූ විට බොහෝ අවස්ථාවල “ව්‍යාඝ්‍රා” (රසායනික නම සිඩනෆිල් - Sidenafil) නැමති ඖෂධය ලබාදී ඉන් පමණක් මෙම තත්ත්වය සුවකිරීමට උත්සාහ ගැනීමයි.

මෙය හොඳ සාර්ථක ක්‍රමයක් නොවේ. මන්දයත් ලිංගික බෙලහීනතාවයට මානසික හා ශාරීරික යන කරුණු දෙකම බලපාන බැවිනි. ඕනෑම වෛද්‍යවරයකුට පහසුවෙන් ඖෂධයක් නියම කළ හැකිය. නමුත් සාර්ථක ප්‍රතිකාරයකට ලිංගික බෙලහීනතාවයට හේතුවන කරුණු නිසි ලෙස සොයාගත යුතු අතර මෙහිදී මනෝචිකිත්සක ලිංගික ප්‍රතිකාර ක්‍රමද (Sex Therapy) භාවිතා කළ යුතුය. ලිංගික බෙලහීනතාවය අවු. 35ට අඩු පිරිමින්ගේ 10% ප්‍රමාණයකට ද අවු. 60ට වැඩි පුද්ගලයන්ගෙන් 50%කට වැනි ප්‍රමාණයකට ද ඇතිවිය හැකි බව සමීක්ෂණවලින් පෙන්වා දී ඇත.

ලිංගික බෙලහීනතාවය ඇතිවීමට බලපාන කරුණු රාශියක් පිළිබඳ අපි එකින් එක විමසා බලමු. මෙම තත්ත්වය ඇතිවිය හැකි බොහෝ හේතූන් ඔබගේ හැසිරීම් සහ චර්යාවන් වෙනස් කරගැනීමෙන් අවම කර ගතහැකි හෝ සනීප කරගත හැකි බව බොහෝදෙනා නොදන්නා රහසකි. 

පහත සඳහන් හේතූන් ලිංගික බෙලහීනතාවය ඇතිවීමට ප්‍රධාන හේතු ලෙස සොයාගෙන ඇත. මානසික අවපීඩනය, මුත්‍රාශයේ ඇතිවන ආසාදන, අධික රුධිර පීඩනය, කොලස්ටරෝල් වැඩිවීම, දියවැඩියාව, දුම්පානය, තරබාරු බව, ශරීරයට නිසි ව්‍යායාමයක් නොමැතිවීම සහ මනසේ ඇති නොයෙකුත් වැරදි විශ්වාසයන් සහ භීතීන්ද මෙයට බලපාහැකිය.

ඔබ තුළ ලිංගික ආශාව වර්ධනය වීමට බලපාන ප්‍රධාන ඉන්ද්‍රීය ඔබගේ මොළය වේ. ආශාව, තෘප්තිය දැනෙන්නේ ඔබේ මොළයටය. නීරෝගී සහ සන්සුන් මනසකට ලිංගික ආශාව විඳීමේ හැකියාව බොහෝ සේ වැඩිය. පිරිමියකුගේ ලිංගික ප්‍රාණවත් වීමට ශීෂ්ණයේ ඇති රුධිර වාහිණීවලට හොඳ රුධිර සැපයුමක් තිබිය යුතුය. ශීෂ්ණයේ ඇති රුධිර නාල හොඳින් විස්තාරණය වීම නිසි ලෙස සිදුවන්නේ මොළය තුළින් එන පණිවිඩය අනුවය. නමුත් මොළය තුළින් කොතරම් හොඳ පණිවිඩයක් ලැබුණත් ශීෂ්ණයේ ඇති රුධිර වාහිනීවල කොලස්ටරෝල් තැම්පත් වී යම් සිරවීමක් සිදුවී ඇත්නම් ප්‍රාණවත් වීමට අපහසුය. ඕස්ට්‍රේලියාවේ විශේෂඥයන් විසින් කරන ලද එක් සමීක්ෂණයකදී පෙන්වා තිබෙන අයුරු අවු. 40ට අඩු යම් හෘදයා බාධයකින් පෙලුණු අයගෙන් බොහෝදෙනා ලිංගික බෙලහීනතාවයට ගොදුරු වන බවයි. අපි මෙහෙම බලමු ඔබට ශීෂ්ණය ප්‍රාණවත් වීමේ ගැටලුවක් ඇත්නම් ඔබගේ වයස අවු.40ට අඩු නම් යම් හෘදයාබාධයකට ඔබ ගොදුරැ වී ඒ ගැන තවමත් නොදැනුවත්වී සිටීමට ඇති හැකියාව අතිශයින්ම වැඩි බව මතක තබාගත යුතුය.

ළමා කාලයේදී ඔබ යම්කිසි ලිංගික හෝ මානසික හා ශාරීරික අපයෝජනයන්ට ගොදුරු වී ඇත්නම් වැඩිහිටියකු ලෙස යම් දිනක සාර්ථක ලිංගික ජීවිතයක් ගතකිරීමට ඇති බාධාවන් බොහෝය. අපි නිදසුනක් ගෙන මෙය බලමු නිමල්ගේ වයස අවු. 30යි. විවාහ වී දැනට අවු. 2යි. තවමත් දරුවන් නැත. නිමල්ට තිබූ ගැටලුව නම් තම භාර්යාව සමඟ එකතු වීමේදී විනාඩි දෙකක් වැනි කාලයක් තුළදී ශීෂ්ණය ප්‍රාණවත් වීම නැතිවීමයි. නිමල් තවදුරටත් ඔහුගේ ප්‍රශ්නය මෙසේ විස්තර කළේය.

“මට තවම මතකයි මගේ පුංචි කාලය. මගේ අම්මයි, තාත්තයි දෙන්නම උදේ වැඩට ගියා. බොහෝ විට මම ගෙදර මගේ මාමා සමඟ තනිවුණා. මාමා මාව ක්‍රමයෙන් ලිංගික අපයෝජනයට යොදාගත්තා. අකමැත්තෙන් වුණත් මට ඔහුට කැමති වෙන්න සිද්ධ වුණා. දැන් මට තිබෙන ලොකුම ගැටලුව මගේ භාර්යාව කෙරෙහි ලොකු ලිංගික උද්දීපනයක් හෝ ආශාවක් ඇතිකර ගැනීමට ඇති අපහසුවයි. පිරිමින් කෙරෙහි සැඟවුණු ආශාවන් මට තිබෙනවා. වෙලාවකට මම ගැනම මට දුක හිතෙනවා. මේ විනාශය මට සිදුවුණේ මගේ මාමා නිසා කියලා.”

ලංකාවේ දරුවන්ගෙන් 14%ක් පමණ නොයෙකුත් ලිංගික අඩන්තේට්ටම්වලට ගොදුරු වන බව සමීක්ෂණවලින් පෙනීගොස් තිබෙනවා. මින් 10%ක්ම මෙම තත්ත්වයට ගොදුරු වන්නේ ළඟම සිටින ඥාතීන්ගෙන් බව පෙනීගොස් තිබෙනවා.

ලිංගික කාර්යයේදී එය නිසි ලෙස කරගැනීමට නොහැකිවේයැයි යන භිය බොහෝ දෙනාට ඇති වන තවත් භීතියකි. මෙයට ගොදුරු වන බොහෝ තරුණයන්ට ඇති ප්‍රධානම ගැටලුව නම් ලිංගිකත්වය පිළිබඳ තියන ආකල්ප හා අත්දැකීම්ය. මොවුන්ට වෙනත් ලිංගික ගැටලුවක් නැත. එනම් නින්දෙන් ශීෂ්ණය හොඳට ප්‍රාණවත් වීම, උදෑසන අවදි වනවිට හොඳින් ප්‍රාණවත් වූ ශීෂ්ණය, ස්වයං වින්දනයේ යෙදීමට ඇති හැකියාව වැනි මේවාගේ ගැටලු නැත. අපි නිදසුනක් ගෙන බලමු. උපුල්ගේ වයස අවු. 25යි. විවාහ වී වසරයි. මීට පෙර ලිංගිකත්වය පිළිබඳ බොහෝ කරුණු අසා තිබුණද ඔහුට ලිංගික අත්දැකීම් තිබුණේ නැත. පළමු එක්වීමේදී ඔහුට සිතුණේ තමන්ට මෙම කාර්යය නිසි ලෙස කර ගැනීම අපහසු වුවහොත් විවාහය අසාර්ථක වේයැයි යන බියයි. උපුල් ඔහුගේ ගැටලුව මෙසේ පැවසුවා.

“අපි විවාහ වුණේ යෝජනාවකින්. මට ලොකු බරක් තිබුණා ඇයව නිසි ලෙස සතුටු කරන්න බැරිවුණොත් මම දුර්වල පුද්ගලයෙක් ලෙස ඇය මම හඳුනාගනීවී කියලා. ඉතින් පළමු රෑ අපි දෙන්නා එකතු වුණා. විනාඩි දෙකක්වත් ගියේ නෑ මගේ ශීෂ්ණයේ ප්‍රාණවත් බව නැති වුණා. මට ලොකු බයක් ඇතිවුණා. මෙම අවු. දෙකට මේ භීතියෙන් පෙළෙන නිසා තවමත් බබෙක් හදාගන්නත් බැරි වුණා. ඇයටත් දැන් මාව එපා වෙලා. මගේ බිරිඳට දැන් හරියට තරහා යනවා. ඇයට හරියට නින්ද යන්නෙත් නෑ. වෛද්‍යවරු කියනවා ඇය දැන් විශාදිය හෙවත් මානසික අවපීඩනයට ගොදුරු වෙලාලු. අපේ කේන්දරේ බලන්න අපි දෙන්නම ගියා. නත්ෂත්‍රකරු කීවා අපි දෙන්නම දැන් ඉන්නේ ඒරාෂ්ඨක කාලේ කියලා. ඔහුට අනුව මේ අපලේ ගෙවෙන්න තව අවු. 5ක් යනවා කීවා. නමුත් මනෝවිද්‍යාවට අනුව මේ ප්‍රශ්නය සිතේ ඇතිවන කනස්සල්ල සහ භීතිය සමඟ මනසේ ඇතිවන ආතතිය ද සමඟ ගොඩනැගෙන ලිංගික අප්‍රාණිකත්වය ලෙස හඳුනාගෙන තිබෙනවා. (Performance Anxiety) ලිංගික බෙලහීනතාවයට තවත් ප්‍රධාන හේතුවක් වන්නේ තම සහකාරිය පිළිබඳ නිසි ආකර්ෂණයක් නොමැති වීමය. මෙහිදී ඇය කෙරෙහි තිබෙන ආදරය පමණක් ප්‍රමාණවත් නොවේ. ලිංගික සන්නිවේදනය, පිරිසිදුකම, අකාරුණික ගතිගුණ, ලිංගික ක්‍රියාව පිළිබඳ අවබෝධය එහිදී ලැජ්ජාව සහ බිය අඩුවීම ආදිය ද වැදගත් කරුණුය. මෙය ද නිදසුනක් ගෙන බලමු.

සුපුන්ගේ වයස අවු. 25යි ඔහු තාරිකා සමඟ විවාහ වූයේ අවු. 5ක ආදරයකින් පසුවයි. නමුත් මෙසේ යාලු වී සිටින කාලය තුළ ඔවුන් දෙදෙනා ආදර සම්බන්ධතාවයෙන් බැඳී තිබුණත් ලිංගික එකතුවීමක් නොතිබුණි. සුපුන්ට විවාහ වී මාස දෙකක්වත් යාමට පෙර ලිංගික කාර්යයේදී ශීෂ්ණය අප්‍රාණික විය. සුපුන් මේ ගැන මෙසේ පැවසුවා.

“මට තාරිකා ගැන හරිම දුකයි. ඇය හරිම ලැජ්ජයි. ඇය ඇඳුම් ගලවන්නෙත් ලයිට් නිවලා. ඇය ලිංගිකව එකතු වෙන්න කැමති බොහෝ විට කාමරේ ලයිට් එක නිවලා. ඉතින් මම කොහොමද ඇය ගැන ලිංගික හැඟීමක් ඇතිකර ගන්නේ. ඇය පුදුම ලැජ්ජාකාරියෙක්. උත්සවයකට, පාටියකට ගියත් කොන්වෙලා ඉන්න බලන්නේ. මනෝවෛද්‍යවරු කීවේ ඇය සමාජභීතිකාවෙන් පෙලෙනවා කියලා. මට දැන් ඇය කෙරෙහි ලොකු ලිංගික ආකර්ෂණයක් හෝ ආශාවක් නෑ.

තාරිකාගේ සමාජ භීතිකාව සාර්ථක ලිංගිකත්වයට බාධාවක් ඇති බව මෙහිදී පෙනෙනවා. සාර්ථක ලිංගිකත්වයක් යනු අපගේ ඉන්ද්‍රීය පහම පිනවීමකි. තාර්කාගේ මේ අසාමාන්‍ය ලැජ්ජාව සුපුන්ට නිසි ලෙස ලිංගික ප්‍රාණවත් වීමට බාධාවක් වී ඇත.

පිරිමින්ට ඇති වන ලිංගික අප්‍රාණිකත්වය පිළිබඳ බොහෝ කරුණු ඉදිරි ලිපියෙන් බලාපොරොත්තු වන්න.

► කිරිබත්ගොඩ මූලික රෝහලේ
මනෝ වෛද්‍ය
නයනානන්ද කුමාරනායක

This is the one and only positive sex educational website in sri lanka and written in Sinhala language